شلون تتصرف البنت بأول يوم تشوف فيه خطيبها ؟

:x_hello:
سلامي....

لما اهله اييون يزورون... احسن شي البنت تتصرف ع طبيعتها... صحيح لازم تتعدل و تتمكيج و تتعطر... بس لا تزود!
بعدين... يمكن يقولون...
" ع بالنا عيونها عسليه.... طلعن عدسات!!!"
" ع بالنا بشرتها صافيه و بيضا.... طلعت (صابغة) بكريم الأساس و البودره!!!"
و هلم جرا !!!

و توزن كلامها... ترمس وياهن... لكن بادب!
و تحاول تطبخ شي... و هي اللي تقدمه....

اما عن زيارته هو.... خليها ع الله ذاك اليوم...
بعلمج... اذا يا يوم و عرست...


:shy:
و سلامتكم...

بصراحه انا قابلت العريس وامه في نفس اليوم
يعني مع بعض بس الله لايوريك جاتني حالة ارتجاف وخوف اول مره
احس فيها:D2 كنت لابسه لبس هادي وحلو وساتر في نفس الوقت
شعري تركته عادي بس رفعته بطوق عن وجهي
ماكنت حاطه اي مكياج ولا حتى روج
بس انا انصدمت فيهم وهم انصدموا فيني
احنا الحمد لله بشرتنا بيضاء وخشومنا طويله وعيوننا وساع
وهم الله يستر عليهم كان لونهم غاااااامق مره
انا قلت لا والحمد لله انها جت منهم وقالت الام والله انتم ناس والنعم
والبنيه ماعليها كلام بس مانبي نظلمها معنا او بالاصح كل ناس ياخذون اللي مثلهم
والحمد لله على كل حال هذا ماثر علي وكل واحد ياخذ نصيبه:up:

السلام عليكم..........
انا راح اعلمك ياعمري اشلون تستقبلي خطيبك لازم شكلك يكووووون حلو
وتكوني مستحيه لو بالكذب وبعدين لا تخافي اولها اعصابك تكون متوتره
بعدين الوضع يصير شي ثاني واتمنى ربي يوفقك في حيااتك

اختك ميرو

هههههههههههههههههههههههههههههه

انا سويت فضيحة


بعدني ماشفتهم


حتى بعدهم ماوصلوا

ويلست اصيييح
عاد لا تسؤلوني ليييييييش مادري

:D2:D2:D2:D2:D2:D2:D2:D2:D2:D2


هاذي خطوبه جيه الله يستر الملجة

انا يوم ادخل عليه كان عيد ميلادي وكنت توني متخرجه..



فانا داخله وكل تفكيري لو تتم هالخطبه انو ياااااااااي اول شوفه كانت عيد ميلادي..




المهم سولف شوي بعدين قالي مبروك
<<<بقصد التخرج

انا قلت الله يبارك فيك بس وش دراك
<<<احسبه يقصد عيدميلادي لان كل تفكيري فيه

قال وش دراني بإيش..
قلت ان اليوم عيدميلادي<<<<<<<<يازينك ساكته:D2 ههههههههههههه




ههههههههههه الحين كل مايكلمني يقول انك متعنيه تعلميني انه عيد ميلادك عشان اجيب لك هديه
وانا والللللللله مو قصدي بس عاد شنسوي:shy:

totaya
:D2:D2:D2 تحححححفه انتي كذا :up:

MIss.B
لا تحطين مكياج كثير وخليك على طبيعتك زي ماقالوا البنات :smile: صح بترتبكين عادي انا دخت عليهم ووجهي صار اصفر :D2 لأني استحي مرره من ابوي خاصه ان خطيبي ولد عمتي :o اهم شي لا تتكلفين بأي شي :shy: والله يوفقك ويسعدك انشالله :smile:

صح يابنات بسالكم...

في الرؤية الشرعية الي قبل الملكة ..يصير البنت تدخل على الخاطب وهي مظهرة شعرها ولا لازم تكون محجبة لانه للحين ماتمت الملكة ؟؟؟

وبعدين احس لو يشوفني من غير مااعدل شعري واكحل عيوني بيطلع شكلي مثل المريضة ويمكن يهون الرجال..:down:


ماانكر اني ملكة جمال مثل مايقولون :rolleyes::rolleyes::rolleyes::o:o:o (قولوا ماشاءالله) بس اعتقد الوحدة يوم تتحجب وماتبين شعرها ولاتحط شي بوجها شكلها يكون تعبان ووجهه اصفر ولاشرايكم..

بعدين انا افكر يوم بيشوفني مااسوي مثل مايسوون الناس تدخل العروس تقدم شاي مادري شربات عقب تظهر..احس الحركة بايخة...انا انشاءالله بدق الباب بقوة وبقول السلاااااااااااااام عليكم..وبدخل بكل جراة وبيلس عداله وبقوله شحالك وبسولف ..

اما حركات المستحا هذي ماتعجبني...الواحد يكون عفوي وجريء وواثق من نفسه احلى...ولا شرايكم يابنات؟:up:

يووووووه انا يوم دخلت عليهم

يا اني بغيت اموووووت من الخجل والخوف

تدرون اني من كثر خجلي هو كمان خجل واحس بيده

وهي ترتجف يعني خليته يخجل:D2

بس بصراحه يوم ولا اروع

انا كنت حاطه ميك اب خفيف كحل وظل خفيييف وروج وردي

مع انه قد شافني زمان بدون الميك اب واعجب فيني(ماشاء الله علي):cool2:

المهم اني كنت شبه فاقدة الوعي:s2

هههههههه توتايه تذكريني بنفسي بس انا للأسف ماكان يوم ميلادي


أنا قبل ما ادخل عليه،، وقفت دقيقه كامله عند الباب اضحك ضحك هستيري:D2:D2:D2 و امي معصبه و تقولي اثبتي لا ينكب العصير:pain:





:cool2: عاد دخلت و انا واثقه من نفسي و عطيت اخوي صينية العصير ،،كانت ثقيله و جلست جنب البابا


بس كنت اتكلم معاه عادي،،و مو حاسه اني ارتجف او ان وجهي احمر:shy:
و ماكنت حاطه ميك آب ،،إلا لأن الماما اصرررت علي حطيت شوية أساس حتى ما كثرت..

