][

وشصار يعني لو حبيبي هجرنـــي
ماهمني لاهو ولا اللي يقـــولــــون
كم واحد قبله وفيت وغـــــدرنــــي
ماقامت الدنيا ولا صرت مجـــنـــون
وان كان قصدك بالخساره خسرني
وان كان قصدك بالعطايا يولــــــون
محد على ذيك العطايا جـــبــرنــــي
وشرواي لامنهم عطو مايـمنـــــون
شئ خذيته من ابوي وشـــهــرنـــي
الطيب اللي حي لو كان مـــدفــــــون
وبالشده اذكر وبالرخا من ذكــرنـي
واجيه انامن اقصاي لا صار معــبون
واتعب على منهو جرحته وعذرنــي
وامسك عليه كلمة خطا الي اتــمــون
واسهر عشان اللي تعبت وسهرنــي
وكانه سهرني بعين ابسهر له عيـون
واشكر كرم منهو عطيته وشكرنــــي
والله يسامح من خذا وقــال مــديــون
رح للذي تو ماعرفني وخـــبـــرنــي
وقله ترا نــصــار كلمنـي هـــاللــــون
كل الــجــفـا اللي منهم ماعـســـرنــي
صاروا معي والا علي مايــهـــمـــون
لي الشرف غير الزمن مـاكــســـرنــي
اطيح واضحك له وانا كلي اطـــعـــون
حــتـى ولو طـيـبي لـعـبـي ودمـــرنـــي
امــــوت لي منه ولا امــوت ممــنـون
وصحيح انا طيب وعـقـلــي كـــبـــرنــي
لكــن اذا ضاقت علي صرت مجــنـون