عـــاقه بوالديني !!!

رحت وكلمته وقلتله انا وانت مانصلح لبعض ومثل مادخلنا بالمعروف نطلع بالمعروف ماابغا مشاكل ووووو ..... قالي بالحرف الواحد انا ماخذك عشان اذلك مو ميت عليك .....
انصدمت ... طيب ليش !! قالي بقهر فلان لانه يحبك .... وانا ايش ذنبي
كسر قلبي بكلامه والي خلقني عشت ايام مايعلم فيها الا ربي

كرهته بزياده واصريت على موضوع الطلاق .... قالي تبين اطلقك خلي ابوك واخوانك يجوني قدام الرجال كلهم ويطيحون عند رجليني ويترجوني وانا اطلقك

قلت خيرررر ان شاء الله ..... الموضوع بيني وبينك اصلن اهلي مايعرفون
وراح وقلب الموضوع لصالحه وقال انه انا الي معاملتي زفت له ومااحترمه واجرحه بالكلام
وفوق كذا انا قلتله مااحبك احب واحد ثاني وتزوجتك عشان اقهره !!! تخيلو المصيبه انه نشر الموضوع عند جماعتي كلهم قامو يسولفون فيني

قلت لا الى هنا وكفايه ...... رحت كلمت اخته وقلتلها كيت وكيت ..........
مع ان علاقتي معها مره حلوه .......... تخيلو قلبت ضدي مصدقه الكلام الي تبلاني فيه

ياربي الكل قلب ضدي ..... واولهم اهلي .....

والذي روحي بيده اني ذقت من ابوي عذآآآآآآآآآآآآآآآآآآآآآب الله لايوريكم اقسم بالله ماقدر حتى انام على ظهري من الرضوض والي خلقني اصحى بكف وانام بعقال وحتى امي ماقصرت والمصيبه انا حلفت لهم على المصحف ماصدقوا وهو مجرد كلام ورفض يحلف صدقوه
كرهت امي وابوي وربي لدرجه وانا ساكته مااتكلم يجون يفتحون الغرفه علي فجه ويسحبوني بشعري ويضربوني ضرب مو طبيعي اقسم بالله ارجع لغرفتي زحف ومن غير الدم الي على وججهي ومن غير الكدمات

كل ماعذبوني زاد اصراري على الطلاق واخذت المسأله تحدي

يتبع .......

ماطلقني الا بعد سنه و 8 شهور .... وطول هالفتره انواع العذاب اذوقها

يوم طلقني قالي ابوي انتي تعانديني يعندي تبين تسودين وجهي قدام الناس لكن انا اوريك
راح افصلك من المدرسه ( وانا روحي معلقه فيها ) وفعلا فصلني منها وكنت بثالث ثانوي
وطول هالفتره الي جلست بدون دراسه كنت اعانده يقولي قومي اروح اجلس يقولي اجلسي اقوم يقولي تعالي اروح يقولي روحي اجي

كرهته كره مو طبيعي وربي لدرجه مااحب اشوف وجهه ........

وبعدها ب شهرين هددتهم اروح لجمعية حقوق الانسان وافضحهم وللعلم موثقه كل ضربه بصوره
فيديو وصوره .....

ورجعني لدراستي عشان مااتكلم

وكان يجي فجئه ويخانق ويضرب احسه يبغى أي شي عشان يضربني
لدرجه اذا اخواني تهاوشوا يضربهم ويضربني معاهم .... طيب انا مالي دخل فيهم !! حتى لو اكون بغرفتي وهم بغرفتهم يجي ويضرب

واي شي يصير بالبيت على طــــول انا الي سويته حتى لو اكون برا البيت
شوي شوي صار يشك فيني اني اكلم شباب واطلع معاهم
لدرجه يجي يفتش في ملابسي وغرفتي واخذ مني الجوال واللاب توب وكل شي حتى التلفزيون مايخليني اشوفه ........

اانا عارفه انه بيطفشني عشان ارجع لطليقي بس صابره ولا تكلمت ...........

وبعدها بفتره جا واحد مطوع وتقدم لي طبعا هالمطوع نظامه نظام منافقين ماخذ الدين ستايل
بس قدام الناس لحيه وثوب قصير وهو يغتاب وسب ويشتم ويقذف حتى خواته يشتكون منه

وابوي ماصدق على الله غصبني عليه ورفضت وقلت اموت منتحره ولا اعيد نفس التجربه
كرهت كل شي بحياتي واولهم الزواج

وكل فتره جاي يغصبني على واحد يا خريج سجون او فيه انفصال بشخصيه او مطوع منافق او واحد مريض بشك مايجيني الزين

وانا ارفض وكل مارفضت اشتغل ضرب وشتم وسب وربي شهرين ثلاثه
وكلل ماارفض يقولي أي تبين الي تكلمينه جنني طيب الي اكلمه وينه ليش مايجي يخطبني !! وربي رفع ضغطي اخرتها قلتله انا حرمت على نفسي الزواج بموت شهيدة العنوسه ... خلص مابي اتزوج كرهته

ولما دخلت الجامعه .....

استولى على مكافئاتي مع العلم والله العظيم مايصرف علي الا من عيد لعيد ولا يخليني اطلع
مع صديقاتي وحتى لو هم جو عندي يطردهم مايبيني اخالط الناس

حدايق ممنوعه صديقات ممنوع حتى المشغل مثل البنات اقسم بالله عمري مادخلته والسبب هو

كرهني بحياتي واذا تكلمت قالو بنت ماتتكلمين واذا سكت قالو ليش ساكته وراك بلاء

جننوني

قلت اصبر ولا اتكلم ربي بيفرجها قريب وارد كل حركه سووها فيني ....

صبرت وتحملت
صار يتمادى علي اخذ بطاقتي حقت الصرافه وياخذ مكافئاتي
ولو الريال ماعطاني واذا تكلمت قالي افصلك من الجامعه
آآآآآآآآآه ياربي ...........

واذا عصب مايوديني للجامعه ... واي شي يطلع حرته فيني حتى لو مو انا
ان شاء الله اثنين يتهاوشون بشارع جا وضربني اقسم بالله وصلت لمرحله مايعلم فيها الا الله

مع العلم خواتي يعاملهم معامله حلوه وحتى اخواني بس انا
لدرجة قدامي يضمهن ويلعب معاهن ويسولف معاهن وانا محد يطالع بوجهي

صبرت وقلت بطقــاق ماني ميته عليهم .... اهم شي نفسي ودراستي

زادت حالته خلاني كني جاريه عنده صار يعايرني العانس ويقول لاخواني اضربوها وعذبوها
وقولولها العانس وانا وقتها عمري وانا لسى باول سنه بالجامعه كيف اصير عانس !!
قلت بطقاق بيستفزني عـــــــــــــــــــادي ولاهموني ....

شوي شوي صار يقولهم اذا تبي شي لاتجيبون لها وحتى الاكل لاتشترون لها
وربي وربي وربي يطلعون ويقفلون علي بالبيت حتى المطبخ يقفلونه

محسسيني مجرمه ... او انه شاك فيني بس هم عادي ولا اثروا فيني
كلما ضاقت فيني رفعت كفوفي لربي ودعيت عليهم

وكلما انكسر قلبي تذكرت ( هم مستأنسين ولا عليهم وانا ابكي ومتضايقه !! مايستاهلون وربي )

امي .... الي المفروض تكون اقرب الناس لي .... اولهم من تخلى عني
ومايقهرني الا قلبي الغبي من اشوفها متضايقه اقسم بالله اقط الي بيدي واحضنها

صارت تقول لاخواني ربوها فضحتنا هذي ... وللعلم اكبر واحد من اخواني اصغر من ب4 سنوات
تخيلو قدامها يضربوني وعادي تقول تستاهل اضربوها
ياربي بفهم وش الذنب الي سويته لها اقسم بالله مرات احس اني انا امها مو هي
يوم دخلت المستشفى من خوفي عليها اغمى علي قبل ادخل عليها ويوم سوت العمليه اقسم بالله تركت محاضراتي واجي انام تحت سريرها اخاف تناديني ومااسمع
اقسم بالله صرت لها احسن من امها ... تخيلو اجي اقولها سر تروح تقول لابوي ماادري الا العقال بظهري ......

ليش ؟ مو انا بنتك ؟ ماحملتي فيني ؟ ماربيتيني ؟ مو قطعه منك ؟ مو انا اول ضنى ربي رزقك فيه ؟ مو انا الي حطيتيني بحظنك ؟ مو انا الي تلعبين معاي ؟ مو انا الي درستيني ؟ مو انا الي اجيب لك الشهاده مو لي بس عشان افرحك وربي عمري مافشلتها
حتى بدراستي اجيب من الاوائل عشان تفتخر فيني
لـــــــــــــيش تسوي فيني كذا ؟
طيب ابوي غسلت ايدي منه ..... بس انتي !
وربي مرات اقولها :- اسألك بالله انا بنتك ولا متبنيني
شككوني اني بنتهم ؟

واللحين اخواني على الطالعه والنازله يقولون لي العانس ... ام الشباب ... ويقذفون فيني
وامي وابوي يقولون لهم قوموا اضربوها حتى لو ساكته مااتكلم
اقسم بالله ......... نفسيتي عدم

صرت مابي اتكلم بس ابي حضن ياخذني وانهار من البكي فيه حتى لو هندي من الشارع

وظلوا على هالحال .... وكنت وقتها معاي صديقتي تعرفت عليها من 6 سنوات وللامانه هي معي خطوه بخطوه وكنت اشكي وافضفض لها

وخالها انسان حكيم متعلم مثقف كانت تستشيره بدون ماتقول منهي انا
ويقولها النصايح

وفجه بيوم
كـــان جوالها معاه خربانه السماعه وراح يصلحه لها

يتبع ~~~~~

اتصلت فيها وهو رد :-
قلت الو .. قال هلا
قلت وين فلانه قال بالبيت انا ماخذ جوالها بس ارجع اخليها تتصل فيك

وسكرت
وبعد فتره ارسلي مسج .... (انا فلان فلان والله العظيم مابي اللعب عليك ولا شي ابيك زوجه لي على سنة الله ورسوله ) انا انصدمت منه ماتوقعته
ولا كنت اميل له ولا أي شي بيني وبينه ....
رحت وكلمت صديقتي وقلتها كيت وكيت .... قالتلي أي فاتحني بالموضوع امس وقال بخطبها
وترا يعرف عنك كل كبيره وصغيره ...... قلتلها ويبيني ؟؟ قالت والله العظيم انه يقولي من زمان احبها عاجبتني شخصيتها وابيها ... سكت انا
والرجال للامانه كان صادق معاي ... جت امه وخواته وخطبوا
ولان ابوي مايعرفهم تدرون ايش سوا .... طردهم فشلني قسم بالله دقيت عليك ابكي منهاره واعتذرت منه ............. وقالي عادي حصل خير

بس انتي راح اخذك بأذن الله
وكل ماجا يخطبني رفض ابوي والسبب ... لاني ابغاه .............


قولولي ايش اسوي لاهو الي راحمني ولا الي مخلي رحمة الله تنزل

لايعاملني كابشر ولايصرف علي ولا يعطيني مكافئاتي ولا مخليني اخذ حريتي وكل يوم ضرب وفوق هذا مو مزوجني







بــــــــــنـــــــــــــــات اقسم بالله ماكتبت لكم قصتي الا اني منهاره
تعبت والله العظيم ......... وانتو بنات مثلي وتحسون فيني .........



