تجمع حلم الامومة

دودي

ان شالله يكون من التوتر بس

انا اقول استخيري
واعملي الاشعه مره ثانيه

وان شالله ماهنا الا كل خير

تسلمو حبيباتي ع دعواتكم
اي الحين بريح نفسي
وبعيد أشعه الصبغة وع النتيجة أستخير
وأشوف شو بدي اعمل
الدكتور يقول ممكن عيب خلقي اذا كان كذا ما ينفتح
الحمد لله ع كل حال

وين هجيتو
قرقرو

اوه دودي
فكرتكم طلعتو
اليوم عندي جرد بالمطبخ وتعزيل
هسه خلصت

جوفان
يعطيك العافيه
أحلا شي التعزيل انا مطبخي بدو تعزيل
لان قبل كم يوم اشتريت اشياء جديده ولسا مارتبتها
بس مكسله هههه

خلاص بكره نبدأ في مطبخك هههه شرايج

الله يعينك دودي كلام الدكتور يخوف بس إن شاء الله يكون من شدتك على نفسك

الله يجبر بخاطرك و يرزقك الذرية الصالحة وتحملي طبيعي

جوفان
هههه
يله بالدور كل يوم تستلم مطبخ وحده

فلسطين
أمين يااارب
الله يسمع منك


عبق
اذا رجعتي طمنينا عليك
يارب تكون كل أمورك تمام التمام

مساء الخيييير

شخباركم ...؟!

اليوووم رحت الموعد وسوت لي الدكتوره سونار
وقالت كل الامور تمام بس البويضات صغار
الحمدالله على كل حال
عطتني كلوميد وابرتين
وارجع لها بعد أسبوع ..

امممم بنات اللي قبل أستخدموا الكلوميد متى كنتو تاخذونه
وفيكم الدوره ولا بعد ماتخلصون ..؟!

أنا الدكتوره حييييل احسها زينه
بس المشكله ان حييييل عليها زحمه فاذا دخلنا عندها احسها ماتقول كل شي يعني لازم أسألها
لان ماتبي تطول بسبب الزحمه اللي برا
بس حبوبه واي سؤال نسألها تجاوب برحابة صدر

بس حسيت المفروض تعيد لي تحليل هرمون الحليب
يمكن بسببه اابويضات صغار
يبي لي اسبوع الجاي اقول لها
لاني سويته قبل كم شهر وكان تمام مو مرتفع

دودي بعد مطبخج
بنفر على شقه عبق نساعدها في النقل هههه


عبوقه
انا اخذت كلوميد
اذا مانسيت من خامس الدوره ناخذه

فلسطين

امييييين يارب حبيبتي ويرزقج ويرزق كل البنات المحرومين
هههه مافي سبب معين بس نحب اسم علي، سهل وحلو ويناسب كل الأعمار والمراحل العمريه
انا زوجي قبل لاياخذني، ابوه الله يرحمه قبل لا يتوفى اختار لكل واحد من أولاده اسم الابن البكر له
وزوجي قاله أبيك تسمي اول ولد يجيك علي على اسمي.. وانا من غير شي احب اسم علي أحسن حلو
وأختي بعد تحب اسم علي هههه وبس
وبخصوص زوجي، اي خلاص ان شاءالله بننطر وبنجوف شيصير معاه ويارب يكون خير


جووفاااني

حيااااتي والله الله يسلمج
وعقبال ما نتحمد لج بسلامتج :)



هـايدي

هههه عادي حبيبتي
الله يسلمج ويبارك فييج،، اميييين يارب وعقبالج انتي بعد وكل البنات يارب


عبوووق

مساااء الورد حبيبتي
الله يبارك فييج يا قلبي تسلمييين
اميييين يارب وعقبالج انتي بعد وكل البنات :)
الله يسمع منج ان شاءالله تطلع الاشعة تمام
زوجي يقول ان شاءالله اذا طلع فيني مشكله ما تكون كبيرة
يعني اذا بس دوالي مقدور عليها لانه يعرف كذا واحد كان فيهم وأمورهم طيبه الحين
بس خايف شي ثاني واكبر!


دودي

حيااااتي والله
الحمدلله على كل حال
كل شي خيره وصلاح لنا
فكري زين وأخذي وقتج وشاركت زوجج بالتفكير
وأخري القرار الصح
واهم شي استخيري وان شاءالله مابيصير الا كل الخير
واهم شي النفسيه
طمنينا حبيبتي
والله يسهل عليج وتبشرينا قريب


روح الظبي

الله يرزقج بالذريه الصالحه يارب عاجلا غير آجلا
ونورتي التجمع :)


عبوووق

ان شاءالله مع الادويه يكبر حجم البويضات وكل شي يصير تمام
تدرين اجوفكم وايد تسولفون بالتجمع عن الكلوميد ووايد اسمع ياخذونه
ههههه بس انا ولامره عطتني دكتورتي

عشوق دام مافيج شي لاتاخذينه


ذكرت حاجه
هالدكتوره قالت لي
قالت لي ترا كثر المنشطات هي مسبب لج تكيس

والدكتوره الي قبل قالت بتعطيني منشطات بشكل مكثف

عبق
الحمد لله انك اطمنتي
ضعف المبايض بالمنشطات يمشي حالها وتكبر
الكلوميد بالعاده من ثاني او ثالث الدوره
واحيانا من رابع يوم دوره مو اكثر
انتي اليوم كم من الدوره ؟
ان شاءالله تكبر وتحملي هالشهر ياارب
انا كذا قالي الدكتور
وبالنسبه لدكتورتك اذا هي شاطره وانتي مرتاحه لها هذا اهم شي
اكيد بتكون مستعجله من الزحمه تبي تخلص بس كذا احس ماتركر
انا اكثر شي عاجبني بدكتور الي أراجع عنده انه يتكلم ويشرح ويفصل كل شي
ويرسم لي كمان وعنده صور يوريني الصور ولما يخلص يقول اذا عندكم أسئلته اسالو
مايكون عندي أساله لان هو يشرح ويجاوب ع الاسئله الي عندي قبل مااقولها ههههه
مشاءالله
وانا احب الدكتوره الي تتذكر مريضتها يعني تكون عارفه كل شي عني من دون لاتفتح الملف وتتذكر

