عندي بازار

وعليكم السلام ورحمة الله وبركـاته...

اول شي اهنيك على طموحك مع العائله

شي حلو لما يستثمر الإنسان وقته وطـاقته و تفكيره لـ يفيد نفسه وغيره.

انا حبدأ من النهاية!

من عند اختك اللي بـ الصف الرابع

ممكن تخليها تعمل ركن بقصص اطفال .

يعني قصص الأنبياء او كيف نعمل اشياء مفيده

و الطبيخ بشكل مبسط

ودفاتر الذكريات و اقلام اشكالها حلوه احس البنات في دا السن بيحبوا اشياء الدلع والإبتكار.

و ممكن كمان يكون فيه الرسم على الوجه و عمل سلطة فواكه.


للكبار ممكن يكون ركن خاص مثلا للي عنده شغاله اسلمت او لسى مـ اسلمت

يعني يكون فيه كتيبات تعريفيه بـ الإسلام

سجادة صلاه..

اشرطه بلغتهم..

صور للحرم ممكن يهدوهـا في بلدهم لأهلهم اللي هناكـ.

كمان ممكن اذا عندك احد عنده موهبة التغليف والتزيين

تجيبي دفاتر ساده و تخليهم يزينوهـا بالتل والساتان هي والقلم وكمان تبيعيها...

ممكن مثل مره الأخت مشتاقه للجنه كتبت عن ميداليات بعبارات تشجيعيه..

طبعًا الورد انا اعتبره سيد الموقف واكيد بيكون اقبال عليه

وللأمـانه انا مـ عمري حضرت بازار

لكن دايم اقرا ومن كذا جتني الأفكار هذي اتمنى ان فكره منها على الأقل تعجبك وتطبقيهـا..

وكمان فيه فكره سمعتها في برنامج بك اصبحنا عجبتني مره طبعًا هما كانوا عاملينها كـ معرض

لكن ممكن نغير شوي فيها وتصير تنفع لبازار

وهي فكرة ( الثلاث غرف )

وهي انه تكون فيه غرفه سودا : يكون جدارها ملبس بأسود ونفس البنت اللي فيه لابسه اسود

في اسود

غرفه رماديه : ويكون جدارها رمادي والبنت لابسه رمـادي

الغرفه البيضــااااء : ويكون كل شي فيها ابيض في ابيض.

طبعًا السوداء هي قلب اللي مـ يصلي..

الرمـاديه قلب اللي متخبط بين و بين يعني مو عارف الطريق الصح

البيضـاء قلب المحـافظ على الصلاه وكيف ان قلبه حيكون ابيض وحياته بيضــاااء..

اتمنى تكون وصلت الفكره

وطبعًا في كل غرفه حتكون مطويات واشرطه وقصص تناسب حالها..

هذي الفكره انا شخصيـًا متحمسه لهـا واتمنى تطبقيها..

و البنت في كل غرفه حتتكلم عن حياتها ووضعهـا بإختصار..

يارب يـارب اكـون افدتك :f: