السلام عليكم ورحمة الله وبركاته
شخباركم عرايس عساكم بخير
اليوم يبت لكم طبق حلو للعشا
هالطريقة رفيجتي عطتني اياها كانت يايبتها من كتاب اسمه طيبات اعتقد
المهم انه طبق حلو وشهي ويشبع مره
نسيت اصور المقادير كنت مستعجله لان اخواني يبوا يداومون وبسرعه كنت اجهز
المقادير:
دجاجة
2 بصل
حبة طماط
حبة فلفل اخضر حلو ( نحن نسميه فلفل رومي )
5 حبات بطاطا
مقادير البشاميل:
12 حبة جبن مثلثات ( انا استخدمت جبن الاطفال)
كوب ماء
2 فنجان حليب بودرة
الطريقة:
نقطع الدياي ونسلقه ف ماي مع البهارات وثوم وماجي وملح
بعد السلق .. نفتت الدجاج لقطع صغيرة .. نحطه ع جنب
نجيب البصل ونحمره بالزيت وبعدين نضيف الفلفل والطماط وشوي ملح ونقلب لحد ينضج شوي وتطلع ريحته
بعد كذا نضيف الدجاج معهم ونقلب ع نار هاية لحد يصيروا بهالشكل
بعدين نجيب البطاطا ونقطعه اصابع ونقليه
نجهز الباشميل على نار هاديه نحط الجبن والماء والحليب
نحرك لحد يذوب الجبن شوي
بعدين نجيب صينية الفرن ونحط شوي من البطاطا
بعدين نحط الدياي
بعدين نحط البطاطا الباقي
اخر شي نصب الباشميل
وندخل الصينيه بالفرن من تحت وفوق .. ما تاخذ وقت يمكن بس عشر دقايق او ربع ساعه
وهذا شكلها النهائي
طبعا انا يبت توست وسوينا سندويشات
ما صورت لان وقتها الكل مفجوع ^^
اتمنى تجربوها وايد حلوه
وبالعافيه عليكم
في حفظ الله
...