تجاربي في العناية بنفسي

اول شيء ببداء اتكلم عنه المنطقه الحساسه
هالمنطقه لازم لها اهتمام خاص من ناحية النظافه والاهتمام ووقت الدوره اهتمام بنوعية اكلك وشربك

اول شيء المنطقه هذي ضروري تكون جافه واذا فيك التهابات راجعي دكتورة نساء لاتهملينها اكبر غلط !

نجي لطرق ازاله شعر المنطقه ( انا شلت بالليزر واذا حابين اتكلم عن هالنقطه والتجربه من عيوني )

اول شيء الموس
ليه الكل اخذ فكره غلط عن الموس ؟
ترا والله مافيه شيء بس اختاري الموس الصح والنوعيه الصح !
هذا ممتاز

وشيلي بالطريقه الصح !
والمنطقه بتصير احسن منها مافيه
قبل الليزر كنت اشيل بالموس وبالطريقه الي بكتبها لكم الحين
اول شيء اجيب نشاء الذره ماتوقع فيه احد مايعرفه !
وانثره ع المنطقه وابداء اشيل بعكس نمو الشعر وبخفيف عشان ماتجرحين نفسك
واكرر الحركه لحد مانتهي شايله منطقتي واغسل بغسولي اللي مرتاحه عليه ولا صابونتي وارطب المنطقه باي كريم ترتاحين له لهالمنطقه

اما الحلاوه
اشيل فيها احيانا وفعلا نظافه وتشيل اول قشره من الجلد الي هي تكون مبقعه او وسخه من بكتيريا الي تتجمع بهالمنطقه من الشعر !
بس برضو ترهل المنطقه مره وبصراحه هالشيء الي خلاني اتركها ولا استخدمها ع باقي جسمي ومرتاحه ع نظافتها

ثاني شيء الغسول
كنت استخدم غسول سيباميد المعروف بس للاسف ماحسيت اني مرتاحه عليه
والحين استخدم كير فري بالصبار ومرتاحه عليه واحس بانتعاش ونظافه للمنطقه
هذا الغسول


ثالث شيء الفوط الصحيه
انا مرتاحه على برايفت لانها تكون مغلفه كل فوطه لوحدها وقطنيه
والفوط اليوميه استخدم من نفس ماركة غسولي كير فري
استخدم فوط كير فري اليوميه بالصبار

رابع شيء الكلوتات
حبيباتي الكلوتات لازم يكونون قطنيه ميه بالميه وحاولي ماتلبسين كثير الكلوتات العاديه البسي الي كانها شورت وخلو المنطقه تتنفس
ومو تنغسل بصابون الملابس وتلبسونها عادي ترا منطقه حساسه هذي مو زي باقي جسمك
انا انقعها بموية حاره مع شوية ديتول واكويهم وريحتهم حلوه وماتضر منطقتك ابدا لان الديتول مايضر باللعكس معقم


خامسا تفتيح المنطقه الحساسه !!
انا هنا تعبت وجتني فتره يأست منها خلاص فعلا
استخدمت خلطه الدوكين فورت والدوباك والرتن اي
وماتفحت المنطقه الا بنسبه 20% بس مع اني اهتم وكل شيء
وطفشت واستخدمت خلطه طبيعيه الي هي الليمون وبعدين ارطبها بزيت زيتون صراحه كان فيه تفتيح بس مب لنتيجه الي ابيها وبطيئه نتيجته مره
واستخدمت كريم بيزيلين لتفتيح المنطقه الحساسه بصراحه كان حلو يرطب ويفتح بس برضو مو للنسبه او النتيجه المرضيه الي ابيها الي لاحظته انه فتح لي منطقة بين الفخوذ بشكل ممتاز ماشاء الله
وقريت مره عن كريم الافوكوين من مجموعة افالون واستخدمته لمنطقة الابط ومره نفعني ماشاءالله واعجبني وفعلا فتح لي المنطقه الحمدلله
وجبته وجبت الدوكين فورت وصرت استخدمهم للمنطقه الحساسه
اغسل منطقتي بغسولي واجففها وبعدين احط حجم حبة البازيلا ع راحة ايدي من كل كريم واخلطهم سوا وادهنهم ع منطقتي كلها من فوق ومن تحت
مرتين باليوم النهار والليل وماشاءالله تبارك الله بخلال شهر واحد بس 70% تفتحت منطقتي عن اول الحمدلله
وبعدها سويت الليزر وقالت لي لاتستخدمين اي شيء قبل الليزر اتركي كل شيء الحين وسويت الليزر واعطتني كريم مضاد حيوي للمنطقه 3 ايام مرتين باليوم
ومره كنت بالصيدليه برجع اشتري نفس الكريمين عشان ارجع استخدمهم وقاللي فيه كريم افضل من كل الاثنين الي تاخذينهم بس سعره غالي شوي
واخدته واستخدمته لمده شهر
اقسم بالله العظيم نتيجه ماتوقعتها ماشاءالله
المنطقه صارت زي ما ابي بالضبط والحمدلله الكريم اسمه بايوديرما وابت اوبجكتيف سعره ميتين وعليها
بس ممتاز والله فضيع مججنون هالكريم بعدها صرت ماستخدم للمنطقه اي كريمات تفتيح صرت بس ارطبها بجلسرين سائل خالطته مع ليمون ومانسى امسحها كل يوم بثلجة موية ورد ومرتاحه الحين تمام وطبعا ماهمل غسولي وفوطي اليوميه واهم شيء ماهمل نفسي ايام الدوره

