سؤال سألته اخوي ابغي رايكم

بسم الله الرحمن الرحيم
السلام عليكم ورحمة الله وبركاته
في سؤال سألته اخوي لما كنت طالعه معاه اتعشى في مطعم
جى على بالي ها السؤال وحبيت اعرف جوابه
قلت له اخوي ابغي اسألك سؤال
من اغلى عندك اختك ولا زوجتك جاوبني بكل صراحه
جاوبني على طول ولا جلس يفكر وقال اكيييييييد اختي
اللي هي انتي يا احلى ام صبا بالدنيا كلها :o
انتي اختي وحبيبتي واختي الغاليه
قلت له غريبه
الواحد لما يتزوج تكون زوجته اهم شي بحياته تكون زوجتي وعمره
وحياته وام عياله
قال لي انتي اختي تعرفين يعني شنهو اختي
اختي اللي ماتتعوض الأخت ماتتعوض لكن الزوجه تتعوض
واكد علي اي نعم الزوجه تتعوض لكن الأخت لا والف لا بعد
هي متى صارت زوجتي متى عرفتها
انتي اختي اللي عشت معاها اللي لعبت معاها
اللي فرحت لما انتي جيتي على الدنيا وقالو لي صارت عندك اخت
مو علشان انتي اختي الوحيده لا انتي اختي وحبيبتي بعد
بصراحه من هذاك اليوم وعقب جوابه على سؤالي
زاد حبه بقلبي زياده وكل يوم يزيد حبه بقبلي اكثر من اول
لما رجعت لشقتي سالت زوجي نفس السؤال
جاوبني هو بعد على طول ومن غير مايفكر
اكيييييييد زوجتي حبيبتي
زوجتي اللي هي عمري كله وحياتي وام بنتي
ادري كل واحد رايه يختلف عن الثاني
وكل واحد له معزه خاصه تختلف عن الشخص الثاني
انا لو سألوني هذا السؤال او خيروني بين زوجي واخوي
والله اختار الموت ولا اختار واحد واتخلى عن الثاني
والله ما اقدر
انا اسألكم ها السؤال السؤال موجه الى الجميع
الى اخواني وخواتي
من اغلى عندك اختك ولا زوجتك ؟
من اغلى عندك اخوك ولا زوجك؟
اتمنى انكم تتفاعلون مع الموضوع وتجاوبون او تقولون رايكم
لا تطنشوني
مع تحياتي اكم
ام صبا