السلام عليكم اخواتي
عندي مشكلة وطالبتكم تساعدوني وتشورون عليّ
اول شي انا ترتيبي الاولى بين اربع بنات
وماعندنا اخوان ... المهم انا متزوجه و ماشاء الله عندي ولد ماشاء الله عمره سنه ونص واختي الاصغر مني بثلاث سنوات متزوجة وماشاء الله عندها ولد وماشاء الله عمره شهرين وعندي اخت اصغر مني بسبع سنوات تقريبا توها متزوجه
علاقتنا جداً قويه كاخوات جدا جداً ولا في حاجز بينا ابداً
بس صايرة لنا مشاكل انا واختي الي اصغر مني بسبع سنوات
باختصار اختي تقعد معاي تقولون سمن ع عسل
اطلع من بيت اهلي تتكلم عليىّ ..:(
أختي هذي ماقصرت معاها بشي ابدا الكل يشهد ان ماقصرت ابدا ابدا
اي شي تبي تحتاج اقول حاضر
مثلا لما خلصت ثانوي كانت تسجل بالجامعات وكانت هي لحين ماانخطبت والبابا الله يحفظه مشغول بشغله
اوديها كل الجامعات واتابع معاها وحتى لو زوجي تعبان راد من الدوام يوديها ولان زوجي يحب ابوي وايد فيقول كل الي اسويه عشان عمي
وايام خطوبتها وكل شي تحتاج معاها اوديها كل مكان فساتين صالونات مجمعات اسواق كل مكان
وتراني مااسوق سيارة فكل هذا ع ظهر ريلي
من مكان لي مكان ماتتخيلون يعني
عادي الغي مشوار خاص وطلعات انا وزوجي واوديها مشوارها
طبعاً البابا مو مقصر معاها بس وايد ينشغل وهو بعد مايرضى ان اكلف ع ريلي بس يعني احنا مانرضى الا نوديها ونكمل الي اهيه تبيه
تخيلوا اي مشكله تصيدها حتى لو انا راقده تتصل اقعد وايد اهتم فيها
بس والله حسافه هالدنيا مادري شلون تمشي...
شأقول ؟! بقولكم مواقف عطوني رايكم !!
الموقف الاول : انا ماتدربت سياقه لان كنت ادرس برا البحرين ورديت تزوجت والحمدلله حملت فما كان في وقت اتدرب مع ان بحاجه للتدريب والسياقه لان ظروف شغل زوجي شفتات يعني مرة يروح الصبح مرة الظهر مرة الليل
بس انا ماصار لي مجال اتدرب والحين ادور لي على مدرب سياقه وفي البحرين صاير صعب نحصل هذي الايام .. المهم اختي حصلت مدرب وهذا المدرب صديق جدي الله يحفظه .. انا قلت لها قولي له عني ان اختي تبيك تدربها !! وعدتني ان بتقول له !! وانا على الوعد انطرها تكلمه !! هي وقفت فترة التدريب لان المدرب سافر وقال وقت الي ابي ادربج بتصل فيج !! انا وهي ننطر اتصا
تخيلوا المفأجاءة ... اتصل فيها وكملت تدريبها بدون لاتعطيني خبر حق اعطيها اوراقي توديهم للمدرب !!
انا مرة رايحه عند اهلي جان أسال امي وين اختي الا تقول لي رايحه تدرب عندها تدريب .. انصعقت اسال ليش ماخبرتني انزين ؟!؟
سألت اختي الثانيه لان اختي الثانيه من ولدت وهي ببيت اهلي ماراحت بيتها لحين سالتها تدرين عن تدريبها ؟! قالت لا ولا عطتني خبر ،،، خاشة الموضوع عشان ماااتودي اوراقي!!
والسبب ان زوجي قايل بياخذ لي سياره وهي زوجها مايقدر ياخذ حقها سيارة !!! مواقف كثيرة وكلام كثير ماقدر اذكره الان كتابه فيطول الكلام ويطول .... بس تخيلوا اخت تسوي حق اختها جذي ؟!؟ ليش؟؟! وليلة الي راحت تدرب قاعده تتكلم عني حق اختي الثانية تقول انا انانيه احب نفسي ... واختي الثانيه انسانه هادئة جدا وماتعرف تجذب ولا تفتن بس بالغصب طلعت منهت الكلام ...
وعلى فكرة لما سألناها ليش ماقلتين لنا عن التدريب قالت بالغكس قلت حقكم انتوا اول ناس!!!
