تجمع حلم الامومة

تسلمون خواتي ع الدعوات

بعد قلبي دودي
صج انج اخت وكل بنات التجمع خوات دنيا
شي فرحني ان للحين تذكرين نتيجة التحليل ماشاءالله

وفعلا باخذ بنصيحتج وبغير الدكتوره
افكر اروح لدكتوره اسمها سميره مدن اعتقد اسمها هذا
ولمشي ع الكلام اللي قلتين بالحرف
واحس ان عالتخطيط اهو صح

اعتقد تاريخ ١٨-٧ موعد زوجي للتحليل
بيكون مكمل شهر وان شاءالله يارب النتايج تطلع زينه

بعد شوي بتصل ف المراخه عشان اروح لها بعد بكره ان شاءالله

دعوااااااااااااتكم ياقلبي
لاتنسوني من الدعاء في هالشهر الكريم
والله لايحرمني منكم

احبكم :*

عاشقه حبيبتي الله يسهلك الخير يارب
وان شالله الله ينولك الي ببالك يارب

عاشقه


يارب يطمن بالك ويسهل أمورك

عاشقه حبيبتي
ربي يسهل أمرك ويرزقك الذريه الصالحه وكل مشتهي يارب
اهم شي استخيري بكل حاجه تعمليها وربي يفرح قبلك

وان شاءالله تكون نتيجه تحليل زوجك سليمه يااارب

مخدوعه
هايدي
دودي

تسلمون حبايبي، الله يسمع منكم ياررب :)

دعواتكم :*

الله يبارك بحياتج حبيبتي ام احمد
امييييين ياررررب الله يسمع منج

وينكم بنات مالكم حس
ترى ملل اذا ماتدخلون التجمع
ولاتعطونا اخر اخباركم ومستجداتكم

شنو شعوركم وشهر الله قرب يخلص
جهزتوا للعيد ولا للحين؟

انا باقي شنطه تعبت ادور شنطه
تدخل راسي مو محصله :(

عاشقه حبيبتي
كيفك شو اخبار ك
والله انا جهزت الحمد لله
وجهزت لمالك كمان هاد اول عيد بيعيد معي
انتي شو تجهيزات

اهليييين ام مالك
منوره حبيبتي
شخباارج وشخبار ولدنا؟؟

اييي زين تسوين الحمدلله
عليج بالعافيه انتي ومالك وتقطعون اغراضكم بالعافيه
الحمدلله هالعيد ان شاءالله بيكون احلى عيد بالنسبه لج والسبب وجود مالك في حياتكم
ماشاءالله :)

انا كملت تجهيزاتي من عبايات وملابس وشوز وانتي بكرامه وكل شي
باقي لي الشنطه مو محصله :(

اهلين خواتي
كيفكم ؟
وينكم غايبين
انا موعدي يوم الأربعاء ان شاءالله اعمل اشعه واشوف الكيس والنبض ياارب
بدا الوحام الله يعين شعور مقرف يارب تعدي هالايام ع خير
بالنسبه للعيد مافيني ع روحه الاسواق بس قبل الترجيع رحت السوق واشتريت
كل الاشياء للي بحتاجها أخذت للعيد فستان كحلي وردي وتيفني طويل وبطانته قصيره وفيه فتحتين طوال ع الجوانب
واخذت معاه شوز عالي ماادري عادي البس كعب عالي ولا لا
وفصلت عبايه جديده
واخذت كم غيار لان بروح أعيد عند اهلي وتعرفو مناسبات وزيارات
وبس

مساااء الخير

أخباركم حبيباتي ...!! ؟

دووودي ربي يطمنك حبيبتي وتسمعين النبض
وانتبهي لا تلبسين عالي ..

بالنسبه لتجهيزات العيد تو خلصت اخذت لي فستانين
وعندي كذا لبسه جديده ماخذتهم من فتره

وجديدي
ان اليوم الفجر شرفت والحمدلله على كل حال
ان شاء الله بعد العيد بروح للي قلت لكم عندها
تسوي دليك وهالامور

ولا تنسوني من دعاؤكم في هالايام المباركه
وخصوصا الليله ...

