محتاجة رايكم بموضوع

السلام عليكم
حدخل بالموضوع على طول
انا من فترة سويت قروب عالواتساب للمتزوجات فقط وضفت حريم تقريبا من 4 دول وكنا مبسوطين الين ما ضفت وحدة من سوريا لانه نكون نمزح ولا نضحك ترسل لنا صورة واحد مقتول واحنا شفناه من زمان بالاخبار تقول ولد خالتها دوبه متوفي ترسل لنا مقاطع ضرب رصاص ويكون المقطع شفناه من اول تقول عند بيتها تجلس تشتكي ما في أكل ما في لبس وتجلس تدعي بالموت فتقول هي و زوجها بطلو شغل سالنها كيف عايشين طيب قالت أهل الخير بيساعدوهم صعبت علينا وقلنا نساعدها بس سبحان الله فجأة صارت ترسل صور كيكات وعصيرات وسفرة غدا وفطور مرتب وتقول برد وارسلت صور بطانية ما شاء الله تمام ودفاية فرجعو اللي بالقروب قالو لا هادي بتستهبل وضعها طيب ادا اهل الخير بيساعدوها بالاكل بيساعدوها بالنت كمان لانه ما شاء الله عليها 24 ساعة عالنت قلت لا تسيئو الظن قالو ما نبغاها طفشتنا بس تشتكي
ورب الكعبة فكيت القروب عشان ما يبغوها قلت خلاص طفشتوني كل يوم شكاوي واستمرت صداقتي معاها طبعا استمرت الشكاوي فقلت لها ابغ ارسل لك مبلغ تساعدي نفسك بيه جلست تبكي وتقول الدنيا لسة بخير واعطتني اسم زوجها قلت لها انا ما اقدر ارسل على سوريا قالت لي عادي على لبنان اصلا زوجي بيروحها كثير وبتجينا اغراض من هناك قلت طيب ارسلت لها المبلغ واعطيتها رقم الحوالة قالت شكرا قلت لها ما بيننا احنا اخوات وكان نفسي ارسل لك اكثر بس خيرها بغيرها لانه زوجي رفض ارسل لها بعد ماشاف صور بيتها وحياتها بس انا قلت وعدتها وارسلت من مالي الخاص سالتها اول مره قلت لها زوجك استلم المبلغ قالت هو وصل قلت لها ايوة بيوصل بنفس اليوم قالت طيب وصار تتكلم معي من خشمها
بعدها ب 3 ايام استنى تقولي خلاص مشي الحال فاضطريت اسالها وياريتني ما سالتها
قلت لها خلاص زوجك راح ومشي الحال قالت لي لا مارح يقول مو محرز المشوار للبنان يكلف وقالت مبلغ مبالغ فيه انصدمت وما صرت عارفة ايش في وليش
اتفاجأ فيها اليوم راسلة لي تقول انه انا ما قلت لك ارسلي انتي اللي ارسلتي بكيفك وارجعي خدي فلوسك ما نبغ لا منك ولا من غيرك وحسبنت علي
بالله ادا احد فيكم فهم شي يقولي لاني مني مستوعبة للان
هل اتوقعت انه ارسلت لها مبلغ قليل وانا والله ارسلت لها مبلغ كويس طيب مدام على قولها وكذب طبعا انه غالي المشوار للبنان تخليني ارسل من الاصل ليش
مدام ما تبغ مساعدة لامني ولا من غيري تعطيني الاسم احول ليش
بالله فهموني ايش في