اختي وايد تجذب - تكذب- وايد ... من صغرها فيها هالصفه الجذب
موقف ثاني: انا ولدي متعلق فيها ومرة كانت راجعه من الجامعه ودخلت البيت واحنا قاعدين انا وولدي واختي وولدها على طول راحت تحضن ولد اختي وتلعب معاه ولد اختي عمره شهرين .. ولدي متاثر يبيها وصار غيران كلمتها اقولها عطي ولدي ويه ( وجه) ماترد علي وقاعده تلعب مع ولد اختي رديت قلت لها جوفيه مسكين يبيبج وبعد ماترد وبعدين قامت تصرخ وتقول اوهو حتى ع العيال بتسوون مشاكل ... تدرون ولدي يغار حيييل وراح يضرب ويطق ولد اختي ويصيبيح ... انا شسوي يعني ؟! انا قصدي تعطي ولدي وجه عشان مايكره ولد خالته مو حلو جذي نبيهم يصيرون ربع مو عدوان بس تصرفات الكبار تخليهم يكرهون بعض .. لازم تحاسب حق مشاعر الطفل .. الله يهديها
موقف ثالث: انا مرات قليله ونادرة ولحالات الضرورة اطلع بسيارة زوجي بدون رخصه قياده بس مكان قريب جدا يعني مثلا اروح البقاله لان زوجي مدربني وهو عنده ليسن بريطاني وعنده خبرة قويه بحكم شغله المهم مرة طلعت معاها ورحنا بيت عمتي وعقب رحنا البقالة ... عقب فتره قاعده اسولف لبنت عمتي ان طلعنا انا واختي ووديتها البقاله وبيت عمتي بالسياره جان تقول لي بنت عمتي لا اختج الي ودتج ومشت السيارة !!! استغربت اقول من قالج هذا الكلام قالت هي قالت لي ان هي مشت السبارة وودتج البقاله وو.. خخخ استغفر الله حتى في شي جذي تكذب!!! والسبب اشعر انها تغار !!!
ماعرف شاكتب والله طولت عليكم بس المواقف كثيرة وكلها تبين ان اختي في قلبها شي علي !!
تحقد او تغار !! مع اني ماقصرت والله حبيتها اكثر وحدة بخواتي عطيتها كل شي :(
وبالأخير جذي !! انا حاليا افكر ان علاقتي فيها تكون جداً رسميه وماعتبرها اختي ..
لان الاخوة اكبر من جذي
وانا مثل ماعطيت ابي احد يقدر عطاءي
مو معقوله اظل طول عمري اعطي انسانه ماتستحق
وماتقدر وياليت ماتقدر فقط بل تتهمني بالانانية
وانا الي اترك حياتي الخاصه المهمه وناستي مع زوجي وولدي واروح اقضي اشغالها :( الله يسامحها
شوروا علي .. محتاجتكم
ع
19-11-2013 | 02:29 AM
أ
19-11-2013 | 08:21 AM
أختي من غير لف و دوران رح أجيبها من الأخير
خلي علاقتك بيها أشد من الرسميه اختك تغير منك جدا جدا و على الاغلب حسداتك و يمكن ان السبب ان زوجها طلع مش كويس او مو مثل زوجك الله يحفضه و يخليه لك
ديري بالك و حصني نفسك و زوجك و إبنك اختك بشر و البشر ربي خلقهم فيهم الخير و فيهم الشين لذلك لا تحقدي عليها ولا على بالك لكن لا تستني منها شئ او خدمه او عمل في يوم و كذلك لو طلبت منك شئ تعدري منها إنك ماتقدري تعرفي ليش لأنها رح تنكر كل مساعده سويتها لها و كل خدمه قدمتيها لها
اقولك أختك زوجها مش كويس لذلك قلبها غامها إن عندك رجل طيب و يموت فيك و في أهلك
ملخص الكلام لا تتوقعي منها في يوم تساعدك ولا تحاولي تقدمي خدماتك لها على طالعه و النازله ,,,لو تبي تكسبي أجر عند ربي ساعديها لكن ماتتوقعي رح تقولك شكرا,,,كذلك أقولك لا تقولي على الاشياء الكويسه يلي تصير معاك مثلا زوجك بيشري سياره لي ,,زوجك أخدلك هديه ,,زوجك بيطلع بكم سياحه ,,مش لازم احد يعرف و حتى لا تسببي مشاكل مع العيله مش لازم حتى اختك و امك يعرفو مثلا طلعتي مطعم أو إشتريتي ملابس حلوه او روائح أو ذهب يعني لو شافو عندك قولي أيه نسيت أقول لكم و أسكتي إنتي طيبه جدا و أختك متغايضه منك
خلي علاقتك بيها أشد من الرسميه اختك تغير منك جدا جدا و على الاغلب حسداتك و يمكن ان السبب ان زوجها طلع مش كويس او مو مثل زوجك الله يحفضه و يخليه لك
ديري بالك و حصني نفسك و زوجك و إبنك اختك بشر و البشر ربي خلقهم فيهم الخير و فيهم الشين لذلك لا تحقدي عليها ولا على بالك لكن لا تستني منها شئ او خدمه او عمل في يوم و كذلك لو طلبت منك شئ تعدري منها إنك ماتقدري تعرفي ليش لأنها رح تنكر كل مساعده سويتها لها و كل خدمه قدمتيها لها
اقولك أختك زوجها مش كويس لذلك قلبها غامها إن عندك رجل طيب و يموت فيك و في أهلك
ملخص الكلام لا تتوقعي منها في يوم تساعدك ولا تحاولي تقدمي خدماتك لها على طالعه و النازله ,,,لو تبي تكسبي أجر عند ربي ساعديها لكن ماتتوقعي رح تقولك شكرا,,,كذلك أقولك لا تقولي على الاشياء الكويسه يلي تصير معاك مثلا زوجك بيشري سياره لي ,,زوجك أخدلك هديه ,,زوجك بيطلع بكم سياحه ,,مش لازم احد يعرف و حتى لا تسببي مشاكل مع العيله مش لازم حتى اختك و امك يعرفو مثلا طلعتي مطعم أو إشتريتي ملابس حلوه او روائح أو ذهب يعني لو شافو عندك قولي أيه نسيت أقول لكم و أسكتي إنتي طيبه جدا و أختك متغايضه منك
M
19-11-2013 | 10:38 AM
اختي سمحي لي انتي ملاحظة روحج؟؟؟؟
تدورين المشاكل دوارة!!!! خلصتي من سالفة ريلج مع البرادة واحين التفتي على اختج
يايية ميودة عليها مواقف وما فكرتي تحطين لها عذر او حتى ما فكرتي تسوين الصح وتكلمينها سيدة حكمتي عليها بالشينة!!! اذا مع اختج جذي عيل شلون مع الغريب!!!!!!
