حوامل منتدي عروس هالله هالله في الرشاقه

السلام عليكم ورحمة الله وبركاته


من منطلق الوقايه خيرا من العلاج ...حبيت احط هذي المشاركه للحوامل.. والوقايه اللي اقصدها هنيه هيه الوقايه من السمنه وحنا حوامل الحين علشان بعد الولاده ما نتعب ونحنا انزل وزنا..

علشان جيه ابا كل حامل في المنتدي اتحاول من اليوم انها اتحافظ على وزنها وتساعدني ونتساعد مع بعض لتحقيق الرشاقه في فترة الحمل وبعد فترة الحمل..شوه رايكم


وبصراحه انا اليوم متحمسه وايد اني انزل وزني وانا حامل ان شاء الله بدون ما يئثر على الجنين وتصدقون اني يوم اشوف الغذاء الصحي حق الحامل احسبه نظام وايد خفيف ويشبه انظمة الرجيم..


انا الحمدالله الحين في الشهر السابع ولين الحين ما انتفخة واتمني اني ما امتن.. والاشياء اللي كنت اسويها اني مثلا اشرب حليب قليل الدسم مع السكر الخاص برجيم هذا الشي صار روتيني عندي الحمدالله.

واحاول اني اقوم عن الاكل وانا مشتهيتنه وهذي وصية الرسول نحنا قوم لا ناكل حتى نجوع واذا اكلنا لا نشبع..


احاول ابتعد قد ما اقدر عن الككاوا والحلويات بس ساعات افشل في المقاومه


والشي اللي ناويه اسويه اني اشرب الشي الاخضر قبل كل وجبه وان شاء الله بحاول امارس اي رياضه بعد رمضان مثلا يمكن ادش سباحه لانه السباحه اوكيه حق الحامل.

هذا الي في بالي الحين واتمني من الله وادعي لكل حامل بصحه والعافيه والرشاقه والله يسهل على كل حامل


بنات ابا تشجيعكم لازم انشجع بعض من الحين قبل لا يطيح الفاس بالراس ولا شوه رايكم؟؟؟