وهذي صورة البيزلين


وهذي صورة الفوط اليوميه الي استخدمها



وهذا كريم الافوكوين الممتاز لتفتيح الاباط والاكواع والركب واخلطه مع كريم الدوكين فورت





والكريم المجنون هذا هو اهم شيء خوذو النهاري مو حق المساء السيروم مو حلو وما اعجبني

وهذا الجلسرين الي استخدمه مع شوي ليمون للمنطقه الحساسه الترطيب اليومي
ومو بس المنطقه الحساسه ينفقع لكل الجسم يجنن وكلمة يجنن شوي عليه


والاهتمام بنفسك ايام الدوره
لازم تلبسين شرابات وتشربين اشياء دافيه والميراميه والبابونج مره حلوين
والمشروبات الغازيه تنسينها تماما
وحاولي ماتتحممين كثير بهالفتره

وتعبت ونعست هههههه بكمل بكرا ان شاء الله

الله يجزاك خير يارب

يعطيك العافيه

ورجعنا مره ثانيه شرايكم نتكلم عن البشره ؟

ولا العنايه بالجسم ؟

ولا العنايه بالاظافر ؟

ولا الشعر ؟

اختارو وانا بفيدكم بقد خبرتي ان شاء الله

~ ŠǿЌяà ~,

ويجزاك خير يارب ويسعدك

بارك الله فيك موضوع حلو...

انا رايي عن البشرة احلى اختي لينا

واااااااااااااااااااااااو

موضوع في قمة الجمال والاختيار روووووووعه يالحلوووووووووووووة

يسلموووووووووووووالايادي دوم




ياليت تفيدينا عن الشعرالباهت كيف يكون ذو جمال ولمعه حلوة

جميييل اكملي اختي باقي عنايتك

ووآآاااوو بججد ككل هادي الاشياء مره مرره حلوووههه

مممممم آللي تشوفيه انتي *_^

يعطيك الععافييهه

ما شاء الله حبيبتي موضوع رائع
بانتظارك

الموضوع اكثر من رائع
مشكووووره لينا على طرحه
عندي سؤال لينا
الفوط اليووميه كير فري يوميا تكون
ولا من فتره الى فتره
بليز جاوبيني

ما شاء الله حبيبتي موضوعج وايد حلو واستفدت منه

انا رأيي عن العنايه بالجسم
واتريااج ي قمر

مشكورين كلكم والله يسعدكم يارب

الاميره الجوري الفوط اليوميه تلبسينها يوميا اذا كان عندك رطوبه بالمنطقه او تعانين اكرمك الله من افرازات وعدم جفاف لهالمنطقه تبقيك جافه ومنتعشه طول الوقت ان شاء الله واذا استمرت هالاشياء بشكل كبير ضروري تراجعين دكتوره حبيبتي والله ينولك كل ماتتمنين

اول شيء بتكلم عن البشره

لازم يكون الداخل كويس عشان يعكس ع اللي برا
يعني قصدي بكلامي لازم اكلك يكون ممتاز واشياء تساعد ع نضاره وصفاء البشره
يعني ضروري الخضروات والفواكه والمهم المويه يابنات المويه ضروريه للبشره والجسم والشعر وكل شيء
انا كنت عادي اشرب اذا عطشت بس وقريت مره عن فوايدها وبجد شي فضيع ع الريق كاسين يكسر لك الدهون المكتنزه بالجسم ويعطي نظاره وطاقه
يعني ابدأو من جوا لبرا كلو سلطه يوميا او يوم من ورا يوم كثرو مويه حاولو تخففون من المشروبات الغازيه والخرابيط ذي