ربي يسعدكم جميعا ويحقق لكم ما تتمنون ...

سلام عليكم
كيفكم يا احلى امهات وامهات المستقبل

وانا اقول ليش قسم الحمل مهجور وبالاخص موضوع منتظرات الحمل وفي الاخير لقيتكم
هههه

ان شاء الله تسمحولي اشارك معاكم؟

اهلًا وسهلا فيك
نورتينا

ربي يرزقك ويسعدك

امين اجمعين يارب
مشكوورة هايدي

خواتي من فيكم جربت اختبار التبويض في البيت؟؟
انا جديد اشتريت وراح اجربه هالشهر حاليا انا في اواخر الدورة

اعرفكم بنفسي عضوة قديمة طبعا
كنت حامل قبل اربع سنوات وجبت ولد الحمد لله وتركت التجمعات لكم سنة
قبل سنة قررت احمل من جديد لان ابني بدا يكبر ماشاء الله بس ماصار حمل
الحمد لله ماعندي مشاكل صحية و زوجي سليم بس اعتقد مشكلتي مااعرف وقت
التبويض بالضبط ونسبتها عالية ولا لاء

دورتي كانت منتظمة قبل الحمل الاول كل ٢٨ يوم بس الحين كل ٢٥ او ٢٩ يوم لهالسبب مو عارفة وقت التبويض

تركت فكرة الحمل لفترة عشان اريح تفكيري
وقبل شهر رجعت من جديد احاول وان شاء الله يارب يصير حمل هالشهر

قريت عن تجارب حمل ناجحة مع اختبار التبويض فحبيت اجربه هالشهر وان شاء الله خير

سلام بنات
كيفكم ؟
كل عام وانتو بخير وتقبل الله منا ومنكم صالح الاعمال

ياربي بدا الوحام أبدا ماتوقعت كذا تعب تعب شي مو طبيعي
غثيان وكرهت كل الأكل ودوخه يارب خفف عني
عرفت ليه الجنه تحت أقدام الأمهات


الحمد لله رحت موعدي وشفت كيس الحمل وسمعت نبض البيبي
ياربي أحلا شعور ربي لايحرم احد من تجربه هالشعور
رجعلي الدكتور ٣ اجنه بس سبحان الله واحد الي ثبت
الحمد لله كله خير ونعمه من الله
ربي يرزقكم حبايبي وأفرح بحملكم قريب

زوجة دودي الله يتمم حملك على خير اختي ويسهلك فترة الوحام
صحيح اصعب فترة هي فترة الوحام بس راح تعدي ان شاء الله

قبل النوم جيبي بسكويت مالح و موز وخليه بمكان قريب من سريرك و اول ماتصحين من النوم في صباح كلي البسكويت المالح اول شي وبعدين موزه راح تحسين الغثيان يخف

صح صعب تقبل اي نوع من الاكلات هالفترة بس كلما معدتك تكون فارغة راح تزيد الدوخة والغثيان

دودي الله يسهل عليك

وخذي بنصائح لولو
وألف الف مبرووك



لولو

الله يرزقك وتفرحي يارب

وبالعكس مره دكتوره قالتلي دورة ال ٢٥ يوم كثيييير كويسه بالنسبه للتبويض بس يتقدم يمكن يكون باليوم ١١

دودي مبروووك ربي يفرحك بالذرية الصالحة ويعدي أيام الوحم على خير وسلامة
صحيح أيام الوحم كأنك عايشة بعالم ثاني بس فترة مؤقتة وتعدي أنا خف علي الوحم نهاية الرابع وفي الخامس والسادس صرت ماشاء الله ولا كأني حامل الحمدلله رب العالمين بس الحين أحس جسمي تعبان والثقل بدأت معاناته الله يجزي أمهاتنا الجنة

لولو نورتِ التجمع وإن شاء الله فأل خير عليك وعلى جميع البنات .