اول موقف مع المدرب انتي بروحج قلتي عندنا أزمة مدربين يعني مو نفس قبل كلها شهر بالكثير واحنا مخلصين لا الموضوع يطول وعادي ان الشخص يتدرب مرة بالشهر + طبع المدربين وبالذات الشياب معروف كريه يعني عادي قال حق اختج لا او حتى للحين ما عطاها جواب واختج تستحي كل شوي تسأل
الموقف الثاني انتي بروحج قلتي راجعة مع الجامعة يعني تعبانة والمزاج صفر ، محد يقدر يقاوم الياهل اللي في عمر ولد اختج بس سمحي لي اللي في عمر ولدج يكونون حركين واللي ما عنده ياهل ينزعج منهم ومو طول الوقت يكونون كيوت وشحليلهم في عيونا وانتي الله يهديج سويتي مشكلة من ولا شي !!!! ليش تتدخلين؟؟؟ يمكن كانت بتعطيه ويه عقب ما تريح شوي !!! يمكن متنرفزة من شي وما سكة نفسها بالغصب مليون يمكن ويمكن
اما آخر موقف فبعد سمحي لي !!!! من صجج !!! هل فعلا انتي جايفة الشي يسوى؟؟؟
اختي راجعي. نفسج وتصرفاتج انتي الأكبر والتعقل ، عندج شي قوليه لأختج بدل تصيد الأخطاء
تدورين المشاكل دوارة!!!! خلصتي من سالفة ريلج مع البرادة واحين التفتي على اختج
يايية ميودة عليها مواقف وما فكرتي تحطين لها عذر او حتى ما فكرتي تسوين الصح وتكلمينها سيدة حكمتي عليها بالشينة!!! اذا مع اختج جذي عيل شلون مع الغريب!!!!!!
اول موقف مع المدرب انتي بروحج قلتي عندنا أزمة مدربين يعني مو نفس قبل كلها شهر بالكثير واحنا مخلصين لا الموضوع يطول وعادي ان الشخص يتدرب مرة بالشهر + طبع المدربين وبالذات الشياب معروف كريه يعني عادي قال حق اختج لا او حتى للحين ما عطاها جواب واختج تستحي كل شوي تسأل
الموقف الثاني انتي بروحج قلتي راجعة مع الجامعة يعني تعبانة والمزاج صفر ، محد يقدر يقاوم الياهل اللي في عمر ولد اختج بس سمحي لي اللي في عمر ولدج يكونون حركين واللي ما عنده ياهل ينزعج منهم ومو طول الوقت يكونون كيوت وشحليلهم في عيونا وانتي الله يهديج سويتي مشكلة من ولا شي !!!! ليش تتدخلين؟؟؟ يمكن كانت بتعطيه ويه عقب ما تريح شوي !!! يمكن متنرفزة من شي وما سكة نفسها بالغصب مليون يمكن ويمكن
اما آخر موقف فبعد سمحي لي !!!! من صجج !!! هل فعلا انتي جايفة الشي يسوى؟؟؟
اختي راجعي. نفسج وتصرفاتج انتي الأكبر والتعقل ، عندج شي قوليه لأختج بدل تصيد الأخطاء
ا
19-11-2013 | 11:27 AM
امممم ,, اختي الحبيبة ... حطي الاعذار لاختك لان من الموقف اللي قلتي عنه بموضوع التدريب هي ايضا ما خبرت اختك الثانيه موو ؟؟؟ يعني الموضوع مو ضدك كلش ...
اختك لربما عندها مشاكل مع خطيبها او مشاكل بالدراسة او مشاكل اخرى ومع الضغط الدراسي فهي تحط حرتها بأقرب الناس اللي تضمن انهم يستحملونها الا وهم اهلها فاذا انتم ما احتويتوها بكلا الصفات السيئة والحسنة فمن راح يكون سندها ؟؟! ... طريقتها ورده فعلها وكلامها بانك انانية ايضا ممكن ينم عن وجود مشاكل وضغوطات عليها محتاجه منك تسمعيها او تسألي عنها يعني انا كنت اشوف نفسي لما تزوجت اختي الكبرى حسيت مو بغيره لاا بحزن وكان من يشوف حركاتي يقول غيره حتى على زوجها المسكين هههههه ! ولكن هي احتوتني وفهمت رده فعلي الى ان تعودت والى ان صرت ابوح لها بمكنونات قلبي ومن ضمنها موضوع الضغوطات اللي كانت تصيبني فانتي اعطي الامان لاختك واعذريها وبنفس الوقت صارحيها باللي بقلبك لان الظفر مايطلع من اللحم وانتي قلتي انكم مقربات لبعضكم فحرام تضيع هالاخوة على فكرة ممكن تكون خاطئة من كل الاطراف ..
