بسم الله الرحمن الرحيم
اشحالن عرايس ان شاء الله بخير؟
حبيت اناقشكم في موضوع بصراحه يمكن بعضكم يشوفه مو مهم
بس والله انا اشوفه وايد مهم حتى نخدم خواتنا المقبلات على الزواج او
بالاصح عقد القران مثل ماتعرفون ان البنت اذا انعقد قرانها خلاص تستوي حرمته يعني يحق للرجل ان يتصل بها في اي وقت ونحن نعرف انا البنات
طبعهن الخجل مايعرفن شو يقولن او شو المواضيع اللى تفتحها ويا ريلها لأن الرجل ماشاء الله بالع راديو والبنت ماعندها شي تقولها مما يخلي الرجل يتملل من الحديث معها يعني انا وحده من ربيعاتي تخبرني ان يوم تتكلم ويا ريلها كله ساكته بس تقول صح وغلط ويوم يقولها ريلها ياله
تكلمي عطيني جديدج ماتعرف شو تقول لدرجه انه مل منها والله حرام؟
للعلم هي راعية سوالف وكوميديه درجه اولى بس مع ريلها تتخربط ماتعرف شو تقول حتى مرات تغلط في بعض الكلمات اللى تقولها يعني هاي مو بس ربيعتي اظن في بنات وايد خجولات ودهن يتكلمن بس شو المواضيع الحلوه اللى تستاهل فتحها في هذي المناسبه وياليت كل وحده مرت في هاالموقف تخبرنا شو السوالف اللى تثير النقاش مومواضيع سياسيه لا يعني سوالف حلوه جذيه انا بصراحه ماعرفت شو ارد على ربيعتي قلت عندي خواتي في المنتدى انشاء الله بيساعدونا
وسمحولي :clap:
المعرسه والمالكه تدخل
ع
22-11-2003 | 02:46 AM
د
22-11-2003 | 02:58 AM
:clap::clap::clap:
بس انا ماايد المكالمه قبل الزواج :up:
شوووووووووفوني مالجه واقسم بالله ماقط كلمته:pain:
بس انا ماايد المكالمه قبل الزواج :up:
شوووووووووفوني مالجه واقسم بالله ماقط كلمته:pain:
ز
22-11-2003 | 03:44 AM
انا رايي من راي اختي دهن عود هذا انا معرسه وما كلمة ابدا طبعا قبل العرس مب الحين الحين ما اسكت الكلام كله لي ههههههههههههههههههههههههههه:D2 :D2 :D2 :D2 :D2 :D2 :D2
واذا هي مطره تكلمه تقوله عن المستقبل وشو يعجبها وشو ما يعجبها
واذا هي مطره تكلمه تقوله عن المستقبل وشو يعجبها وشو ما يعجبها
ا
23-11-2003 | 02:48 AM
كلام صديقتج صح
في البداية ما اتعرفين شو اتقولين
و لو كان عندج موضوع معين اتمين متلخبطة ما اتعرفين اشقايل ادشين و تبدين الموضوع
المهم انا الصراحة في البداية قلت بحاول افهمه او اعرف طبيعتة و افكارة و الامور اللي يحبها بس خليته ايقول يتكلم و يقرقر و يقول اللي في باله و كل ما يجول في خاطره من مواضيع و كنت اتكلم و ياه باسلوب محترم و احاول ان اكون منصته جيده
و بالتالي فهمت طبيعته حتى بدون لا اساله اي سوال
و بعدين خذينا على بعض و عرفت المواضيع اللي تعجبه و الله ما تعجبه بناء على طبيعة شخصيته و مبادئه
بس صارت مواقف حسيت اني منحرجه منها
مثلا تدرون ان الراييل على اطلاع بامور الدنيا اكثر منا او في مجالات معينه هم يفهمون فيها اكثر من الحرمه
فيوم يتكلم عن شئ ما اعرف ما احاول ابين اني ما اعرف هالشئ اسوي عمري عادية علشان ما اتفشل :o
في البداية ما اتعرفين شو اتقولين
و لو كان عندج موضوع معين اتمين متلخبطة ما اتعرفين اشقايل ادشين و تبدين الموضوع
المهم انا الصراحة في البداية قلت بحاول افهمه او اعرف طبيعتة و افكارة و الامور اللي يحبها بس خليته ايقول يتكلم و يقرقر و يقول اللي في باله و كل ما يجول في خاطره من مواضيع و كنت اتكلم و ياه باسلوب محترم و احاول ان اكون منصته جيده
و بالتالي فهمت طبيعته حتى بدون لا اساله اي سوال
و بعدين خذينا على بعض و عرفت المواضيع اللي تعجبه و الله ما تعجبه بناء على طبيعة شخصيته و مبادئه
بس صارت مواقف حسيت اني منحرجه منها
مثلا تدرون ان الراييل على اطلاع بامور الدنيا اكثر منا او في مجالات معينه هم يفهمون فيها اكثر من الحرمه
فيوم يتكلم عن شئ ما اعرف ما احاول ابين اني ما اعرف هالشئ اسوي عمري عادية علشان ما اتفشل :o
S
29-11-2003 | 12:52 PM
والله انا ما اشوف انه فيها شي لو البنت المالجة تكلم ريلها ، هذا ريلها وحلالها والبنت اكيد تحتاج للنص الثاني علشان يكملها وما تحس بالنقص .
المهم انا الحمدلله مالجة صار لي اكثر من شهر وهو ولد عمي ونتكلم مع بعض بس ساعات انا ما تكون عندي افكار اتكلم عنها او ما احصل مواضيع اقولها وادري انه هالشي يملل .