تفضلو عطوني ارائكم ....

على فكره ......... اخترت عنوان موضوعي لان شفتوا الصبر الي صبرته وكل شي ساكته عنهم فيه وفوق كذا يقولون لي عاقه !! ................ اصلن يحمدون ربهم ماصرت عاقه لو وحده غيري وربي تخلص عليهم بس انا عارفه ربي ..... وهو بياخذ حقي منهم ....

اختي في الله انا بجد عاجزة عن الرد بموضوعك بس ما حقول غير الله يهدي سرك ويحفظك ويعوض صبرك خير بالعكس انتي صح وما عليكي من كلام الناس انتي سوي الواجب اتجاه أمك وابوكي ولا تكرهينهم مهما عملو فيكي عندهم حصانه من رب العالمين ما نقدر نعترض
صلي ركعتين بالثلث الاخير من الليل وادعي انه الله يختار لك اللي فيه الخير ويعوض صبرك خير بالدنيا والاخرة
حبيبتي انتي قلبك طيب وحنونة وصبورة وربنا ما بيتخلى عنك بالعكس مخبلي لك شي اكيد أفضل
معلش احنا بمجتمع العادات والتقاليد تحكمنا ودائما المطلقة مذنبة براي أهلها والمجتمع لانها ما صبرت بس بوضعك لا الطلاق هو الحل الامثل كويس انه الله قدرك وافتكيتي منو كملي دراستك والله يهدي ابوكي واهلك
بس بنصحك تقوليلهم ما ابغاه ولا ابغ الزواج اصلا وخلي هذا الشخص يرجع يتقدم وحتشوفي أبوكي حيقبل شكل ابوكي ماسك معاكي عناد وبس
وما نقدر الا ندعي لك بظهر الغيب انه الله يعوض صبرك خير

زهره والله العظيم عارفه وفاهمه ...... اصلن مافي حل الا هالعريس سويت الي قلتي عنو .... ونفس الرد رفضه والسبب اني ابغاه ورجع خطب اكثر من 6 مرات ورفضه وانا دايم اقول قدامه ماابغى اتزوج وهو يقولي ماراح ارد عليك ... لوعاجبني زوجتك غصب عنك ........ وبنسبه للبر وربي وربي وربي بس اطالع في عيونهم اقسم بالله تنزل دموعي غصب نفسي اطيح بحضنهم وش صار ... مو انا بنتهم ليش كذا تخلو عني ؟؟ والله العظيم اني احسد كل بنت علاقتها حلوه مع ابوها وامها ................. ماادري شسوي ........ والحمدلله مواصله على الدعاء بس بسعى مابي اظل كذا !! ..........

يا أختي الله يكون بعونك هذا الزمن مافي احد خالي من الهموم انتي ما عليك اﻵ انك تشتكين لي ربك وعليك باﻻستغفار وهذا أتأكدي انه اختبار من الله انتي حاولي قد ما تقدرين ﻻ تكلميهم خليك في حالك وﻻ ذكريهم بأنه في خالق ما يضيع حق مضلوم حاولي انك تكسبين قلب امك ترى مهما صار مافي أحن من قلب اﻻم على ضنها اذا شفتيها جالسه لوحدها حاولي تكلمينها وتذكرينها بأيات من القرأن قوليلها كيف تصدقون الغريب وما تصدقون أنا اللي من لحمك ودمك وأذا على اخوانك حاولي انك تزرعين فكره انك انتي الكبير وكلمتك هي اﻷولى
وأذا كان على أبوك يمكن له مصلحة عند طليقك فعشان كذا يعاملك معاملة سيئة و غير كذا زرع فكره في راسة انك تحبين احد غيره عشان كذا يفتش في اغراضك انتي اذا شفتي ابوك يفتش ﻻ تعانديه خليه واذا أنتها قوليله تأكدت اني بريئه واني اخاف الله قبل اي مخلوق قوليله معقولة تصدق كل غريب في يوم وليلة وانا تربيت يدينك ما تثق فيني قوليله طول هالسنين ما نزلت راسكم اﻻ بعد ما تزوجت وتطلقت قوليلة أذا ما تبيني زوجني اللي انا مرتاحتله واريحك مني وارتاح حاولي انك اهم شي تذكرينهم بأيات من القرآن يمكن ربي يهديهم وﻻ تيأسين أبد أبد أبد أقرأي قرأن صلي قيام الليل اشتكي لي ربك خلي صلتك بالرحمن قويه يمكن يتأثرون منك