واما بموضوع المدرب ,, فمثل ماقالت مس كلورز هو فعلا هاذي الحالة اللي صايرة يعني انا بوقتي من سنين وبعد كانت هالازمة ويالله حصلت على مدرب وكانت احدى صديقاتي تصر علي اكلم المدرب وكان يجعمني بكل مرة هههههه يعني حسسني بانزعاجه ولكن كنت اصر وبرغم هالشي مادربها وهي تفهمت! ولا كملت نص تدريبي واخواتي مايدرون وانا ع بالي قلت لهم والسبب ضغط الدراسة والنسيان الفظييع اللي كنت اعاني منه طبعا زعلوا شويات بس بغضون ساعات رجعنا ولا كانه امر كاان يعني اختي الكبيرة تمشي لي ولا تشره علي وانا اسوي المثل وهلم بنا ..
واما بموضوع انها تركت ابنك وراحت لولد اختها ,,, بعد هي تبغي ترضي كل الاطراف وهاذي والدة جديد فالاهتمام يعطى للمولود الجديد اجباري لحتى الام نفسها تحس بتقبل من الاهل ... فماعتقد انها قاصده شي وانما مجرد امر عفوي ولمست منك الاجبار بالتالي عصبت وعاندت انها تجي لابنك! يعني لو انا انحطيت بالموقع بسوي نفس الشي ,,,
اما بموضوع الكذب ,, اممم بعد احس شووي طبيعي تصير هالسالفه بين الاخوات كثيير ولكن يرجعون مثل قبل ولا يحملون شي بقلوبهم على بعض والسبب ( انهم مقربين لبعضهم ويعذر كل واحد الثاني وبنفس الوقت المحبة تجبر الانسان يتحمل الطرف الاخر ) .. ماعليه عذريها بعد وأرد اقول صارحيها بكل هدوء وطيبة وشوفي تبريراتها وافهمي شنو المشاكل اللي ممكن تعانيها لان بالنهاية هاذي اختك وصدقيني لو يصير فيك شي انتي او ابنك الله لايقوله راح تشوفينها جنبك وبهالوقت راح تبين محبتها ...
وربي يديم عليكم المحبة ياااارب ويخليكم لبعض ولايحرمكم من بعض ان شاء الله مهما يصير بينكم ,, الاخت غالية مهما تسووي ..
ع
19-11-2013 | 12:43 PM
اختي الماسية شاكرة لج ردج وتفهمج تسلمين حبيبتي
اختي مس كولورز ... اسمحيلي وايد تهجمتي
اختي التفاحة الجناوية اشكر لج ردج المهذب ولكن اختي لاتتوقعين اني ماحط لها اعذار
وترا كل مشكله تصبدها اعرفها لان هي تلجأ لي !! انا صايرة بالبيت مب بس اخت كبيرة جني أم
بس اختي هذا طبعها من زمان والكل يعرف هي شلون !! حتى الوالد وايد يشتكي من اسلوبها وياه ماتحترم احد لاصغير لا كبير
تاخذ ماتعطي .. يعني انا اقعد معاها اطلع عنها تتكلم علىّ بسوّء
دايما يوصلني كلام انها غلطانه علي
هي اول مانخطبت صارت مشاكل كبيره مع زوجها واهله .. وزوجها اتصل فيني لان يعرف شكثر انا واختي قراب من بعض
قال لي هي حتى الماما والبابا تتكلم عنده عليهم بسوء وعلينا .. انا اكلمكم عم اختي واهرفها اختي فيها شي مرض شي الله اعلم تكذب وايد تغير المواقف
مادري بس الكتابة ماتقدر تشرح الواقع ..
انا اطرح مشكلة اختي لان مع الكل ماتقدر تعيش
احنا نحبها اول من يحتويها بكل مشاكلها
اختي التفاحة انا اكتب لج ويمكن ماتدرين ان اختي وانا مافي ربع حاجز بينا
بس هي عندها مشكله فسرتها والله اعلم الغيرة مني وانا عطيتها كل شي كل شي عقب الالقي جذي
تكذب تقول عني كلام اناحتى مو حابة اكتبه '!!
اختي مس كولورز ... اسمحيلي وايد تهجمتي
اختي التفاحة الجناوية اشكر لج ردج المهذب ولكن اختي لاتتوقعين اني ماحط لها اعذار
وترا كل مشكله تصبدها اعرفها لان هي تلجأ لي !! انا صايرة بالبيت مب بس اخت كبيرة جني أم
بس اختي هذا طبعها من زمان والكل يعرف هي شلون !! حتى الوالد وايد يشتكي من اسلوبها وياه ماتحترم احد لاصغير لا كبير
تاخذ ماتعطي .. يعني انا اقعد معاها اطلع عنها تتكلم علىّ بسوّء
دايما يوصلني كلام انها غلطانه علي
هي اول مانخطبت صارت مشاكل كبيره مع زوجها واهله .. وزوجها اتصل فيني لان يعرف شكثر انا واختي قراب من بعض
قال لي هي حتى الماما والبابا تتكلم عنده عليهم بسوء وعلينا .. انا اكلمكم عم اختي واهرفها اختي فيها شي مرض شي الله اعلم تكذب وايد تغير المواقف
مادري بس الكتابة ماتقدر تشرح الواقع ..
