فيدوني وافيدكم يا جممميلات ، خلونا نتشارك الجمال

سلام عليكم ورحمة الله

اختصر لكم الموضوع ، انا عروس جديده وان شاء الله ربي يتمم لي على خير
باقي ع موعد زواجي اللي حددناه مبدئيا سنة وكم شهر

حبيت ابدا عناية بنفسي من الحين لاني جدا ماعندي وقت كافي>> تدرس بالجامعه

ولا احب اضغط نفسي قبل العرس بششهرين ولا ثلاثة اصنفر واقشر

مشاكلي مو كثيره يارب لك الحمد
فقط ابي اوحد لون جسمي ، تعرفون الركب والاكواع والمنطقه الحميميه
بالاضافة على ان عندي حرق بجسمي من الطفولة حرق درجة ثانيه

المهم يا بنات

اني سبق وشريت من زينة الاصايل بياض الثلج وكفوف جورية وايفوري ونوارة
بس ما استمريت ما ارتحت لها ودي ارجع لها بس شكل انتهت صلاحيتها

الحين بادية بالحمام المغربي ع طريقته الصحيحه
مررره فادني وجدا رائع
استخدم معاه الحناء والليمون ، والصابون الطاووس ، وكمان صنفرة كاب
وبرضو عندي زيت لوز وجلسرين
وسويت جليسوليد وليمون مرره حلوة للترطيب
واستخدم خلطه صابونيه
وامسح باسكينول ، هذي هي المرحلة الاولى من عنايتي
تتوقعون يحتاج ازيد شي ؟ صراحه شفت نتيجه حلوة فتحت ع هالبرنامج اللي هو من تجميعي ل نفسي
ولسى ما كملت شهرر عليه بس حلو

ابي ارائكم اذا بتضيفون لي حاجه او كذا يكفي ؟ واللي لاقيه برنامج مكثف للبشرة لا تبخل علينا
وانا كمان سمعت عن سمن الغنم يبيض مع الشرب
وسمعت عن عشبة الداد وعشبة الورس !!
اذا انتم مجربينها اولا

شاركوني ، وانا ان شاء الله اعلمكم عن جممال الشعر حتى لو احتترق من الصبغات والحناء السودا كيف يرجع صحي وروعه ماشاء الله مثل شعري بعد معاناة ولله الحمد ❤️❤️


ارجو ان ما يحذف الموضوع ولا ينقل والقى تجاوب منكم ربي يسعدكم ❤️❤️