أسأل الله العظيم رب العرش العظيم أن يفرج همك عما قريب
معليش حبيبتي طولت عليك بس والله ما حبيت اطلع وﻻ افيدك

الله يفرج همك ياااارب

ويعوض صبرك خير


ونعم بالله
ظلي باره بوالديك مهما فعلوا واطلبي الأجر من الله

ادعي ربك وهو بيفرجها عليك ان شاء الله

والرجل اللي يخطبك أكثر من مره من أبوك
عزيزتي لا تكلميه (ان شاء الله يكون من نصيبك)
بس لا تأخذي وتعطي وياه فالكلام
قوليله إذا الله كاتبلي اكون زوجتك ان شاء الله بكون
وإلى ذلك اليوم أرجو أن لا يكون بيننا كلام لأنك تظل رجل غريب وهذا حرام
(فلا تخضعن بالقول )

أولا حتى لا تتعدي حدود الله ( إن السمع والبصر والفؤاد كل أولئك كان عنه مسؤولا)


تمسكي بربك ودينك أخيتي
كما أنت
وسيجعل لك ربي مخرجا ان شاء الله

كل هذا بسبب مجتمعات المتخلفه المراه فيها لا لاه قيمه و لا دميه وعلى فكره انت هددتي والدك بالذهاب لجمعيه حقوق النسان نفذي التهديد ابوك عاملك سلعه وعند مصلحه مع طليقك لا تسمحي لحد انه يتاجر فيك امك باينه متعلقه بوالدك و مصدقه انك تحبي احد لا يهمك منهم و عاملي الله فيهم و هددي والدك انه اذا ما وافق يزوجي تذهبين للسلطتا وتشتكي عليه و انتبهي تقوليلو عندي دليل او اي شي عن الصور اللي عندك يمكن يا خذهم منك واطلبي مناللي خاطبك انه يقف معاك واذا يعرف احد عنده سلطه خليه يستغلها ضد والدك كتهديد لانهمن النوعيه اللي هيهمها فقط مصلحتها طبعا لا تؤذيه حبيبتي فقط للتخويف ولو امكن او وجد احد كبير بعائلتكم له كلمه مسموعه استعيني به قبل الوصول لمرحله التهديد وربي يوفقك انشالله

الزهرة السمراء;16610114:
يا أختي الله يكون بعونك هذا الزمن مافي احد خالي من الهموم انتي ما عليك اﻵ انك تشتكين لي ربك وعليك باﻻستغفار وهذا أتأكدي انه اختبار من الله انتي حاولي قد ما تقدرين ﻻ تكلميهم خليك في حالك وﻻ ذكريهم بأنه في خالق ما يضيع حق مضلوم حاولي انك تكسبين قلب امك ترى مهما صار مافي أحن من قلب اﻻم على ضنها اذا شفتيها جالسه لوحدها حاولي تكلمينها وتذكرينها بأيات من القرأن قوليلها كيف تصدقون الغريب وما تصدقون أنا اللي من لحمك ودمك وأذا على اخوانك حاولي انك تزرعين فكره انك انتي الكبير وكلمتك هي اﻷولى
وأذا كان على أبوك يمكن له مصلحة عند طليقك فعشان كذا يعاملك معاملة سيئة و غير كذا زرع فكره في راسة انك تحبين احد غيره عشان كذا يفتش في اغراضك انتي اذا شفتي ابوك يفتش ﻻ تعانديه خليه واذا أنتها قوليله تأكدت اني بريئه واني اخاف الله قبل اي مخلوق قوليله معقولة تصدق كل غريب في يوم وليلة وانا تربيت يدينك ما تثق فيني قوليله طول هالسنين ما نزلت راسكم اﻻ بعد ما تزوجت وتطلقت قوليلة أذا ما تبيني زوجني اللي انا مرتاحتله واريحك مني وارتاح حاولي انك اهم شي تذكرينهم بأيات من القرآن يمكن ربي يهديهم وﻻ تيأسين أبد أبد أبد أقرأي قرأن صلي قيام الليل اشتكي لي ربك خلي صلتك بالرحمن قويه يمكن يتأثرون منك