انا اطرح مشكلة اختي لان مع الكل ماتقدر تعيش
احنا نحبها اول من يحتويها بكل مشاكلها
اختي التفاحة انا اكتب لج ويمكن ماتدرين ان اختي وانا مافي ربع حاجز بينا
بس هي عندها مشكله فسرتها والله اعلم الغيرة مني وانا عطيتها كل شي كل شي عقب الالقي جذي
تكذب تقول عني كلام اناحتى مو حابة اكتبه '!!
ع
19-11-2013 | 01:15 PM
انا لا تتوقعون مااواجهها وبس تعبت ماعندها اسلوب
بالنسبة للموقف الأول : هي خشت موضوع التدريب عنا لسبب لان الكل استغرب وانا كنت نايمه وياها يومين وماخبرتني
وحتى اختي الثانيه ماخبرتهت والسبب السيارة !! لان ليله الي بتدرب قاعده تقول انا مالقدر اخذ سياره لو جمعت جذي وجذي جان قدرت اشتري سيارة
وعلى فكرة اختي ماخبرتها عشان ماتعطيني خبر واعرف بادموضوع
والغريب ان لما سألتها اختي ليش ماخبرتيني ؟!؟ جذبت وقالت امبلا قلت لج وخبرتج وبالحقيقه هي ماجابت سيرة
وانا لما سالتها ليش ماخبرتيني؟! قالت امبلا قلت لج
انا اقرل يمكن عندي زهايمر بس اختي بعد عندها زهايمر ؟!؟؟
الموقف الثاني : اسلوبها كان غلط ولدي متعلق فيها رايح يكلمها وهي تحقر وانا ام اكيد مابرضى اجوف ولدي جذي وانا مارفعت صوتي او غلطت عليها انا كلمتها باحترام وعادي وباسلوب قريب للمزح قلت لها عطيه وجه عاد
الموقف الثالث : اعتقد انها مو طفله تنسب لنفسها بطولات المفروض هي اكبر عقلها من تكذب بطريقه اطفال
انا استفيد من الموقف الثالث ان اختي تكذب حتى على الاشياء التافهه
بالنسبة للموقف الأول : هي خشت موضوع التدريب عنا لسبب لان الكل استغرب وانا كنت نايمه وياها يومين وماخبرتني
وحتى اختي الثانيه ماخبرتهت والسبب السيارة !! لان ليله الي بتدرب قاعده تقول انا مالقدر اخذ سياره لو جمعت جذي وجذي جان قدرت اشتري سيارة
وعلى فكرة اختي ماخبرتها عشان ماتعطيني خبر واعرف بادموضوع
والغريب ان لما سألتها اختي ليش ماخبرتيني ؟!؟ جذبت وقالت امبلا قلت لج وخبرتج وبالحقيقه هي ماجابت سيرة
وانا لما سالتها ليش ماخبرتيني؟! قالت امبلا قلت لج
انا اقرل يمكن عندي زهايمر بس اختي بعد عندها زهايمر ؟!؟؟
الموقف الثاني : اسلوبها كان غلط ولدي متعلق فيها رايح يكلمها وهي تحقر وانا ام اكيد مابرضى اجوف ولدي جذي وانا مارفعت صوتي او غلطت عليها انا كلمتها باحترام وعادي وباسلوب قريب للمزح قلت لها عطيه وجه عاد
الموقف الثالث : اعتقد انها مو طفله تنسب لنفسها بطولات المفروض هي اكبر عقلها من تكذب بطريقه اطفال
انا استفيد من الموقف الثالث ان اختي تكذب حتى على الاشياء التافهه
أ
19-11-2013 | 01:32 PM
ربي يصلح حلها و يحنن قلبها عليكم سبحان الله ربي يخلق البشر بإختلافهم تلاقي عائله مشاء الله عليهم و فيهم واحد أعوج طالع عكسهم او تكون عائله مافيها خير أبدا و تلاقي فيها واحد ربي نزل فيه رحمته و رضاه
إدعيلها ربي يهديها و خلي علاقتك بما يرضي الله معاها لكن ماتتوقعي شئ كويس منها
إدعيلها ربي يهديها و خلي علاقتك بما يرضي الله معاها لكن ماتتوقعي شئ كويس منها
ل
19-11-2013 | 01:42 PM
السلام عليكم ورحمة الله وبركاته
اختي الغالية ارجو التقيد بقوانين الكتابة بالركن
الكتابة بخط لايقل عن 4 bold
الاختصار بالمشكلة قدر الامكان
بالمختصر يااختي اختك تغار منك وكل تصرفاتها تثبت ذلك
تحبينها تقدرينها تعملين المستحيل لتكون سعيدة
لكونها صغيرتكم حتى لو عمرها بالعشرين او نهاية العشرين طبع الصغير يتدلع ويحصل على اهتمام الجميع
زوجك هو جنتك ونارك وهو وأبنك الاولى بوقتك واهتمامك وصبرك وتحملك
امااختك فأعطيها ماتستحق من حب لااكثر
ولاتعامليها معاملة خاصة فهذا الكرم من اخلاقك وهذه التضحيات لاتفهمها
كلما تشعرين بالضيق بسبب تصرفات اختك ذكري نفسك الانسان الذي له ناس يغارون منه معناه متميز
