يا من تأيدون التعدد للقضاء على العنوسه....

يا عزيزتي اولا جزاك الله خير على موقفك الرائع من زواج زوجك

بعدين يا اختي المشكلة مو اننا نرفض التعدد ولكن الرجل عندما تكون الفتاة فوق 35 سنة ما يقبل فيها اظنة يتصور انها خلاص راحت عليها:up: يعني صارت عجوز ها الفئة التي تجاوزت 35 هي التي لا ترفض التعدد ولكن الرجال دائما يبحثون عن الصغيرة اسالي زوجك عن راية لو تزوج وحدة عمرها 37 سنة هل يبقبل بها وشوفي وش يقول وشكرا

مو كل البنات يرظون بالتعدد..


وكمان فيه بنات يرظون اذا زوجها بغى يتزوج عليها.. تقول مارح امنعه من شي حلله ربي.. وبتقعد عشان عيالها وكذا .. وخلاص عاشت حياتها معاه .. وماتقدر تغير شي مافي بيدها شي <<<<هاذا رايهم..
لكن ماترظى انها هي تكون الثانيه.. وهنا يكون الموضوع بيدها..



وكمان تحت عمر 30 تعتبر صغيره على ان اسمها عانس..



اتوقع كذا

الاخت ظمأ قلبي

اولا لازم تحبي زوجك ولا ترضين انه يتزوج عليكي ومنطقك غريب
ثانيا هو بيحاول يقنعك بمبرراته للزواج لاتنساقي وراء ذلك ولا تشجعيه

ثالثا انتي بتشجيعك له تدمرين بيتك وانصحك بعدم التمادي في تشجيع زوجك للزواج عليكي

أول مره في التاريخ ريال يقول كلام صح sami

أسمعي كلامه هو ريال وأدرى بألاعيب الرياييل وخبثهم وأنتي شكلج طيبه وايد ومتساهلة بس في النهايه أنتي الخسرانه وهو الكسبان وبتشوفين

بالله عليك اسأليه عن أعمار اللي خطبهم (السته) و ساعتها بتتأكدين إذا هو يبغى يتزوج فعلا علشان يحل مشكلة العنوسة (wink) (wink)

و لا في الخاطر شئ لا تكونين طيبة زيادة عن اللزوم....لعلمك أنا لست ضد التعدد فمن أنا حتى أحاجج في شرع الله لكن مستحيييييييييييل اسمح لحد يضحك علي و خصوصا عاد رجال هذا اللي ناقص

الاخت ضما قلبي،،،

ما ادري ماشاء الله عليج كيف قلبج قوي ويتحمل فكرة انه زوجج يبغي وحدة عليج،،، الله يآجرج على حسن نيتج بس الغالية فكري في المستقبل وشو ممكن تتعرضين له من الغيرة او عدم العدل حتى في القلب،،، الصراحة شي صعب،،، انا أأيد التعدد بس اذا كان فيه سبب مقنع،،، مثل الحرمة ما تيب عيال او مافي توافق نفسي بين الزوجين،،،، لكن كونه يفكر يبغي يستر على بنت من بنات الناس خوش والله؟ شو ها الحنية هاي كلها؟ الصراحة عذر ما يدش المخ؟ عيل خله يكملها بثلاث حريم احسن عشان يكون ستر على اكبر قدر ممكن من النساء،،،، وشو عن باقي الحريم العنواس وحليلهن شو مصيرهن اذا ما كان لهم حظ فيه؟ ما فكر في الباقيات كيف بيحل مشكلتهن ويستر عليهن؟ والله هو مب ملزوم يحل مشكلة كل عانس والا حتى يحاتيهن،،، ما شاء الله عليه من كثر ما هو انسان حساس ويحس بمعاناة غيره،،، سمحيلي الغالية بس عذره اقبح من ذنب وانا ماارضى في اختي انها تكون موضع يثير الغرابة ويعرضها لوضع غير مريح في المستقبل،،،،واضح انه الريال خاطره يعرس ومب عارف كيف يقنعج،،، الغالية ابحثي عن سر تفكيرة بالزواج بأخرى وراجعي نفسج اكثر لانه مب من مصلحة الوحدة انها يتزوج عليها والا انتي شو رايج؟!!! فكري بأشياء وايدة في مصلحتج قبل مصلحة غيرج،،، ولا تكونين وايد طيبة وتتنازلين عن حقوقج بهاي السهولة


الله يجزيج على قد نيتج ويوفقج في حياتج الغالية،،،،

ذرة في مجرة،،، مول ما غلطتي على الريال ما جنه منهم ،،،، :D2:D2:D2:D2

هلا اختي الصراحة

نا اعرف شو امتب ولا اقول:eek2::eek2:

ريلج معاة حق بس تعدد الزوجات لاسباب مش مجرد يتعذر انة يحل من نسبة العنوسة:eek2:

انا الصراحة ما اقدر اتحمل ريلي ليقول لي بتزوج عليج

الا اذا كان في سبب وبعد قوي :up:

ومثل ماقالت الاخت اوركيد

فكري بأشياء وايدة في مصلحتج قبل مصلحة غيرج،،، ولا تكونين وايد طيبة وتتنازلين عن حقوقج بهاي السهولة

واللي قلبة طيب دومة خسران

أهلا أختي ظمـــأ...


