مساعدة من جربت (ريتين أ)

ريتين أ مقشر للطبقة الخارجية من الجلد ...
وهو ياخذله فترة طبعا لين تطلع النتايج ..
لكن ما تستعملينه اكثر من 3 -6 شهور ...
او حسب وصفة الدكتور..

ولكني الاحظ ان بعد ما توقفين استعماله
ترجع البشره مثل ما كانت ولاحظت هالشيء من وحده
استعملته لكنه يفيد وايد في اخفاء الحبه في يومين تقريبا
وهو يحتوي على مواد كيماوية من تشذي انصحج ما تستعملينه
لفترة طويله ... او تشوفينلج بديل طبيعي افضل



وشكراااا
تحياااااتي :smile:

فعلاً يحتوي على مواد كيماوية لها تأثير تقشيري على الجلد
وأنصحج لا تتعرضين للشمس بشكل مباشر
لأنه يسمر خصوصاً المناطق اللي يبدأ يشتغل فيها
(يقشرها)

:smile:

مرحبا اختي النوونو
انا استخدمت الرتن A والدكتور قالي ماتستخدمينه اكثر من 14 يوم طبعا يستخدم قبل النوم ولازم ماتتعرضين للشمس بالنسبه للجفاف هذا شي طبيعي علشان البشره تتقشر لكن انصحج تستخدمين فازلين للترطيب او الجلسرين..و الكريم مفعوله ممتاز بس كثرته تضر

بنت خالي استخدمته ايام الثانووويه وصار ويها ماشاءالله راااااااائع لاكن بمجرد ماتركته لا رجعت الحبووووب من اووول ويديد وكانت نووع من الحبووووب مع الدواء اللي تحطه في ويها :shy:

انزين هو مثل اكسترا ديرم

ولا يحرق؟؟؟؟؟؟؟؟؟؟؟؟؟؟؟؟؟؟؟؟؟؟

هو التقشر و جفاف البشرة دليل على العلاج و انصحك تستخدميه في أيام الاجازات اذا عندك مشكلة من منظر التقشير

اقول هاي ما يساعد وايد بس اول الايام يعني اول اسبوع وبعدين خلاص مالة اي تاثير وشوفي لما تحطين كريم الاساس بتشوفين جفاف فظيع في ويهك ولا زم على فكرة يكون معاه ملطف كريم مع العلاج

انا استخدمته صح انه يخفي الحبوب في يومين بس يخلي الاثر موجوود يعني يترك بقعه بنيه مكان الحبه و هذا اللي انا اعاني منه يوم استخدمته و اللحين ادور اي كريم للاثار لا تكثرين منه و هذي نصيحه من مجرب

مشكورين على ردودكم
الله يجزاكم خير

:pain:

هو صحيح انه يقشر ويجفف البشره ويخفي الحبوب بس إذا تركتيه
راح ترجع الحبوب مثل ماقالت الأخت fatma وهو فعااال لكن مفعوله
بطيئ يعني من 6 - 8 شهور . وشــــكراً ..

انزين شو احسن هو ولا الزيت الفلبيني للبشرة وشو اسرع مفعولة

السلام عليكم و رحمه الله و بركاته..
الله يمسيك اختي نونو بالخير و كل العضوات المحترمات
و الله يعيد الشهر الفضيل بالخير و الاعمال الصالحه
وكل عام و انتم بخر مقدما بمناسبه عيد الفطر
هذي اول مشاركه لي بالمنتدى و اول رد لي
واتمنى اني استمر بالمشاركه و ماتنمعني الظروف من منتدى محترم و كبير مثل منتدانا
المهم اختي..
انا استخدمت رتن Aبس انا اقولك
اول ما تستخديمينه يقشر لك الوجه او المنطقخ اللي تحطين عليها الكريم و تستانسين عليه لانه يوخر الحبوب بسرعه و خلال يومين و اذا كانت بشرتك دهنيه راح يتوقف افراز الدهون طبعا رتن Aله درجات منه القوي و منه الاضعف منه انا اعرف نوع كريمي و نوع جل و الكريم اقوى من الجل و هو اللي استخدمته و الجل استخدمته اختي عمرها 13 يعني يصلح للصغار
لكن بعد ما توقفت عنه رجعت الحبوب و لا كاني استخدمنه
المهم النصيحه اللي ابي اقولها لك اذا كنت تعانين من مشكله حب الشباب بشكل كبير عندي لك علاج وحده بوحده باذن الله مو مؤقت راح يستمر معاك نتائجه الحلوه حتى بعد تركه بباذن الله
و هي عباره عن حبوب اسمها رواكوتان بس اسمعوا خواتي لا تستخدمونه الا باشتاره طبيب كبير مو حيالله طبيب لان الدواء هذا يعتبر مجازفه بصحتكم
ومو هين
ولازم كل شهر تسوين تحاليل دم
بس من يبي الدح ما يقول اح
وكل اثاره السلبيه تختفي انشالله بعد مرور شهر من ترك العلاج
وفتره العلاج تختلف على حسب العمر و الجنس ودرجه الحاله
وتراه مجرب انا مجربته و صديقاتي و قريباتي اللي عمرها 15 و اللي 17 و اللي 19

اذا ودك اقولك عن هذا الدواء ردي علي و ابد من عيوني اقولك عن الدواء و اثاره و ادلك على الاطباء المتميزين باعطاء هذا الدواء



وعندي علاج لاثار حب الشباب يعتبر طبيعي وبديل لرتن A
وهو انك تاخذين مره (لونها بني كانها صخر)اذا ما عرفتيها اسالي جدتك و نقعيها بمويه و اتركيها لفتره ساعه تقريبا و بعدين خذي قطنه و بلليها بالمحلول و امسحيها على وجهك و نامي و بالصبح اشطفيها و تشوفين النتايج الحلوه و بعدين امسحي وجهك بمويه ورد

هذا اللي جا على بالي و اسفه على الاطاله بس تحمست معاك لاني جربت رتن A
وعانيت من حب الشباب
و الحمد الله حالتي احسن

وسلاااااااااااااااااااامتكم

خواتي.........ابي اسأل ينفع هذا الكريم للمناطق الحساسةوالركب والاكواع ...ومتى يستخدم.. ولمدة كم ..ارجوا الافادة ......

مشكورين على الردود
اختي نونة المزيونة ياليت تقوللي على الدواء اللي تقولينه
وادعيلك
يعني تشوفين اني اوقفه والا استمر

السلام عليكم ورحمة الله وبركاته :down:

أختي يا العيون الوساع هذا الكريم لحب الشباب مش للتبيض وحذاري إستخدامه للمناطق الحساسه تبين تشب حريقه
وشكرا:D2

العيون الوساع وحدة سالت الدكتور اذا كان نقدر نستخدمالريتن اي للركب والاكواع قال تقدرين بس للاكواع والركب فقط لا غير

:confused::confused:اي كريم هذا

اختي نوونو
انا الان استعمله وقشر لي وجهي يعني كل الحبوب اللي فيه
بدت تروح او راحت بصراحه وجهي الحبوب اللي فيه قليله مره
بس اكثر شئ منطقة الذقن
وهو صحيح يسبب جفاف شديد للبشره بس لازم تسالين
ايش الكريم اللى تستعملينه معاه علشان الجفاف هذا ممكن فازلين
وانا استعمل كريم نوتراديرم ووحده من قريباتي قالت لها الدكتوره
تستعمل معها كريم بيبانتين
واهم شئ اهم شئ ماتتعرضين للشمس وانتي حاطته
يعني بس بالليل
ان شاء الله اكون افدتك والاخوات ماشاء الله ماقصروا