قصيدة تحكي مأسات...؟

يا غاليـة ليـه البكـا ء والتناهـي
أسهرتنـي يُمّـه ودمعـك كوانـي
لا تحرقيني يا دفا الدار لي جيـت
كفـي بعـادك لا تهـدي كيـانـي
من عقبكم أدعي المنايا ولا أمسيـت
وضاقت بي الدنيا وغـدّر زمانـي
حالي براه الهم من يوم أنا اقفيـت
والنـار شبـت داخلـي بالتوانـي
وأون ونّة لي ضحكـت وتناسيـت
يرجع خيالـي يمّكـم فـي ثوانـي
وأبكي على ما فات وآقول يا ليـت
تصفـا لنـا الأيـام قبـل التفانـي
رحّال تايه والصبـر منـه مليـت
شرق وجنوب وغرب ربي بلانـي
يومٍ مع الأحباب وعامٍ مـع الميـت
مدري متى يمّـاه نجنـي الأمانـي
فأسألك أنا يمّاه باللي بنـى البيـت
ربي وربـك مـن نهيـتٍ برانـي
خلي الأمل موجود إن غبت وأبطيت
وبأحاول أصبر مع زمانٍ عصانـي
فما غيركم يمّاه روحي له أهديـت
حبي لكم أنهار تـروي الضمانـي
من دونكم حاربت نومـي وعانيـت
ومعكم نسيت الهم وقولـة أعانـي
والمعذرة يُمّاه إن كان أنا أخطيـت
في كلمـة أخرجتهـا مـن لسانـي
فلا عاد ليلٍ فيـه دمعـة وتشتيـت
وعسى اللقاء يالله عقـب إمتحانـي
[RAM]http://www.25q8.com/moseqa_alsh3r/moseqa6.ram[/RAM]