أسأل الله العظيم رب العرش العظيم أن يفرج همك عما قريب
معليش حبيبتي طولت عليك بس والله ما حبيت اطلع وﻻ افيدك

جزاك الله خير انك عطيتيني من وقتك ........... بس والله العظيم اني اسكت ومااتكلم ولاعمري عقيت فيهم اخاف من ربي قبل اخاف منهم بس شسوي فيهم اهم شي اني ارضيت ربي
والله ان امي تهاوشني وتقط علي كلام مثل السم ومستحيل انام الا وابوس راسها ....
امي فيه امل ........... بس المصيبه ابوي هو الي خلا اخواني يتمادون علي ........
واذا على اخواني خلاص مافي امل يفهمون انا مطنشتهم وحتى الكلام الي يقطونه علي وربي يدخل من هنا ويطلع من هناك بس اذا تمادوا ومدوا يدهم علي مايقهرني الا ابوي وامي يشوفونهم قدامهم يضربوني ولا يتكلمون ...........

إينـانا;16610126:

الله يكون بعونك ويسهل امرك يا رب .. كثير اثرت فيني قصتك ..

ياقلبي مشكوره ووقتك الي قضيتيه بصفحتي .... امين يارب ومع ذاك مع العسر يسر .......
ودايم اعطي نفسي امل واقول فيه الي اتعس مني واحمد ربي ....

هـايدي;16610204:
الله يفرج همك ياااارب

ويعوض صبرك خير


ونعم بالله
ظلي باره بوالديك مهما فعلوا واطلبي الأجر من الله

ادعي ربك وهو بيفرجها عليك ان شاء الله

والرجل اللي يخطبك أكثر من مره من أبوك
عزيزتي لا تكلميه (ان شاء الله يكون من نصيبك)
بس لا تأخذي وتعطي وياه فالكلام
قوليله إذا الله كاتبلي اكون زوجتك ان شاء الله بكون
وإلى ذلك اليوم أرجو أن لا يكون بيننا كلام لأنك تظل رجل غريب وهذا حرام
(فلا تخضعن بالقول )

أولا حتى لا تتعدي حدود الله ( إن السمع والبصر والفؤاد كل أولئك كان عنه مسؤولا)


تمسكي بربك ودينك أخيتي
كما أنت
وسيجعل لك ربي مخرجا ان شاء الله

مشكوره على وقتك ....... والحمدلله ضميري مرتاح باره فيهم ......
وبنسبه للرجال ماكلمته الا مره وحده يوم اعتذر لان من جد تفشلت على الي سواه ابوي يوم طرده وهو للحين متمسك فيني .... وقال لبنت اخته بخطبها الشهر الجاي ...... ويارب يارب يارب يتمم لي على خير اذا كان فيه خير لي وله ........... تكفون بنات دعواتكم .... تكفون لاتنسوني ..........