جوفان
هههه ضحكتيني
خلينا نعمل اعلان الي يبي تعزيل نقل عفش
نحنا بالخدمه

عاشقه
صح مثل ماقلتي ماراح استعجل والدكتور قالي لا تستعجلي
خلينا نبدأ خطوه خطوه ونفكر سوا ونشوف ايش الي يناسبك
انا تقريبا مايله للخيار الاول اكثر من الثاني وزوجي كمان بس بستخير
كم مرره وان شاءالله ربي يكتب لي الي فيه الخير

وآلله يطمن قلبك ع زوجك وتكون الاشعه كويسه يااارب
وتبشرينا بحملك قريب
والحمد لله ع سلامه اختك وعقبال ما نبارك لك بحملك يااارب
سوري امس من الصدمه ماباركتلك

جوفان
صح من سلبيات المنشط انو يعمل تكيس
بس اذا أخذتي جرعه كويسه وتحت إشراف طبي
واخذني أبره تفجيرية ان شاءالله مافي ضرر

ذاك اليوم كانو عاملين مقابله مع الدكتور حمد الصفيان اكيد اغلبكم يعرفه
كان يقول ان الوحده الي تاخذ منشط جسمها ينتج خلايا الجسم نفسه مايتعرف عليها
بعد ٥-١٠ سنوات ممكن تتحول الا خلايا سرطانيه لاسمح الله وقال ماانصح الوحده تاخذ منشط
اكثر من ٤ مرات في السنه واذا اخذتها يكون تحت إشراف طبي دقيق
خفت والله مع أني مااخذ منشط كثير بس مرتين أخذت واخذت الثالثه لما عملت التلقيح
خلقه الوراثة شغاله عندنا بهذا المرض ماما الله يرحمها ويغفر لها ماتت بهذا المرض
الله يحرمه ع أجسامنا وكل مسلم يارب

تسلمون حبوبات الله يكتب اللي فيه الخير والصلاح

دووودي أنا اليوم سادس للدوره وأغتسلت اليوم
قلت للدكتوره قالت ايه المنشطات الافضل انها تنوخذ بعد انتهاء الدوره مباشره
عشان ماتعفس بالهرمونات

وبس كتبت لي ابرتين اما الدكتوره اللي اول زواج كنت اراجع عندها
كانت تعطيني ثلاث والرابعة أبرة تفجير

عشوووق
ان شاء الله ماتحتاجين للكلوميد
انا هذا ثاني مره أخذه من تزوجت
مرة فتره كنت اخذ فيرتاب شهر او شهرين اخذته
بس أنا ريحت جسمي سنتين وشي من المنشطات والادويه
والحين برجع لهم ان شاء الله ماتنعفس نفسيتي
والله لا يضيع علينا تعب

دودي
ههههههه نشغل وقتنا بالتعزيل لين الله يفرجها



ياآلهي
من جد يتحول سرطان؟؟؟!
الله يرحم اميمتج

انا اخذت كلوميد مرتين او ثلاث مو فاكره والله

ومره اخذت ابر
اخذت فوق ١٢ ابره تقريباً والبويضات عيت تكبر
والدكتوره قالت خلاص نلغي التفجيريه مامنها فايده

طبعاً هالدكتوره الي عطتني الكم الهائل خلاص تقاعدت ورجعت ديرتها


بعدها رحت لدكتوره ثانيه
قالت مستحيل عدد الابر مررررره كبير

مو عارفه صراحه. مين الصح

جد ماينعرف لهم الدكاتره
الشهر الي فات رحت للدكتوره اخر يوم الدوره
قالت ماينفع نبتدي الحين
تعالي مع الدوره الجايه


ودكتورتج تقول تبتدي بعد الدوره

اييييه الصراحه أحس الدكاتره أراهم مختلفه
بس أنا يوم كنت أراجع بالحكومه كان الدكتور اللي يتابع حالتي
استشاري عقم وانابيب ونفس الشي قال المنشط من خامس يوم للدوره او سادس

جوفااااان
شهالدكتوره اللي ١٢ أبره بالشهر حرام عليها
أكيد هذا المسبب الاساسي للتكيس
مامره سمعت أحد أخذ أكثر من ٣ أبر

بالنسبه للتعزيل
اليوم بديت مطبخي بس باقي شوي وحسيت ظهري يعورني ماقدرت أكمل
إن شاء الله في الليل أكمله

اهئ اهئ << فيس يبكي
كل مره اروح اخذ الابره ابكي من الالم
تعور مره
وصار مكان الابره مثل الحساسيه
وكنت اقول يهووون لسماع صوت النونو يبكي في حظني

بعد هالكم الهائل من الابره سوت سونار
قالت البويضات ماوصلت الحجم المطلوب نكنسل التفجيريه
لو شفتي بس كيف وجهي ( فيس مبقق عواينه)
يعني بعد كل هالتعب وهالالم
ولازم اخذ الابر بنفس الوقت من كل يوم
كل هذا يروح
ولا كانه سوينا شي
بس الله كرريم