قصيدة من الاف لى الياء

ألف ألف للغضي عذب الاحان
الصاحب اللي توهتني اسنينه

والباء بحبه اتعب القلب شقيان
والقلب مني زايد في ونينه

والتاء تعالي وجرحي قلب حزنان
دامك بعيده ولاذكرتي حنينه

والثاء ثمان سنين غايب ولابان
وانا عقب فرقاه شفت الغبينه

والجيم جاوبني حبيبي بالاعيان
من يوم مالديت عيني ابعينه

والحاء حالي من سوياه تلفان
وياللأسف عييت انا اوفيه دينه

والخاء خانتني حروفي والاوزان
دام الشعر عندك ولاتكتبينه

والدال دللته على طول الازمان
وسلمت له قلب وافي ا بيدينه

والذال ذبحني اريش العين فتان
انا اشهد انه صافين في جبينه

والراء رمتني دنيتي وسط الاحزان
وغديت تايه في ضواحي المدينه

والزاء زماني كله اليوم اشجان
وجروح قلبي في حشايا دفينه

والسين سالي ماابي غيره انسان
وتفداه روح في غرامه سجينه

والشين شان الحب يوم الغضي شان
طبعه تغير ليه انكر ضنينه

والصاد صده زود القلب حرمان
وحلمي اشوفه ميت في يمينه

والضاد ضميري حي ولاني ابخوان
واليوم حبي للأسف تنكرينه

والطاء طويت الحب واعلنت نسيان
دام الهوى ياريم ماتذكرينه

والظاء ظلمتيني وانا دوم ولهان
والجرح وسط القلب ماترحمينه

والعين عيني تسكب الدمع سهران
والنفس صارت يامرايم حزينه

والغين غربه وغادين بين الاوطان
وعمري قضا والقلب بيح كنينه

والفاء فكري تايه حيل حيران
وانتي عنايا ياحياتي تبينه

والقاف قلبي محترق فيه نيران
وارجوك يابنت البدو تسعفينه

والكاف كافي ببتعد عنك ندمان
بس طالبك هالدمع لاتذرفينه

وللام لميني وانا فيك هيمان
لحظات هذا الحب والله ثمينه

والميم موتي ياغناتي تراحان
والجسمي انا تكفين لا تشتتينه

والنون ناوي انسحب خسران
خلاص حان البعد ويني وينه

والهاء هذا الحرف مافيه نقصان
قلته وانا ربان هذي السفينه

والواو واجد غيرك اليوم خلان
وقلبك تراليوم قررت اهينه

والياء يارحمن ياعالي الشان
تفرج لقلب مالقا من يعينه
[RAM]http://www.25q8.com/moseqa_alsh3r/moseqa6.ram[/RAM]