مشكلتي وحلها الصعب / بدي آرائكم؟؟

السلام عليكم ،،

أنا حابة اخد رأيكم في هالموضوع اللي معقدني من سنين ،
أنا بكمل 27 بعد كم شهر وعند اخواتي عدو 34 وما تزوجو كلنا نشتغل ومشكلتنا انو والدي جدا صعب وانا زي كل البنات بحلم بالزواج والارتباط وبحس بالاحباط كل ما شفت خواتي ما حد يقرب عليهم
للأسف ابوي سمعتو جدا سئية وكل قرايبنا ما بتواصلو معاه بأي طريقة ولو فكر حد يتقدم لوحدة منا يطفشو ويرفضو من نفسو بدون ما يرجع النا او لوالدتي وهالكلان من سنين،

كل الناس تعرف انو السبب رواتبنا وانو احنا شايلين كل مصاريف البيت من ايجار وتعليم لاخواتي واكل وشرب وكل شي

وهو كمان بدعي علينا دوم نبقى عوانس وما نتزوج

وياربت ما حد يقول انو نكلمو او نحاول نتواصل معاه لانو من سابع المستحيلات نتكلم معاه طبيعي

المهم انا في شخص من 5 سنين بدو يخطبني وانا رافضة اخليه ييحي البيت واحكيلو يصبر يمكن تتغير الأوضاع لكن للأسف الوضع من سيئ لأسوأ

وبالاخر قالي احنا بنروح المحكمة وان شاء الله القاضي يزوجنا بدون موافقة ولي الأمر بس أنا كتير خايفة وبعرف انو هتسبب بمشاكل كتير لاهلي وخواتي

ومع انهم هم يشجعوني كمان واخوي موافق ويقولي ما يهمك انا جنبك بس كتير خايفة

احكولي شو رأيكم؟؟؟