شحالكم فديتكم
امس سويت حلى سهل وسريع
كانت بنت اخوي تبي حلى للمدرسة وسويتلها هذا والحمدلله عيبهم وايد
الطريقه بصراحه مادري من وين يبتها لقيتني كاتبتها ف كتاب من زماااان
وضفت من عندي اضافات بسيطه
المقادير :
كوبين سميد وشوي
كوب سكر
علبة قشطة( ف الكتاب مكتوب علبة قشطة ونص لكن انا سويت علبة وحده)
نارجيل
ملعقة صغيرة كاكاو بودرة
اعواد اسنان
الطريقه:
تصبين القشطه ف صحن
عقب تصبين فوقه السميد
وتخلطينهم زين
بعدين تحطين السكر
وتخلطينهم مع بعض لحد يتجانسوا
احين تستخدمين نص المقدار و تشكلينهم ع كيفج.. اذا تبين دوائر .. انا كنت مستعيلة ف شكلتهم بسرعه .. شبه دوائر^^
ودحرجتهم على النارجيل وصفيتهم بصينيه
نص المقدار الثاني خلطته مع الكاكاو وشكلتهم دوائر( هذي الخطوة اضافة من عندي)
وهذا الشكل النهائي ودخليهم الثلاجه تقريبا ثلاث او اربع ساعات اذا كنتي مستعيلة.. وكل ما طالت المدة بالثلاجه كان احلى
وبالعافية
في حفظ الله
...