زوجي وتصرفاته على حسابي وحساب أولادي

زوجي وتصرفاته على حسابي وحساب أولادي
كيف حالكم ياعروسات؟
أبغى رأيكم وبكل صراحة يا متزوجات لما يكون أولادك محبوسين بالبيت لهم شهور يتمنون يخرجون وأبوهم مو فاضي لهم بينما أخواته لو يطلبونه اللي يطلبونه قال من عيوني وركض يطلعهم ويلبي طلباتهم لو كانت اللي تكون بدون مناقشه او اعتراض بالعكس مبسووووووط ولما تطلبينه او أولادك شي ومو فاضي يماطل ويصرخ ويزعل لدرجة صارت فيك ضيقه وفي أولادك ولاهو سائل ويطلع يتمشى هو وأخواته ويتسوقون ولا يقولك عشان ما تطلعين معهم وتخريبن جوهم لأنك صرتي تغارين منهم وتتضايقين بسبب تدليله الزائد لهم ومزحه معهم بطريقة مزعجه مبالغ فيها بضحك وصراخ وتبطح لايمكن يسولف معك او يمزح معك مثلهم ولا حتى ينتبه لك إيش تقولين ومشغول وهو معك بالجوال والفيسبوك وتويتر ومعهم لايمكن يفتح هالاشياء يقول يجاملهم ويسولف ويمزح كل الوقت ولايسكت ومعك الصمت والكآبة والضيقه ولأولادك الحبس في البيت والطفش لاهو داري عنهم ولاعن دراستهم ولا قريب منهم ولا يدري عن طلباتهم ولا احتياجاتهم بينما أخواته يجلس معهم ويعرف تفاصيل تفاصيلهم ومو اول مره يطلع معهم مره رجعت من الدوام وطبخت الغداء وانتظرته أنا والأولاد للساعه 5واتصل قال باتأخر عندي أغراض بأخذها طلعت الأغراض تمشية مع أخواته وتغدو سوا وأنا وأولادي ماكلين هواء بالبيت وقبلها طلع أهله وأخواته وعيالهم يتسوقون ويتمشون بالمول وتركني أنا وأولادي بالبيت وعرفت بالصدفة انه مطلعهم وتاركنا لما نزلوا صور بالانستقرام وصارت مشاكل كثيره بيني وبينه ولا زال نفس الموال يتكرر ويقول لو انط للسقف ما تتغير معاملته لهم قلت له عاملهم بالزين والإحسان بس مو لهالدرجه ونكدت حياتي وأثرت غيرتي وقهري يقول انتي حسوده وحقودة وقلبك أسود وغيوره وتمثلين عشان تضغطين علي للأمانة هو يطلعني اوقات كثيره نص ساعه لساعه بالليل بس ساكت أغلب الوقت وانا اللي أتكلم وأحاول اخليها يتكلم بس مو عاجبه مزحي ولاسواليفي ويرد علي بكلمه وكمل احلام اليقظه حقته ويضحك مع نفسه يتذكر سؤاليف مرت عليه
أنا ماأبغى حلول لان ما فيه أمل تعبت معه أبغى شعور كل وحده فيكم بأمانه وصدق وشفافيه لو زوجها سوا كذا تخيلي الوضع وحطي نفسك مكاني بدون أي مثاليه الله يخليكم أبغى شعورك الحقيقي فديتكم