أما اللبس،،تنوره طويله و قميص بس كانت اكمامه قصيره :cool2:




هجير الشووووووق،،،، في الرؤية الشرعيه ما تتحجب المخطوبه،،لأن الخاطب المفروض يرى منها ما يحب:o يعني تبينين جمالك من غير تصنع أو تهتك
<<==مدري شلون طلعت مني هالكلمه،،احسها كبيره:eek2:




MISS B اهم شي قبل ما تطلعين عليه هو او اهله تصلين صلاة الاستخاره
عشان إذا كان فيه خير يتمم ربي الموضوع و ما تندمين في يوم من الأيام،،،

و كلكم يا بنات لازم تصلون صلاة الاستخاره قبل ما يصير اي شي




فتكوووووا بعافيه:smile:

Blushing Bride


زين والله ريحتيني لاني احس الشعر له تاثير قوي على الجمال:o

طيب عادي افتح شعري كامل..للعلم هو طويل مرة وغزير ماشاءالله..ولا بيقول حشا ماصدقت قلنالها بنشوفج:rolleyes:؟

هجر الشوق حبيبتي..

لازم تطلعين شعرك يجوز.. وحتى لو ميك اب خفيف يعني يشوفك في حالتك الوسط لا كشخه زايده ولا صفراااااء مررررره..



Blushing Bride

احلى شي لبس التنوره تعطي للبنت حشمه وانوثه..:shy:

MISS B اهم شي قبل ما تطلعين عليه هو او اهله تصلين صلاة الاستخاره
عشان إذا كان فيه خير يتمم ربي الموضوع و ما تندمين في يوم من الأيام،،،

و كلكم يا بنات لازم تصلون صلاة الاستخاره قبل ما يصير اي شي

وبعد تصرفي على طبيعتك يعني لا تخططين قبل انك تسوين شي او تقولين شي لانه صدقيني كل تخطيطك بيروووح ومارح تسوينه:D2

حلو الموضوع

بس اني بعد امبي اعرف الجواب من جدي ما اني داشة

تحياتي

درة الدرر

:D2ضحكتوني بمواقفكم

الله يستر عسى ما ايي اليوم اللي تصير معاي نفس المواقف :pain:
تصدقون يا بنات مشاركاتكم ماااا تنمل ..
تسلمون يااااارب على مروركم و تعليقاتكم المفيده و ان شالله اذا صار نصيب بسوي كل اللي قلتوه :up:

وين الباجي ؟؟؟ تعالوا قولولنا شنو المفروض نسوي بهاليوم المصيري :shy:

:shy::shy::shy:

:shy:

صعب صعب صعب

ما اقدر اتخيل اني بعيش هاللحظات

بس لازم تكون البنت على طبيعتها ومكياجها خفيف :smile:

السلام عليكم ورحمة الله وبركاته

كل عام وانتوا بخيرر

بحكم اني توني مخطوبه واليوم رابع العيد والشوفه كانت باول العيد :o

لايفووووتكم

الله يسلمكم العريس ولد عمتي يعني مافي لاامه ولااخته طبعا شايفين

المهم الشوفه

انا قالوا لي فجاه بعد غدا العيد انه يبي يشوفني عاد انا مصدقه نفسي قلت الامر عادي

لبست ورفعت شعري من النص وحطيت مسكره وروج وردي فاتح بس المهم كنت عاديه بس نزلت بالصاله مت خووووف قلبي قام يرقع المهم وقمت امشي بالممر وانا رايحه للمجلس عشان ادخل عليه واناا امشي وخايفه مع امي طبعا الا اشوفه من قدامي مر بس ماطالعني انا شفته ولايفوتكم اشهق هذيك الشهقه وادخل الصاله وتسحبني امي والله تجرني مثل الخروف (:D2 لايفوتكم بنات شفتوا الخروف اللي بيذبحونه وهو يدري وخايف ومايمشي يجرونه )

انا مثله صرت امي جرتني من الصاله ليييين المجلس دخلت وحطتني قدامه وطبعا راسي بالارض واصلا مايجوز امد يدي واسلم عليه بس من الربكه امي تسمي علي وانا افكر انها تقولي سلمي عليه وسلمت :eek2: وقالي استريحي وقعدت مثل الهبله ويقولي شلونك وكل عام وانتي بخير وانا ساكته

وهو مسكين قاعد جمبي مو قادر يشوف وامي قالت له طالعها زين لاتقول ماشفت لان مافي شوفه الا بعد الملكه ان شاء الله ومسكين ماصدق قعد يتنقل من كنبه الى الثانيه عشان يشوفني عدل لين قعدت مقابلني على طول وانا وجهي بالارض

وبس قعدت اشوي وابوي قالي خلاص وقمت وبس :smile:

ااسفه طوولت عليكم بس هذا شعوري وطبعا طازج توه صاير :shy:

دمعة بحير :D2 مره ضحكتيني


والله يخوف هذا الموقف :pain:

هههههههههههههههههه

يحليلك ضحكتيني

مبروووووووووك