والله محتاجه نصيحتكم لا تبخلو علي

السلام عليكم

انا حابه اكتب مشكلتي لاني مليت وتعبت مع اني مو عارفه ازا كان هاد القسم المناسب

مشكلتي مع خطيبي واهله انا مكتوب كتابي من سنه وخلال هالفتره ما اتهنيت الا اول شهرين وبس لانه اهل خطيبي قرفوني بتحكماتهم بدهم البس واحكي على خاطرهم ومزاجهم حتى خطيبي لما يجي عندي بضلهم يرنه مشان يروح بحبه كتيير التسلط وكمان انا لاحظت انه خطيبي كتير ضعيف امامهم انا عارفه رح تحكولي بر والدين ويلي ما في خير لاهله ما في خير لحدا بس انا برايي هاد مو بر انا عندي اخوه واصغر من خطيبي بس اهلي مو متسلطين عليهم ولا بيتدخلو بقراراتهم اما اهل خطيبي كل قرار بياخدو خطيبي لااااااااااااااازم يوافقو عليه وهو ما بيعملو الا ليوافقو وياما نكدو علي وهو عندي مشان يروح وبيصيرو يخترعو حجج مشان يروح من عندي وغير هيك خطيبي خريج هندسه بس مو لاقي شغل بشهادتو وعم يشتغل بشي غير شهاده لبين ما الله يفرجها همي مو عاجبهم وما بدهم يشتغل الا بشهادتو طبعا خطيبي رد عليهم وترك الشغل وكان بده يفتح مشروع كمان ما وافقو بحجة انهم تعبو بتدريسو وحابين يشوفوه مهندس طيب وينتا بدنا نأسس حالنا مدام ما بدهم بيشتغل وبيتدخلو في كل تصرفاتو انا تعبت والله اعصابي مو متحمله المشكله اني بحب خطيبي كتييييييير وهو كمان وخطبنا بعد حب سنين والله كنت ابكي لرب العالمين مشان يجمعنا ولا بحياتنا واحنا نحب بعض اغضبنا ربنا كنا نحب بعض من بعيد لبعيد وبالاخر لما ربنا جمعنا عم يحرموني الفرحه والله يا بنات حتى لما يحكي مع التليفون بيداقو وكل حياتهم تعليقات ونكد وهم وغم انا زهقتهم من هلء والله ما بدهم يشتغل ولا بدهم يساعدوه يجوزوه والله بحياتي ما شفت هيك اهل انا عندي اهل وشفت كتير اهل زيهم ما شفت الصغير قبل الكبير بيتدخل في كل شي بيخصنا انا وخطيبي والله لو احكي مواقف للصبح ما بخلص انا عارفه مستحيل اغيرهم ولا بنيتي اغيرهم بس مش عارفه كيف اغير نفسي مشان اقدر اتحمل هالبشر لاني ما بقدر اتحمل العوج ولا بقدر اجامل حدا مدايقه منه انا نفسي اتعلم كيف اقدر اطنش وانسى واعيش حياتي غصب عنهم واحافظ على خطيبي طول العمر ويا ترى في امل خطيبي يتغير بعد الجواؤ ولا رح يضل هيك قدام اهله انا وصلت معي اني طلبت نفسخ الخطوبه بس خطيبي مو موافق لاني خايفه كتير من نكدهم ومشاكلهم وتعليقاتهم وتتداخلاتهم يلي ما الها نهايه
وكمان حابه اسال سؤال انا طلبت من خطيبي نسكن بالاجار وحكيتلو ما بتجوز الا بالاجار ما بدي اسكن عندهم لاني عارفه الجحيم يلي رح اعيشه بس اهله حكولو لو شو ما عملت مستحيل نوافق انك تسكن بالاجار هلء ازا سكني بالاجار بدون ما يوافقو بكون عقوق والدين يا ريت تجاوبوني حابه اعرف ازا عقوق او لا مع انه حقي اسكن وين ما حابه بس اهله ما بدهم الا عندهم انصحوني شو اعمل انا متاكده ازا سكنت عندهم رح اعيش بنكد وانكد على زوجي وما رح يكون النا استقلاليه بالمره بالله عليكم ما اطنشوني وكل وحده تحكيلي رايها وشو اعمل

والله اني تعبت كتير والله حرام هالنكد باحلى ايام حياتي سامحوني طولت عليكم كتير