لو كنتوا بمكاني شنو بكون موقفكم

السلام عليكم بنات عروس

بدخل بالموضوع علي طول

قبل 11 شهر انخطبت علي شخص كنت اعرفه وقالي يبيني وتقدم لي اهلي في البدايه كانو رافضين بسبب ظروف شغله والمستوا التعليميني بيني وبينه يوم جافوني متمسكه برايي وافقوا عشاني ... من اول ما انخطبنا صارت مشاكل بينا بسبب معاملته لي والي كانت متابعه اخر مواضيع لي في هالقسم بتعرف الى صار .... قبل ملجتي اب ثلاثه ايام بس كلمني زميل كان معاي بالجامعه انه يبي يخطبني انه انصدمت اهنى!! ما كنت متوقعه هالآدمي يفكر فيني ولا لمح لي من قبل وخبرتته ترا انه عقب جم يوم ملجتى وانت ما قلت لي من قبل؟؟ اهنى انه صرت في حاله صراع بيني وبين روحي اكمل سالفتي واملج او اخذ الثاني بقول لكم ليش صرت في هالموقف؟؟

اولا لو بفكر بعقلي مو بقلبي طبعا بختار الثاني لو بقلبي بختار الاول

الاسباب هي الثاني وضعه المادي احسن من وضع خطيبي بالف مره

ثانيا الثاني عنده شقه ومكون نفسه خطيبي ما عنده سكن معنه شرطنه عليهم سكن بروحي وليومكم ما اجوف شي خطيبي يبي يبني بس ماديا ما نقدر علي اساس ابوه بيسوى لنا ولا سوا

ثالثا الثاني مستواه التعليمي تقريبا مثلي اما الاولي اقل مني بوايد

والى زاد الطيين بله انه ما سوي خطوبه علي اساس بنسوى عرس وحاليا حتى فلوس لعرس ما عنده!! واهلي مستحيل يرضون ما اسوى عرس لانه ما سويت شي غير ملجه بسيطه وفي بيت.... وفوق هاي يوم عشت وياه اكتشفت انه ما اقدر اعتمد عليه للحين كل علي اعتمد علي ابوي حتى مره ابوي قط نغزه يقول ترا انا مو عيزان عنج اذا اهوا ما يقدر... اهوا ما يعطيني مو لانه بخيل الله يشهد علي لين عنده يعطيني بس صج يكون ما عنده

وفوق هاي في فتره الخطوبه كذا مره نتهاوش بسبب اهماله لي ومايدري عني بالايام ما اجوفه وما احسه يشتاقلي او يقول ابي نطلع مع بعض...

صار ومن كثر اهمال خطيبي تهاوشت معاه مره وابي افضفض رحت كلمت الثاني وقلتله كل شي صارلي وانصدمت انه للحين يبيني ويفكر فيني؟؟ قالي يا فلانه انه احبج وابيج ومصر يكلم اهلي خصوصا يوم عرف انه مع خطيبي علاقتنه مو اوكي مع بعض اعرف الى سويته غلط يوم رحت كلمته.. قلتله عادى تاخذ وحده منفصله قال ايه انه اعرف سبب انفصالها وانه خبرت امي عنج؟ واهلي دام شي انه ابيه ما يمانعوني.. انه متحيره اكمل واتزوج وانذم بعدين يعيش مع واحد ظروفه الماديه اقل من ما توقعت بوايد واقل بوايد من المستوا الى عشته في بيت ابوي لا تقولون كنتي تدرين من قبل اوكي كنت ادري بس يوم عشت وياهم اكتشفه انه يعطي اخته ويعطي امه ويعطي اخوه لصغير لانه ابوهم مطلق امهم واهوا لكبير يصرف علي بيتهم وما قالي من قبل واخوه لصغير كان مطفش عمتى يبي سياره قام عطا سيارته اخوه عطيه لانه عمتى ما تقدر تشتري سياره والحين اخذ سياره ثانيه باقساط وضغط علي روحه

للعلم انه ما اشتغل وطبعا اعتمادي كامل عليه اول فتره من الخطوبه كنت اشتغل وكان راتبي بسيط بس شايله روحي فيه وما اخذ منه شي الحين يوم صرت بالبيت واعتمدت عليه صرتفي هالظروف يعنى ظروف صعبه وهذا للحين بدون عيال مثال( صار خطوبه بنت خالى قلتله ابي 30 دينار لصالون كان ما عنده قالي ما عندي!! وقتها ايست ما قط عشت ظروف جذي يوم في بيت ابوي ومن صوب ثاني ما اقدر اقول لبيتنه لانه بقولون احنه كنا رافضين انتي اصريتي ورضينا عشانج


لو انتوا بتفكرون تنفصلون وترتبطون بالثاني دام شاريج ومستعد يكلم اهلج اليوم قبل باجر؟؟