بصراحة مش عارفة شو أكتب أو أرد...


أنا مندهشة من تصرفك مع زوجك...و 6 مرات يروح يخطب أمامك ؟؟؟؟!!!!!


و إنت زعلانة إنه المرات الستــة فشلــوا ؟؟؟؟!!!!


عمومـــا هذه رغبتك...و لكن فكري في الأمر مرة أخرى...لما الزوجة زوجها يتأخر عليها في العمل أو مع أصحابه بتكون متضايقة و زعلانة و تعمل معاه مشكلة لما يرجع....فما بالك لو كانت عارفة إنه سهران أو بايت عند واحدة ثانية هي زوجتـــــه ؟؟؟؟!!!!


أنا بقول لك هذا الكلام مش اعتراض مني على شرع الله...أبدا....فالله لما شرع التعدد كان لحكمة لا يعلمها إلا هو...لكن أنا بقول لك هذا الكلام حتى تفكري قبل أن تفتحي على نفسك باب من أبواب المشاكل ثم ترجعي و تقولي زوجي تزوج علي بغرض حل مشكلة العنوسة و لكنه سبب لي أنا مشكلة أخرى و هي الإهمال...و تقولي زوجته الثانية تعمل معي كذا و كذا و تأخذه مني و تقلبه علي...أو تقولي أولادها يكرهون أولادي...و من هذه المشاكل...


إذا كان الله قد أنعم عليك بالإستقرار في حياتك مع زوجك فلا ترفضي هذه النعمة...لو قلت لي أن هناك مشاكل كبيرة بينكما...أو أن هناك مانع للأولاد...أو أي سبب من هذه الأسباب كان كلامي سيكون مختلفا...


كمان أنا قرأت مرة ردك في هذا الموضوع :


[WEB]http://www.3roos.com/forums/showthread.php?s=&threadid=66300&perpage=15&pagenumber=2[/WEB]

و حسيت إنك معارضة للزواج من أخرى...يعني بينك و بين نفسك معارضة...



عموما...أنا أحيي فيك روحك الحلوة و طيبة قلبك و الله يجازيكي بمقدار نيتك إن شاء الله و ييسر لك كل خير....


تحياتي...

هيه والله كيف كان ردج جيه وفي نفس الوقت ما عندج خلاف :think: :think: :think:


والمشاكل اللي عرضتها الاخت مرموم 100% صح وما بتسلمين منها وصدقيني بتيج مشاكل زيادة ما تتصورينها،،، وشو الله حادنج عليها،،، فخليج عايشة حياتج الطبيعية الحالية بدال ما توهجين عمرج بس لانه نيتج طيبة،،،، وتقولين ياريت اللي جرى ما كان،،،، حد يدش النار بريله؟!!!

استغفر الله العظيم والله لاني خايفة عليج وليس احتجاجا على شرع الله

والله اللي يبى يزوج عانس يتزوج وحدة عمرها فوق ال 35

مب ياخذ وحدة صغيرة ويقول بحل العنوسة!!!!!!!!!!!!



لا للتعدد مهما كانت الظروووف

لا
لا
لا
لا
لا


البيت المسكون ماينسكن

أختي ظما قلبي .. لا توافقين :eek2:.. بتندمين أشد الندم .. وبتقولين ليش تزوج ؟؟علي .. ما يحبني .. والا انا قصرت معاه بشي .. والا انا عقيم .. وما اقدر اييبله عيال .... والا حياتنا فيها برود وملل .. ولا تنسين .. الزوجه الثانيه دائما تحاول وتنافس انها تكون احسن من الاولى .. عشان الزوج .. يقول هذه الانسانه فعلا غيرت حياتي .. ويصير ميوله واحاسيسه كلها للزوجه الثانيه ..

صارت عند احد المعارف .. ان الزوج لما تزوج الثانيه .. الاولى ماتت قهر والى اليوم ما يشوف منها شي يسر .. كلحين تسويله تلفونات .. وكل يوم تيبله مشكله . وتطلب منه فلوس بزياده ..وما قط شاف ثيابه مكوايه او حجره نظيفه او عيال نظاف .. كلها لأنها منقهره .. أما الثانيه حنونه وطيبه وعلى نياتها .. ودتخن ثيابه زوجها كليوم وتمسح نعاله ..وماتسويله تلفونات الا اذا بغته ضروري دزتله مسج .. وشالتنه على راسها ..وصابره لأن الاولى وايد تأذيها ..