leiloza;16610211:
كل هذا بسبب مجتمعات المتخلفه المراه فيها لا لاه قيمه و لا دميه وعلى فكره انت هددتي والدك بالذهاب لجمعيه حقوق النسان نفذي التهديد ابوك عاملك سلعه وعند مصلحه مع طليقك لا تسمحي لحد انه يتاجر فيك امك باينه متعلقه بوالدك و مصدقه انك تحبي احد لا يهمك منهم و عاملي الله فيهم و هددي والدك انه اذا ما وافق يزوجي تذهبين للسلطتا وتشتكي عليه و انتبهي تقوليلو عندي دليل او اي شي عن الصور اللي عندك يمكن يا خذهم منك واطلبي مناللي خاطبك انه يقف معاك واذا يعرف احد عنده سلطه خليه يستغلها ضد والدك كتهديد لانهمن النوعيه اللي هيهمها فقط مصلحتها طبعا لا تؤذيه حبيبتي فقط للتخويف ولو امكن او وجد احد كبير بعائلتكم له كلمه مسموعه استعيني به قبل الوصول لمرحله التهديد وربي يوفقك انشالله

مشكوره اختي على وقتك .......... حنا ضحية العادات والتقاليد المتخلفه .... واذا غلطتي اول شي يقولون لك ماتخافين على سمعتي ؟؟ طيب سمعتك اهم من ربي ؟؟ فضلو سمعتهم والخوف عليها على الخوف من الله ......... وبنسبه للتهديد هددت لان وربي كتمت كل عذابه لي وضربه واهانته لدرجه وربي وربي وربي يحط جزمته بوجهي (اكرمكم الله ) ويخلي اخواني يجون ويضحكون علي ويقولهم (ابسقوا بوجها ) (اكرمكم الله ) شفتوا كيف الاهانه !!!!
والمصيبه اخواني كلهم اصغر مني انا اكبر وحده خلاهم يتطاولون علي ولايحترموني محسسيني انهم اكبر مني ............ بنات والله العظيم كرهت ابوي كره مو طبيعي صدق اني مستحيل اكون عاقه فيه بس مستحيل انسى الي سواه فيني .......
وبنسبه للصور ماقلتله ..... وللحين عندي .... وعلاقتي بالعايله رسميه مااحب اتكلم لحد منهم لان سبق وقلتلكم اذا قلت لوحده من بكرى الخبر عند كل العايله ........


وابشــرك الحين موقفني عن الجامعه اسبوع كامل والسبب ( اني قلت له ابي مصروف عشان اجيب ملابس للشتاء وقالي ماعندي وقلت طيب ابغا مكافئات الجامعه وقالي انتي قليلة ادب وماترتاحين لما اربيك مره ثانيه وووووووو ..... وبغا يضربني وقفلت على نفسي بالغرفه والحين يقولي عقابا لها ماتروح للجامعه اسبوع كامل ........ واخواني لو واحد منهم ينقص درجة وحده انجن ............ آآآآآه ياربي

زهرة الاوركيد .... مااقدر ارد عليك لان مشاركاتي ماتسمح ... فــ بنزله هنا


مشكوره اختي .... انا صابره والله .... بس قلتلك والله اسكت ومااتكلم يشتموني يسبوني ويقذفون بي والله اسكت ومرات حتى لما يضربوني اسكت بس ياربي تعبت جسمي كله كدمات والله العظيم استحي اطلع للناس وجسمي مشوه وحتى وجهي مشوه والله العظيم اني مااقدر انام مثل الناس على ظهري والله حتى رقبتي مااقدر احركها كل شي بجسمي متكسر كله رضوض وساكته وصابره ........... بس ليش يحرمني من دراستي ؟؟ والله العظيم روحي معلقه فيها ..... والحين يقولي عقابا لك ماتداومين اسبوع ... ليش ؟؟ لاني طلبت منه افلوس عشان اشتري ملابس للشتاء وقال مامعاي وقلت طيب ابغا مكافئاتي وقام بضربني وقفلت على نفسي الباب وحرمني من دراستي اسبوع وانتي عارفه نظام الجامعه .... مااقدر اغيب دايم .. فيه عدد محدد للغياب اذا اتعديتو راح احمل الماده ..... قوليلي ايش اسوي فيه والله العظيم تعبت منه

الله يفرج همك..