لاتنتضري منها أي رد على وقفاتك الى جانبها واجعلي غايتك الوحيدة من أي عمل صالح لها ولغيرها رضا الله كي لاتشعري بالغبن لأنه وبكل الاحوال لايضيع العمل والقول الصالح عند الله وربما ترين ناتج اعمالك واقوالك الصالحة توفيق في الدنيا ورضاالله واجر في الاخرة
القهر المغثة الغبن هي من الامور الدنيوية التي لامفر منها في حياتنا غاليتي سواء كنانحصل عليها من القريب او الغريب
بخصوص الكذب هو اصل المصائب كلها ان لم تخشى الله من ذاتها ولم تقع بمصيبة نتيجة كذباتها لااعتقد سترتدع لايمكن ان تجبريها على ان تكون صادقة
لكن يمكنك ان تدعي الله لها بالهداية
سأذكرلكي هذاالحديث عن شدة خطورة الكذب ربمايفيدك في محاولاتك للتحاور معها عن الكذب وكيف سيأتي عليها بالمضرة وانك انتي اختها تحبينها لن تفضحيها لكن الناس الاغراب لو رأو منها الكذب لن يحترموها ولن يقدروها وسيتصيدون لها المشاكل لأنها بالكذب اكيد ستضر مصالحهم ومن يتعود الكذب ليس سهلا ان يتركه
اسمعي هذاالحديث غاليتي(عليكم بالصدق فأن الصدق يهدي الى البر وان البر يهدي الى الجنة ومازال الرجل يصدق ويتحرى الصدق حتى يكتب عند الله صديقا واياكم والكذب فأن الكذب يهدي الى الفجور وان الفجور يهدي الى النار ومازال الرجل يكذب ويتحرى الكذب حتى يكتب عند الله كذابا)
غاليتي من المشكلة لمست ناحية احببت ان انصحك فيها
اجعلي تعلمك السياقة من خلال زوجك
يوما ما عندما تتحاورون ستودين مدحه وشكره لأنه علمك السياقة حتى لو ليس شخصيا على الاقل هو يختار لكي مكتب التدريب ويدفع قسط التدريب
غاليتي أي نقطة تتشاركين فيها مع زوجك يزداد قوى الاواصر بينكم
صح المودة والرحمة من الله وجودهالكن علينا ان نعمل مابيدنالنزيد التلاحم بمانقدر عليه اختي
واعتبري الموضوع به صالح لكي ان اختك تعلمت ولم تخبرك كي يصبح تعلمك من خلال زوجك
وتقوى علاقتك بزوجك
وان كان زوجك يعطف على اختك ويشارك اهتمامك بقضاء مصالحها كي يكسب ودك لكن مع هذا لاتهمليه ولاتهملي ولدك
وطفلك عندما تفرق اختك بتعاملها معه لتغيضه
عوضيه انتي او ابعثي مسج لوالدتك لتزيد كفة تدليع ابنك بحيث لايشعر انه غير محبوب
تمنياتي ان يصلح الله اختك
وان يسعدك مع زوجك ويقرب بينكما اكثر واكثر
سلامي
اختك لارسا بغداد
اختي الغالية ارجو التقيد بقوانين الكتابة بالركن
الكتابة بخط لايقل عن 4 bold
الاختصار بالمشكلة قدر الامكان
بالمختصر يااختي اختك تغار منك وكل تصرفاتها تثبت ذلك
تحبينها تقدرينها تعملين المستحيل لتكون سعيدة
لكونها صغيرتكم حتى لو عمرها بالعشرين او نهاية العشرين طبع الصغير يتدلع ويحصل على اهتمام الجميع
زوجك هو جنتك ونارك وهو وأبنك الاولى بوقتك واهتمامك وصبرك وتحملك
امااختك فأعطيها ماتستحق من حب لااكثر
ولاتعامليها معاملة خاصة فهذا الكرم من اخلاقك وهذه التضحيات لاتفهمها
كلما تشعرين بالضيق بسبب تصرفات اختك ذكري نفسك الانسان الذي له ناس يغارون منه معناه متميز
لاتنتضري منها أي رد على وقفاتك الى جانبها واجعلي غايتك الوحيدة من أي عمل صالح لها ولغيرها رضا الله كي لاتشعري بالغبن لأنه وبكل الاحوال لايضيع العمل والقول الصالح عند الله وربما ترين ناتج اعمالك واقوالك الصالحة توفيق في الدنيا ورضاالله واجر في الاخرة
القهر المغثة الغبن هي من الامور الدنيوية التي لامفر منها في حياتنا غاليتي سواء كنانحصل عليها من القريب او الغريب
بخصوص الكذب هو اصل المصائب كلها ان لم تخشى الله من ذاتها ولم تقع بمصيبة نتيجة كذباتها لااعتقد سترتدع لايمكن ان تجبريها على ان تكون صادقة
لكن يمكنك ان تدعي الله لها بالهداية
سأذكرلكي هذاالحديث عن شدة خطورة الكذب ربمايفيدك في محاولاتك للتحاور معها عن الكذب وكيف سيأتي عليها بالمضرة وانك انتي اختها تحبينها لن تفضحيها لكن الناس الاغراب لو رأو منها الكذب لن يحترموها ولن يقدروها وسيتصيدون لها المشاكل لأنها بالكذب اكيد ستضر مصالحهم ومن يتعود الكذب ليس سهلا ان يتركه
