تجمع حلم الامومة

دودي

المشكله انا ماعندي اكاونت بتويتر ولا اعرف له
ماعنده حساب بالانستغرام؟؟
او ماتعرفين دكتور ذكوره تمام وعنده حساب بالانستغرام
اتواصل معاه ع الدايركت؟؟

بناااااات والله العظيم تعباااااانه نفسيا
مادري شسووووووووووي

عشوقه ياقلبي
لا تفكري ولا تتعبي نفسيتك بتفرج ان شاءالله
لا تتكلمي مع زوجك الحين اذا نفسيته تعبانه خليه يهدأ ويروق
واذا راح زوجك الموعد الجاي روحي معاه واساليه كل الي بخاطرك
كم نسبه نجاح العمليه وكم بالميه ممكن يتحسن التحليل بعد العمليه
وكل شي حابه تستفسري عنه واساليه بمثل حالتكم اي افضل بمثل حالتكم يعمل عمليه ولا حقن
وبالنسبه للحقن عادي مااحس الرجال بيرفضو انا اول ما اقترح علي الدكتور زوجي مااعترض ولا انا
هذي رحمه من رب العالمين ومو عيب او غلط الواحد يلجأ لها
انا عملتها ومااحد يعرف الكل يفكر حمل طبيعي الا خواتي قلت لهم وأبوي

اهم شي استخيرو بكل حاجه وربي يكتب لكم الخير
ويفرح قلوبكم انتي وزوجك بالذريه الصالحه

لا والله ماعنده اكاونت بالانستجرام عنده بالتويتر بس
بالانستجرام مااعرف دكاتره والله بس التويتر ملياان

عشووق
كأنج حملتي قبل واجهضتي؟
حملج كان طبيعي؟

هلا عشوقة ربي يفرج كربك ويعطيك ما تتمنين

من تجربتي الشخصية زوجي الحمدلله استفاد من العملية وبعدها بس بثلاث اشهر حملت طبيعي لكن اجهضت والحمدلله والدكتور قال لان توه بداية العلاج وبعدها بستة اشهر حملت مرة ثانية طبيعي والحمدلله رب العالمين الله يتمم لي على خير واستمر الحمل بإرادة الله وكان كل مرة يسوي تحليل بعد العملية كانت الحركة ما شاء الله تتحسن لان ما كان عنده مشكلة بالعدد

والحمدلله حاليا وضعنا طبيعي بإذن الله احمل بدون تدخل المستشفيات وهو شيء مريح نفسيًا علما اني سويت تلقيح صناعي قبل عملية زوجي ولا نجحت

فبرأيي عالجوا السبب الأساسي وتوكلوا على الله سبحانه
وحبيبتي الدكتور محمد الدارزي عنده هذي العملية سهلة وناجحة بإذن الله حتى عيادته كل سعوديين يسوونها ونفس اليوم يرجعون بلدهم يعني ما ليها آثار جانبية بس اول الايام اشوي بس بعد اسبوع كل شي طبيعي

وسعر العملية مثل ما قلتي ٨٠٠ دينار بحريني تقريبًا

عاشقة انفاشه

رينا يفرج همك ويسهل اموركم
ادعي واستخيري وان شاء الله خير وتفرحون عن قريب


كل الحوامل الحلوات
الله يتمم حملكم على خير يارب :) ويخفف عنكم




اخباري
لا جديد
كنت مسافرة عشان اريح بالي وماافكر بالحمل ورجعت قبل كم يوم
موعد الدورة بعد 3 او 4 ايام و ان شاء الله ماتنزل
بس مو حاسة بشي وما عندي اي اعراض
حللت قبل يومين والنتيجة سالبة :( الله كريم

دودي

المشكله ان زوجي من بدا يتعالج ويروح لدكتور
يروح برنحه حاولت معاه كذا مره ان اروح معاه بس مايرضى
يقول العساده كله رجال وقلبل اذا واحد معاه زوجته
قلت له انا خاطري اجي وياك واعرف كل شي واقدر اسأل الدكتور بكل اللي في بالي
لانه احنا الحريم نسأل عن كل شي وتفاصيل يمكن ماتجي على بال الرجال
بس ابدا كل موعد له احاول معاه بس نفس الشي يرفض
واحيانا بعد لانه يروح العياده طلعته من الدوام فمابيصلح ان يمر علي البيت ونروح
دودي انتي سويتي حقن ولا شنو؟؟
وشلون طريقة الحقن عطيني تفاصيل شوي

ايي ان شاءالله بحاول افكر الف مره في كل سي وفي كل خطوه
ونستخير وان شاءالله خير يارررررب
شكرا حبيبتي دودي الله يثبت لج ان شاءالله


جوفاني

هلا حبي
اي حملت السنه اللي طافت
وحملي كان طبيعي بس اجهضت
اخذت بس فوليك اسيد وجلوكوفاج اللي ينظم نسبة السكر (على ما اعتقد هذي وظيفة الحبوب)
وفتره بسيطه وحملت