كـوكـا;16610364:
زهرة الاوركيد .... مااقدر ارد عليك لان مشاركاتي ماتسمح ... فــ بنزله هنا


مشكوره اختي .... انا صابره والله .... بس قلتلك والله اسكت ومااتكلم يشتموني يسبوني ويقذفون بي والله اسكت ومرات حتى لما يضربوني اسكت بس ياربي تعبت جسمي كله كدمات والله العظيم استحي اطلع للناس وجسمي مشوه وحتى وجهي مشوه والله العظيم اني مااقدر انام مثل الناس على ظهري والله حتى رقبتي مااقدر احركها كل شي بجسمي متكسر كله رضوض وساكته وصابره ........... بس ليش يحرمني من دراستي ؟؟ والله العظيم روحي معلقه فيها ..... والحين يقولي عقابا لك ماتداومين اسبوع ... ليش ؟؟ لاني طلبت منه افلوس عشان اشتري ملابس للشتاء وقال مامعاي وقلت طيب ابغا مكافئاتي وقام بضربني وقفلت على نفسي الباب وحرمني من دراستي اسبوع وانتي عارفه نظام الجامعه .... مااقدر اغيب دايم .. فيه عدد محدد للغياب اذا اتعديتو راح احمل الماده ..... قوليلي ايش اسوي فيه والله العظيم تعبت منه

حبيبتي مره هددتيه بجمعية حقوق الانسان وطاوعك ليش ما تكرريها لانه حرام اللي بيصير
وهو شكله يخاف انه الناس تتكلم عليه وسمعته بالدنيا
لهذا قوليله انت ابويا على عيني وراسي بس اللي بيصير معاي ظلم فلا تجبرني اروح لجمعية حقوق الانسان وترى هما يجبروه يقبل يزوجك ادا كان اللي متقدم لك يناسبك ويخليكي تكملي دراسة غصبا عنه
الله يفرج همك يا رب

يا قلبي والله قطعتيني والله أقراء و أقول لا هذ شكلها تألف قصص و رويات ,,والله مأعرف أقول شئ لان في الموافق هذي عقلي معاد يعرف يفكر بسبب مشاعري

يا حبيبتي والله ثم والله ربي مخبي لك خير كبير و لكن مازل ماكتب بيه

مأعرف انصح ولا أقول شئ غير ربك ثم ربك ثم ربك للأسف البشر طلعو حقراء و أسواء ماعندهم طلعهو لكي لذلك خلي قلبك للخلقك و إطلبي و تضلمي عنده و أطلبي الفرج و الرحمه في القريب العاجل و ربي يقلب حالك من حال إالى حال و يزوجك من رجل صالح عاقل يعوضك سنين القهر و الالم و المأساء يلي عشتيها

ربي معاك و ربي يحل همك و كربك معليش حبيبتي تصدقي كل يوم إن شاء الله حتى تعبي صحن مايه و تحطيه في الحديقه تشرب منه العصافير أو صحن رز أو أي عمل خير قدميه كصدقه لربك ,, و إستغفري طول الوقت لا توقفي إستغفار أبدا يعني إستغفر الله أستغفر الله أستغفر الله و أثوب إليه ...أتنمى في يوم أجدك راجعه و كاتبه لنا قصه تغير حالك و نيلك للسعاده من كل حدباً و صب و زواجك برجل يخليك ملكه في الدنيا و تغير حال أبوك و امك و اخوتك و طلبهم السماح و المغفره منك على مافعلوه لكي و نجاحك في دراستك و تحقيق كل احلامك امين يا رب