اسمعي هذاالحديث غاليتي(عليكم بالصدق فأن الصدق يهدي الى البر وان البر يهدي الى الجنة ومازال الرجل يصدق ويتحرى الصدق حتى يكتب عند الله صديقا واياكم والكذب فأن الكذب يهدي الى الفجور وان الفجور يهدي الى النار ومازال الرجل يكذب ويتحرى الكذب حتى يكتب عند الله كذابا)
غاليتي من المشكلة لمست ناحية احببت ان انصحك فيها
اجعلي تعلمك السياقة من خلال زوجك
يوما ما عندما تتحاورون ستودين مدحه وشكره لأنه علمك السياقة حتى لو ليس شخصيا على الاقل هو يختار لكي مكتب التدريب ويدفع قسط التدريب
غاليتي أي نقطة تتشاركين فيها مع زوجك يزداد قوى الاواصر بينكم
صح المودة والرحمة من الله وجودهالكن علينا ان نعمل مابيدنالنزيد التلاحم بمانقدر عليه اختي
واعتبري الموضوع به صالح لكي ان اختك تعلمت ولم تخبرك كي يصبح تعلمك من خلال زوجك
وتقوى علاقتك بزوجك
وان كان زوجك يعطف على اختك ويشارك اهتمامك بقضاء مصالحها كي يكسب ودك لكن مع هذا لاتهمليه ولاتهملي ولدك
وطفلك عندما تفرق اختك بتعاملها معه لتغيضه
عوضيه انتي او ابعثي مسج لوالدتك لتزيد كفة تدليع ابنك بحيث لايشعر انه غير محبوب
تمنياتي ان يصلح الله اختك
وان يسعدك مع زوجك ويقرب بينكما اكثر واكثر
سلامي
اختك لارسا بغداد
ا
19-11-2013 | 04:53 PM
امممم ,, عزيزتي اذا كانت جذي مع الجميع اذن هي تعودت على الأخذ من غير العطاء وهاذي مشكلة وحلها بسيط مثل ماقالت اختي لارسا اعطيها بالحجم اللي هي تستحقه ولا تجبري نفسك فوق مقدرتك وحتى أهلك ايضا لازم يعودوها الاعتماد على نفسها اولا والتقدير للآخرين ثانيا واسلوب المسايسة و تلبية كل الطلبات لو شنو كانت يعكس الامر عندها يعني مثل اللي يقول ( انا مهما سويت ومهما فعلت راح الاقي اللي ابغيه وراح احصله ! ) ...
ماعليه بعد اقولك عطيها الاعذار ومثل ماقلتي انتي امهم الثانية وهالشي مهم لهم صدقيني ممكن انتي ماتشوفين هالشي ولكن بينها وبين نفسها حتى لو غلطت عليك ما تقدر ماتقدر وقفاتك ومحبتك لها هي فقط تحتاج لقرصة اذن بسيطة لحتى تتعلم منه ..
النصح بهالفترة ماعتقد انها راح تتقبله بالعكس بتزيد ! يعني هي باعتقادها انها بهالفترة هي صاحبة الموقف والكل يبغي يتحكم من جذي تشوفون هالرد الفعل لها ...
بالنسبة للكذب ,, مثل ماقلت من قبل هي ممكن تعاني من مشكلة وتحتاج مساعده فيها ! واولها عدم تقبلها للمواصلة مع خطيبها او وجود تناقضات بحياتها تحاول تمليها بنوع من الكذب لا اراديا ... انتي ممكن تشوفينها غيرة وهي ايضا ولكن ماعتقد قاصدتها يعني مثل اللي يحط حرته بواحد يستحمله وعارف انه راح يتقبله كما هوو ولكن ممكن قاعد يحصل لها العكس مع خطيبها ! ..
وربي يهديها ان شاء الله ,,,
أ
20-11-2013 | 08:40 AM
حبيبتي أنا حاسه فيج , لكن انتي لما عطيتيها ويه ما اتوقع انج ناطره
منها ردة فعل لأنها اختج مب صديقه , لأن الاخت بمعزة الابناء او
اكثر , فلا تنتظرين الرد , لابد أن تهيأي نفسك على
ذلك عندنا مثل يقول سوي خير وجطيه بخير , هالمثل للغريب فما
بالج الاخت ما نتكلم عليها من هالزاويه , النقطه الثانيه من الاساس
انتي ليش بديتيها على حياتج , كل فرد في عائلتج
وخاصه بيتج الي هو زوجج وعيالج , ما تبدين حد عليهم يالغاليه ,
النقطه الاخيره , اياك ثم اياك ومن ثم اياك تخلين ريلج يوصلكم انتو
الثنتين الا في الضروره , يعني مب معقوله كنتي
انتي وريلج بتروحون تعشون تلغين العشا عشان حبة عينها , لا يا
حبيبتي , موضوع اختج هو الي يتأجل , جوفي الاولويه , عشان حياتج
ما تتدمر , بالنسبه لولدج ما دري بنتج ,لا تلومينها , لما ابنج يصيح
انتي احضنيه وكلميه وشيليه اذا امكن لاعبيه , لأن بلومج حق اختج
راح تحرقين قلبج , وبيتم ولدج يصيح , واختج مب مفتكره مب لأنها
شريره هي جذي ما تجامل .
