عروس بعد شهرين لبنات مصر

وعليكم السلام ورحمة الله وبركاتة


يالف مرحب حببتى نورتى المنتدى وشرفتنيا بنضمامك لينا


الف مبروك ليكى وربنا يكملك بكل خير اللهم امين






والله حببتى بنصحك بما انك عروسة وهبقىى محتاجة حاجه سريعه لازاله الشعر وخصوصا في الفتره الاول في الجواز


بمكاينة سيلك ابيل بروان جميله جدا وعمليه وهتنفع معاكى ان شاء الله






وانصحك ممكن تشوفى كارفور المعادى بيبقى فيه ركن العطور هتلقى فيه حاجات حلوة


وكما ن سبينس الى في سيتى ستار ز هتلقى فيه


ونصيحه منى لوجه الله متكتريش حاجات ملهاش لازمة في جهازك جيبى الحاجات الى هتحتاجيها وتستخدميها


والكريمات منصحكيش بيها عشان الصراحه بشوفها غير عمليه نهائى


ومبتشيلش كويس


ممكن تجربى شريح فيت للبشره الحساسة او الجافة حلوة


وبخصوص معطرات للمنطقة منصحكيش بيها حببتى بتعمل التهابات وكمان مش كويس انك تستخدمه حاجه للمنطقه دى من المعطرات


اكتفى بتنظيف بالمطهر وخلاص كده


اكتفى بس برش البرفان على غيراتك


واى استفسار عنينا ياقمر




وشكرا ام اسيل على المساعده

شكرا لتفاعلكم معايا حبيبات قلبي ربنا يكرمكم يارب
بالنسبة لازالة الشعر انا عندي وجربت كل وسائل ازالتو من حلاوة لسلك ابيل لرايح الشمع لجهاز الواكس للكريم للبودرة مخلتش بصراحة شيء الا وجربتو وكل حاجة ليها مميزات وعيوب
انا مشكلتي ان الشعر عندي غزير في جسمي كلو و بالنسبة للمنطقة الشعرة سميكة جدااااااااااااا طبعا بسبب اني متعودة على الموس فحاولت اشيل بالسيلك ابيل جالي انهيار عصبي ...حاول بالحلاوة والشمع مؤلم جدا جدا جدا وفي كل مرة بتمسك شعريتين تلاتة يعني على مااخلص اكون انجنيت
في واحدة نصحتني اجيب كريم مخدر واستعملو قبل الحلاوة الا ان الشعر يخف واتعود على شيلو في المنطقة بس لسا ماجربتش الفكرة

اما رجلي وايدي بشيلها بالحلاوة عادي لكن الرجل من فوق والباقي مقدرش بالحلاوة لانو متعب جدا جدا واكيد مش هستمر فيه
فهل الكريم ممكن يساعدني في الموضوع دا بعد الزواج لا هيكون مش عملي

طيب لو الكريم مش عملي اعمل ايه .... انا محابة البنات اليمتزوجات يساعدونا كمان بحكم خبرتهم في المواضيعدي وانهم دخلو التجربة قبلنا

بالنسبة للاخت الي قالت مجيبش حجات مش هستعملها ....ياريت لو تقوليلي زي ايه مثلا وايه الحجات الي اهتم بيها واجيبها وايهالي لا
وجزاكم الله الف خير يارب

وعليكم السلام ورحمة الله وبركاته ..

مبروووووووووووووك وربنا يتمملك على خير

انا فرحي في شهر 8 ان شاء الله

ومن خبرتي مع صحباتي اللي اتجوزوا والمقبلين


احب اقولك ان موضوع الشعر دة مهم جدا ولو في بطنك او ظهر شعر بس خفيف لانك ولا مرة عملتيه فانتي ممكن تشقريه بجولي ايفا
وانصحك انك تاخدي مخدر وتحاولي في موضوع الحلاوة في المنطقة او الشمع وانا عمري ما عملت فيها قبل كدة وهعمل قبل الزواج بس هروح للكوافيرة .. فنصيحة روحي للكوافيرة او خلي حد من قريباتك تساعدك .. بس لازم تدخلي وانتي نظيفة في المنطقة بالذات ومعلش استحملي
استخدام الكريم وحش لانه بيسمر
فنصحية خدي مخدر وروحي لحد خبرة عشان تخلصك بسرعة اما لو انتي هتعملي لنفسك مش هتخلصي

بالنسبة للبرفانات .. انا هجيب برفانات بحب ريحتها ممكن اتنين ولا حاجة .. وهبقى اروح لواحد بتاع برفانات اعمل كم تركيبة كدة خام وانا اللي بتعامل معاه بيبقى جرام بجنيه
برفانات ببمنطقة دي ممكن تلاقيها في محل بنات او كدة لاني بصراحة مجربتش الحكاية دي بس اعتقد اني مش هحط اي حاجة في المنطقة دي عشان اي مادة بيبقى فيها مواد صناعية ممكن تغمق او تلتهب فانا هكتفي وبوضع لوشن او كريمات على الجسم كله فبالتالي المنطقة دي هتتعطر من اللوشن او الكريم


بالنسبة للبس يفضل تجيبي من كل حاجة 6 مثلا
يعني 6 بيجامات ممكن 2 شورت 2 برمودا 2 بنطلون
وهكذا لبقية الحاجات
وحاولي تنوعي الالوان

بالنسبة للانجري ( البيبي دول ) متكتريش فيهم اوي


واتمنى اكون ساعدتك ولو احتجي حاجة ياريت تقوليلي

دمتي بخير ..

الله يوفقكك

الف مبروك حبيبتى ربنا يتم لك على خير يا رب

بالنسبة للمناطق اللى الشعر فيها غزير ممكن اول مرة تعملى بالكريم وبعد كده لما يطلع بالطول اللى تقدرى تشيليه تعمليه بالسويت وبعد كده ممكن تدهنى زيت زيتون بعد الإزالة سمعت انه بيخفف الشعر أو ماء بملح او ترمس منقوع وفى كريم اسمه كريم السعد من عند حراز اللى جربوه قالوا انه بيقلل الشعر برضه وبعدين سمعت عن سويت اسمها كريستالة المها اقل من السويت العادية اسالى عنها بالصيدليات

حبيتى فى حل تانى انتى لسه قدامك 4 شهور ممكن تعملى جلسات ليزر على المناطق الصعب عمل السويت فيها وعندك اماكن اسعارها كويسة زى الحوض المرصود ومعهد الليزر ومستشفى الحسين الجامعى أنا والله حاسة بيكى عشان عندى نفس المشكلة وبعمل ليزر بالحوض المرصود

حبيبتي أنا مو من مصر ان شاء الله البنات يفيدونك