هو ماشاءالله يتكلم اكثر عني . وانا خايفة انه يمل مني بسبة قلة كلامي .
على العموم اذا البنت ما تكلمت مع ريلها شلون بتقدر تعيش معاه بدون ما تعرف عنه اهم الامور اللي تخص حياته .
الكلام مو عيب ولا هو بس لازم نختار شو نقول ونعرف كيف نتكلم .
المهم انا الحمدلله مالجة صار لي اكثر من شهر وهو ولد عمي ونتكلم مع بعض بس ساعات انا ما تكون عندي افكار اتكلم عنها او ما احصل مواضيع اقولها وادري انه هالشي يملل .
هو ماشاءالله يتكلم اكثر عني . وانا خايفة انه يمل مني بسبة قلة كلامي .
على العموم اذا البنت ما تكلمت مع ريلها شلون بتقدر تعيش معاه بدون ما تعرف عنه اهم الامور اللي تخص حياته .
الكلام مو عيب ولا هو بس لازم نختار شو نقول ونعرف كيف نتكلم .
ز
23-03-2004 | 01:15 PM
من احس انكم وقعتم على الجرح لأني مملكه من سنه ونصف وقت مايكلم خطيبي ماالقى سوالف ويقفل وانا مااستفدت شي :confused::confused::confused::confused::confused::confused:
م
23-03-2004 | 06:32 PM
بنات آنه بصراحة مستغربة من ردكم ( كيف البنت ماتكلم خطيبها إلا بعد الزواج مع أنهم مالجين) يعني ليش عيل خلو هالفترة مو عشان الأثنين يتعودون على بعض وياخذون ويعطون ويكون الزواج بعدين أسهل..
يعني أحنه بصراحة في البحرين عادي في فترة الملجة نطلع مع بعض وندور ونزور الأهل والأقارب ونروح المجمعات إلا فترة الليل عاد هاذي لازم كل واحد في بيته على سريره.
أختي بخصوص الكلام، يعني عادي مواضيع عادية في البداية عن الهوايات وشو يحي ومايحب، طفولته، شو كان يمارس في المدرسة أو النادي، أكلاته، شو يحب في المرة ومن هالكلام والله يوفق الجميع...
يعني أحنه بصراحة في البحرين عادي في فترة الملجة نطلع مع بعض وندور ونزور الأهل والأقارب ونروح المجمعات إلا فترة الليل عاد هاذي لازم كل واحد في بيته على سريره.
أختي بخصوص الكلام، يعني عادي مواضيع عادية في البداية عن الهوايات وشو يحي ومايحب، طفولته، شو كان يمارس في المدرسة أو النادي، أكلاته، شو يحب في المرة ومن هالكلام والله يوفق الجميع...
K
23-03-2004 | 10:49 PM
أنا بالنسبة لي ماكان عندي مشكله في "السوالف" مع خطيبي (مملكين طبعاً)
رغم أنه حنا الأثنين خجولين جداً
بس من البداية حبينا نكون على طبيعتنا وبدون أي تصنع
وسهل الأمر أنه ولد خالتي ومن سني
يعني نعرف بعض من الطفوله
وبصراحه الكلام كان يبدأ عفوووووووي وبدون أي تخطيط
ويستمر ساااااااعااااااااات طووووويله بدون ما نحس
وبدون ما نسكت دقيقه وحده
بالذات البدايه حلوه لأن الوحده أو الواحد لسه عنده أشياء كثيره
يقولها للطرف الثاني هوه ما يعرفها
وبصراحه أحلى السوالف كانت عن أيام الطفوله والشقاوه
يعني كل واحد يتكلم عن كيف كانت طفولته
وبتشوفوا أنه من هالسالفه راح تطلع سوالف
وأحياناً تشوفين نفسك راحتي لسالفه بعيده عن إللي بديتي بها
وبصراحه أنا ما أحب أن الوحده او الواحده يقعد يقول
أنا طبعي كذا .. أنا أحب ذا .. أنا أكره ذا ..
خليكم عفويين وسولفوا عن مواقف صادتكم بحياتكم
وكل طرف بيفهم أطباع الثاني من خلال
هذه المواقف وطريقة تصرف الشخص وتعامله مع كل موقف
يعني أفهميه بطريقه عفويه وحلوه
الله يوفق الجميع يا رب
K
23-03-2004 | 10:57 PM
:idea:
على فكره
عادة يبدأ الحديث عن شي صار في يوم الشخص
يعني لما تسألينه: أخبارك اليوم؟ كيف قضيته؟
أذا تكلم لك عن شي صار له خلال يومه
علقي على الموضوع بحيث أنك تبدأين سالفه
ومن هالسالفه راح تتفرع سوالف كثيره
يعني عشان ما تحسين أنك دخلتي بسالفه عرض
وهوه يقول ويش جاب طاري هالسالفه
:D2
على فكره
عادة يبدأ الحديث عن شي صار في يوم الشخص
يعني لما تسألينه: أخبارك اليوم؟ كيف قضيته؟
أذا تكلم لك عن شي صار له خلال يومه
علقي على الموضوع بحيث أنك تبدأين سالفه
ومن هالسالفه راح تتفرع سوالف كثيره
يعني عشان ما تحسين أنك دخلتي بسالفه عرض
وهوه يقول ويش جاب طاري هالسالفه
:D2
ل
23-03-2004 | 11:18 PM
:eek2: :eek2: شلووووووون ما تتكلمون مع بعض بعد الملكه ؟؟
s
24-03-2004 | 09:54 AM
في المكالمات الاولى الوحدة وايد تكون خجوله.. بس شوي شوي تتعود على زوجها وتطلع سوالف