دفوووء

الف الحمدلله
ماتتصورين شكثر طمنتيني وريحتيني :'(
لدرجة ان الغيت فكرة ان اكلم زوجي بخصوص الحقن او غيره
نتوكل على الله ويسوي العمليه وان شاءالله نكون من الناس اللي يستفيدون عليها
والحمدلله ان انا اللي مطمنني اكثر اني سبق وحملت طبيعي قبل
فمو عسير على رب العالمين ان يرزقني مره ثانيه
الحمدلله ريحتييييييني وااايد الله يريحج
ويقومج بالسلامه حبيبتي


لولوو

تسلمين ياقلبببي على هالدعوات اللي تبرد القلب
والله يرزقج باللي تتمنينه ويعطيج على قد نيتج
ويفرحج بالحمل السليم القريب العااااجل يارب
انتي وانا وكل بنااات التجمع وكل وحده تطلب الذريه الصالحه يارب

يا عمرررري عشووووق

ربي يهون الامر عليك وصدقيني يا عمري ما ضاقت الا الفرج قريب
وهذا وعد من الرحمن ( إن مع العسر يسرا )
وما في شي ء يصعب على رب العباد
وصدقيني دامك حملتي العام بتحملين ان شاء الله طبيعي بس
المسأله وقت وهذي خيره من الحكيم الجبار فلا تسبقين رزقك وصدقيني خليها على الله
وعطي نفسك وزوجك هالفتره راحه من هالموضوع
وانتي بس حاولي انك تنظمين الدوره ويارب تحملين
وبتجين تبشرينا
حتى قبل زوجك يسوي العمليه وما يحتاج لها يارب
ولا تنسين الاستغفار والدعاء بعد الفرائض وسوره البقره

سؤال حبيبتي اذا ممكن
انتي شنهو المشكله عند زوجك بالضبط
العدد ولا الحركة ..؟!
انا زوجي كانت مشكلته العدد وانحلت الحمدلله بالفيتامينات


بس ريحي نفسيتك هالفتره والفرج قريب إن شاء الله


أحبكم خواتي ...^.^

عبوووق

اهلين ياقلبي، وينج؟؟ فاقدتج
الحمدلله على كل حال الله يرزقني الصبر وطولة البال
مشكلة بني آدم عجووووول!
ايي الحمدلله انا اللي مهون علي ان حملت قبل طبيعي
فان شاءالله احمل هالمره طبيعي ولو مو طبيعي ع الاقل بعد عملية زوجي
الله يسمع منج حبيبة قلبي يارررررررب
واتبشرينا انتي بعد قريب :)
ان شاءالله بسوي كل اللي قلتوا لي عليه
وكل شي بيد رب العالمين
واهم شي دعوااااتج لاتنسيني من الدعاء ولج بالمثل اكييييد اوخيتي

والله ما اذكر المشكله في الحركه ولا العدد
اعتقد في الاثنين.. بس دودي تذكر ماشاءالله تقرير نتيجة زوجي
لانه حللتها لي وفسرت كل شي
ان شاءالله اذا جافت السؤال تجاوب

بس انا زوجي فترة الكورسات عطوه فيتامين بس نفس الشي
مافي اي تحسن!

واحناااااا نموووت عليييييج
الله يرزقج الذريه الصالحه ويعطيج اللي بخاطرج :)

مساء الخير
اللهم صلِ على محمد وآل محمد كما صليت على ابراهيم وآل ابراهيم

مساء الورد جوفاني

اللهم صلِ على محمد وآل محمد
هابي ويكند بنات
ونسألكم الدعاء

مساء النور والخيرات
اللهم صلِ على محمد وآل محمد كما صليت على إبراهيم وآل إبراهيم

دعواتكم حبايبي
جاني نزيف
أدعولي ربي يتمم حملي ويحفظ جنيني
اللهم اني أستودعك جنيني أمانه عندك فاحفظه وسلمه لي عند ولادته سليم معافى يامن لا تضيع ودائعه

اللهم صل على محمد وآل محمد ...

عشوووق تسلمين على الدعوات الطيبه حبيبتي
وربي يحقق لك ما تتمنين ...


دووودي
حبيبتي ربي يتمم لك هالفرحه على خييير
الزمي الراحه وان شاء الله ما في الا الخير
بس طمنينا عنك ...

دودي

حاولي ترتاحين كثر ماتقدرين
وحطي يدج ع بطنج واقري اية الكرسي وسورة يس
وصلي على النبي وماعليج الا العافيه يارب
واهم شي طمنينا عليج لاتخلينا نحاتيج
والف سلامه حبيبتي


عبوووق

فعلا كلكم خواتي واتمنى لكم اللي اتمناه لي :)
ان شاااااءالله يارب ويحقق لج ماتتمنين حبيبتي

مسااااء الخييير

وجمعة مباركة حبيباتي ..


دووودي طمنينا عنك إن شاء الله وقف النزيف ...


والباقي شخباركم ؟

مساء الورد
جمعه مباركه

الحمدلله بخير لاجديد يذكر

دودي طمنينا حبيبتي
شخبارج؟ عسى بس وقف النزيف!

مساء الفل


دوووودي ضروري تروحين الطواررري
وطمنيناااا

يتصفح الموضوع حالياً: 3 (3 من الأعضاء و 0 من الزوار)
‏جوفان*, ‏عبق الورد 22, ‏عاشقة أنفاسه


اخباركم

اهلااا جوفااان

بخييير ربي يسلمك
اخبارك واخبار النونو


انتظر دودي تطمنا عليها