ترى الغيره مجوده فيى الانسان .. يمكن ما تحسين بحرقانها الحين .. بس عقب غصبا عليها بتحرقج:s2

تمنياتي لج بالحياة السعيده

وانا رائي من راي الخوات

لاتفتحين على عمرج باب كله مشاكل

تراج عقب راح تندمين

ولاتكونين وايد طيبه لانه هاي مجرد حجه

الواضح انه يبى يغير من حياته

مب عشان يحل مشكلة العنوسه

اختي حافظي على بيتج وعلى ريلج دامنه لين الحين على البر

وماحصل له وحده

الموضوع له إتجاهين........
الأول هو إن المجتمع يطالب الرجل بالتعدد
لحل مشكلة العنوسه ويطالب المرأه إنها ما
تعارض هالشيء....

الثاني هو........ إني ودي لو ريلي يتزوج اليوم
قبل باجر........ أدري راح تتساءلون... هالموضوع
من زمان وهو يدور براس ريلي لكن كان يروح و
يرجع,....... لكن قبل شهرين دريت إنه فعلا كلم
ناس علشان يدورون له على زوجه ..... وقتها
صارت مشاكل كبيره بيني وبينه........ ولكن ما
في شيء تغير وما قدرت أغير اللي براسه....
راح تقولون تقصير وغيره ... تدرون إن ريلي يقول
لي ( ما راح ألاقي وحده مثلج وما في أحد بيسوي لي
اللي إنت تسوينه وياي) .......... لكن المشكله أو
حجته إن حرمه وحده ما تكفيه....... كنت أعارض وأزعل
وأبكي لكن يقول لي إنه ما راح يسوي شيء غلط
وإنت عليج بالصبر وإحتساب الأجر عند الله.......
وما لقيت أحد واقف معاي حتى أهلي قالوا لي ما نقدر
نسوي لج سيء وهذا حقه....... شفت إني فعلا ما أقدر
أسوي شيء........ وهني بديت أفكر لو تزوج بفتك من
مسئوليته وخل الثانيه تتحمل ... وأنا بسير بيت أهلي
وراح أشتغل وأعتمد على نفسي........ وما راح أحتاج
لأحد..... لكن ما قلت له عن اللي براسي......
حاليا هو يقول لي أنا شلت الموضوع من راسي.....
لكن أنا خلاص..... ضاع الأمان من حياتي..... سألته
طيب إذا رجعت للموضوع ....... يقول لي أإذا صار ورجعت
لموضوع الزواج أنا ما راح أسوي شيء محرم وإنت لازم
ترضين.............. صار هالموضوع مثل الكابوس.......
أنام أحلم فيه وأقوم أفكر فيه.... ودي لو يصير وأفتك
وأرتاح........وألقى راحة بالي........ لأني في الحالتين
مب مرتاحه..........

:eek2: اختي ممكن اعرف كم عمرج؟؟؟؟ ايبين عليج عاقله وايد؟؟؟؟

حبيبتي كبش الفداء........
والله ضحكتيني........

لكن بجاوب على سؤالج........
أنا عمري 24........:D2

أختي ظمأ قلبي....


الحين وضحت الصورة عندي...


الله يكون في عونك...بس و الله في لنا أخت مرت بنفس التجربة و زوجها فعلا اتزوج لكن هي عندها احساس رهيب بالألم في داخلها...الله يكون في عونها...


يمكن إنت وصلتي لحالة إنك مش فارقة معاكي إذا تزوج أو لأ....لكن فكري مرة تانية و فكري في العيال كمان...و فكري في شكل الحياه بعدين...و قولي له بحزم ليش لازم أرضى...و أنا مش مقصرة ؟؟


الله يكون في عونك ...


تحياتي....

أختي ظما قلبي ....اسمحيلي على هالكلمة ....



انت ....جيه ..:up:





هيه يا نظر عيني خلج جيه دوم ، انسانة عاقلة وفكري دايما لبعيد ...

يا بنات ما في واحدة ترضى ان ريلها يتزوج عليها ....لكن اذا لاقدر الله ووصلت واحدة فيكم لهاي المرحلة ...



لالالالالالالالالالالالالالالالالالالالالازم تستعمل ذكاءها وعقلها ....في انها تكسبه دوووووم يمبها .

السلام عليكم ورحمة الله وبركاته



كل شئ قسم نصيب ...:cool2:

انا اتفق تماما مع ماقالته الاخت niraan