زوجى واهله

انا وجوزى بنحب بعض قوى ومتفاهمين وعندنا ولد عمره سنه وثلاثه شهور متجوزه من سنتين ونص وعمر ما كان بينا خلاف لاى سبب لكن اهل جوزى هما المشكله احنا قاعدين فى منزل حماتى فى البيت جوزى واخوه وامه كل واحد منهم ليه شقه بس حماتى متسلطه وكل يوم تعمل مشكله علشان احنا قاعدين فى البيت شويه تقول ده بيتى واللى عنده كرامه يمشى من هنا وشويه تزعق علشان النور او المياه وشويه على السلم انه عايز يتمسح يعنى بتزعق على كل حاجه واول ما اتجوزت قعدت تذم فى سلفتى وتقول انها مكنتش عايزه ابنها يتجوزها وكتر كانت بتقولى كلام ان سلفتى بتتكلم عنى وانها مش طيقانى لحد مقطعت سلفتى ومن شهر اتصلحنا ودلوقتى انا المشكله معايا المهم طلعت حماتى عندنا من يومين وزعقت علشان الفواتير بتاعت النور واتعركت مع زوجى اتكرر الموضوع كل يوم على مدار اسبوع وانا مش برد وفى اتعركت معايا انا وسلفتى وانا مردتش علها لكن سلفتى ردت عليها وقعدت تقول النسوان قاعدين فى البيت ومش بيدفعوا الفواتير سكت كذا يوم وانا جوايا مخنوقه منها قوى لحد مافى يوم طلعت وزعقت مع جوزى وقالت انا مش عايزه حد يقعد هنا انا عايزه شقتى الللى عنده كرامه ميقعدش هنا وانا هنزل افصل النور والمياه عليكم مع العلم انها طردت ابنها التانى من البيت وسكن بره تسع شهور وكمان قطعت عليه النور ست شهور المهم رحت انا فصله النور من عندى وقلت انا مش عايزه نور زعقلتى وزوجى شغل النور فقلتله اسمع كلامها ولو عندك كرامه زى مبتقولك امشى من هنا ضربنى وشدنى من هدومى علشان اطلع بره وغصب عنى وهو بيضربنى لسانى فلت وغلط فيه بابوه بجد غصب عنى ومشيت وبعد كده روحت انا وامى وابى ليهم واعتذرنا ليهم وبوست راس حماتى وجوزى وكمان بابا قالها حقك علينا وجزمتك على راسى لكن قالت انا مش عيزاها تقعد هنا وكمان جوزى قال كده ودلوقتى بيقول انه عايز يسبنى ونطلق وياخد الولد منى للاسف ندمانه لانى اهنت جوزى وبتمنى لو يرجع الوقت ومكنتش عملت كده المهم انا بحب جوزى قوى وروحى فيه ومش عارفه اعمل ايه علشان يسامحنى ونرجع لبعض ارجوكم ساعدونى وقلولى اعمل ايه ده ربنا بيسامح انا من الضرب غلطت لحضه الغضب ياريت ربنا يساعدنى ويحنن قلب جوزى ويخليه يسامحنى لكن حماتى صعبه ومش بالساهل ممكن اقدر اصالحها دلونى ارجوكم