منها ردة فعل لأنها اختج مب صديقه , لأن الاخت بمعزة الابناء او
اكثر , فلا تنتظرين الرد , لابد أن تهيأي نفسك على
ذلك عندنا مثل يقول سوي خير وجطيه بخير , هالمثل للغريب فما
بالج الاخت ما نتكلم عليها من هالزاويه , النقطه الثانيه من الاساس
انتي ليش بديتيها على حياتج , كل فرد في عائلتج
وخاصه بيتج الي هو زوجج وعيالج , ما تبدين حد عليهم يالغاليه ,
النقطه الاخيره , اياك ثم اياك ومن ثم اياك تخلين ريلج يوصلكم انتو
الثنتين الا في الضروره , يعني مب معقوله كنتي
انتي وريلج بتروحون تعشون تلغين العشا عشان حبة عينها , لا يا
حبيبتي , موضوع اختج هو الي يتأجل , جوفي الاولويه , عشان حياتج
ما تتدمر , بالنسبه لولدج ما دري بنتج ,لا تلومينها , لما ابنج يصيح
انتي احضنيه وكلميه وشيليه اذا امكن لاعبيه , لأن بلومج حق اختج
راح تحرقين قلبج , وبيتم ولدج يصيح , واختج مب مفتكره مب لأنها
شريره هي جذي ما تجامل .
&
20-11-2013 | 10:48 AM
انا عندي اخت صغيره .. واحبها موت وعلاقتي فيها قويه ..
فيها عيوب بس ابدا ما تهون علي اني اعتبرها مشكله لدرجة اكتب عنها موضوع
اختي .. اعتبري هذي اطباع اختك وتقبليها .. وانتي حبيتها قبل مثل ما هي .. لا تخلي الافكار تاخذك وتجيبك
وتحليلاتنا وردودنا عليك ما تنفعك
ولا تخلي علاقتك باختك رسميه .. خليكي مثل ما انتي .. مصيرها تكبر وتعرف
فيها عيوب بس ابدا ما تهون علي اني اعتبرها مشكله لدرجة اكتب عنها موضوع
اختي .. اعتبري هذي اطباع اختك وتقبليها .. وانتي حبيتها قبل مثل ما هي .. لا تخلي الافكار تاخذك وتجيبك
وتحليلاتنا وردودنا عليك ما تنفعك
ولا تخلي علاقتك باختك رسميه .. خليكي مثل ما انتي .. مصيرها تكبر وتعرف
M
20-11-2013 | 12:25 PM
فعلا انا حسيت روحي وايد تهجمت عليج.. أعتذر على هالشي
بس من طرحج للأسباب ما لمست ذاك الشي العود اللي يخليج تقاطعين أختج وتحذفينها من حياتج
يمكن يكون في اسباب غير انتي ما ذكرتيهم ، هالشي انتي بروحج اللي عايشته وحاسته
المواقف اللي ذكرتيهم سوالف ما تسوى ، عشان سيارة ومدرب تقدرين تحصلين بداله عشرة ولا عشان مرة وحدة ما عطت ولدج ويه مقابل مليون مرة لعبت وياه وضحكت وياه !!!!
الدنيا ما تسوى لو شنو تبقى أختج والدم ما يصير ماي ، وإذا كان طبعها صعب وتعاملكم بطريقة مو حلوة اوكي ابتعدي عنها فترة بس ضروري تفهمينها انج مو متقبلة كيت وكيت وكيت منها وما راح ترجعين مثل قبل الا من بعد ما تتغير.
والله يهدي الجميع
بس من طرحج للأسباب ما لمست ذاك الشي العود اللي يخليج تقاطعين أختج وتحذفينها من حياتج
يمكن يكون في اسباب غير انتي ما ذكرتيهم ، هالشي انتي بروحج اللي عايشته وحاسته
المواقف اللي ذكرتيهم سوالف ما تسوى ، عشان سيارة ومدرب تقدرين تحصلين بداله عشرة ولا عشان مرة وحدة ما عطت ولدج ويه مقابل مليون مرة لعبت وياه وضحكت وياه !!!!
الدنيا ما تسوى لو شنو تبقى أختج والدم ما يصير ماي ، وإذا كان طبعها صعب وتعاملكم بطريقة مو حلوة اوكي ابتعدي عنها فترة بس ضروري تفهمينها انج مو متقبلة كيت وكيت وكيت منها وما راح ترجعين مثل قبل الا من بعد ما تتغير.
والله يهدي الجميع
آ
05-12-2013 | 01:01 PM
:F
ماعليه حبيبتي تصير .. بس انتي كبري عقلج ولا تدققين على ابسط المواقف
لان بالنهايه تبقون خوات حتى لو مارتحتوا حق اسلوب بعض او تضايقتوا من بعض
والله يريح قلوبكم ان شاء الله
: ))
ماعليه حبيبتي تصير .. بس انتي كبري عقلج ولا تدققين على ابسط المواقف
لان بالنهايه تبقون خوات حتى لو مارتحتوا حق اسلوب بعض او تضايقتوا من بعض
والله يريح قلوبكم ان شاء الله
: ))