ثاني شيء عنايتي فبشرتي
اول كنت اعاني من حب الشباب ومانفعني بهاللموضوع الا الله ثم المره
نقعي المره بنفجنال قهوه بس لاتكثرين المويه خليها تصير لزجه مب سائله وخوذي وحطي ع نفس الحبه وخليها استـمـري كذا لين تختفي عندك الحبوب ومنتي متقيده بكم مره باليوم كل مامريتي من عند المره حطي ع حبتك واتركيها لاتنبشونها ولا تلمسونها لانها بتبقع العلامه وتتعبك ماتروح علامتها
ثاني شيء اغسل وجهي بصابونة البابايا يوميا مره صبح ومره بالليل واحيانا صراحه اكون مهمله واغسل مره وحده بس
واذا غسلت وجهي ونشفته اجيب ثلجة موية ورد وامررها ع كل بشرتي وانتظر لين ينشف مامسحه اخليه تتشربه بشرتي موية الورد مره فوائدها جميله للبشره نضاره وصفاء وتورد الخدود وتقدرون تضيفون كم نقطه مع المويه الي تشربينها مايضر ان شاء الله.
ايوه وانتظر لين تتشرب بشرتي المويه بعدين اذا كان عندي حبه احط عليها كريم فيزوكورد "ابو اسد"
وحبوب الشباب احط عليها مره وكل اسبوع احط قناع ينعش البشره ويرريحها ويعطيها نظاره لزوم تدلعين بشرتك بعد
اهم شيء المكياج بنات وقت المناسبات مصيبه لو تنامين ماتمسحينه والله هو سبب دمار البشره او تحطين مكياج دايما خففي واذا كنتي مضظره بسبب شغلك او ظروفك انك اكثرر وقتك تحطين مكياج اختاري ماركه خفيفه وبنفس الوقت معالجه للبشره زي كلينك خفيفه ع البشره ومعالجه بنفس الوقت
وترطيبي لوجهي بكريم افالون " افوكوين " لتفتيح استخدمه مره بس باليوم لاجيت انام لاني ارتاح ع ترطيبه خفيف وتتشربه البشره وعندي علامات كلف كانت كانها بقع بس الحمدلله بتحسن واختفت تقريبا بس قاعده اوحد اللون وترطيبي بعد بالفازلين الوردي من جونسون "بس لاتحطونه وتطلعون للشمس واللي بشرتها دهنيه لاتستخدم الفازلين تستخدم شيء لترطيب البشره الدهنيه "

وهذي تقريبا عنايتي ببشرتي ياحلوات وان شاء الله بكتب عنايتي بجسمي وشعري
واسفه ع التاخير

عنايتي بشعري

كل 6 شهور اقص اطرافه عشان الميت مايعدم لي الي فوق

زيوتي : زيت الجرجير وزيت دابر املاء وزيت الزيتون العادي وزيت براشوت

طبعا اكيد تعرفون ان الزيوت غلط تجلس ع الشعر اكثر من 3 ساعات لانها تفتح المسامات ويسبب تساقط الشعر

ثاني شي استخدم شامبو تريسمي وبلسم تريسمي ومرتاحه عليهم بس غيرتهم من فتره استخدمت لوريال حق تساقط الشعر مع الماسك حقه
لانه جا فتره شعري يتساقط بشكل فضيع ولما سالت طلع لاني اخلي الزيت بشعري ومن بكرا اغسله المسامات تتفتح وتسبب تساقط بس الحمدلله الحين خف مره
ثاني شيء اخفف الشامبو قبل احطه بشعري يعني احطه بايدي واخففه بشوي مويه عشان مايعدم شعري كله تركيبات وبلاوي واحطه بسرعه ع الفروه بدون تخفيف "احس بتانيب ضمير ههههههه"
وافرك شعري مرتين بالشامبو والبلسم بس بالاطراف اما الماسك عادي كل الشعر بس مايطول 3 دقايق 5 دقايق بالكثير وتغسلينه
وبما اني صابغه شعري فـ ما اقدر احني شعري "ميته ع الحنا وريحة الحنا وفوائد الحنا للشعر :("
ف اعوض شعري بترطيبه بالزيوت بما اني ما اقدر احني
والتمشيط يابنات اختارو المشط الخشب اللي اسنانه بعيده عن بعض عشان مايتشابك الشعر ويطيح
ولاتتعبون الشعر باسستخدام الاجهزه الكهربائيه لشعر زي الفير والسيراميك والاستشوار والاشياء هذي عشان مايتاثر الشعر خلوها اوقات المناسبات
وبس تقريبا هذي كل عنايتي بشعري

عيون القطة

حبيبتي رطبيه اذا كان الشعر باهت معناته يحتاج لترطيب زيت الجرجير وزيت الزيتون حلوين مره للترطيب الشعر ولمعته وفيه برضو زيت فازلين التونيك حق الشعر مره حلو للمعه الشعر امي استخدمته للمعه الشعر مااشاءالله ممتاز واذا كان شعرك من الاطراف تعبان متقصف وكذا قصي الاطراف الي ميت واهتمي بترطيبه من تحت لفوق عشان يكون شعرك كله صحي ان شاء الله

عنايتي بجسمي اول شيء الي بتجرب تجربتي لازم يكون عندها اصرار وعزيمه يعني مو ملوله تمل بسرعه وتهمل وتقول والله لينا ماعندها سالفه
زين ياحلوات ؟

نبداء بسم الله
اول شيء انا انسانه جربت كل شيء للجسم ككل شيء تقريبا
وبتكتب لكم كل شيء فادني ونفعني والحمدلله

اول شيء استخدم صابونيه من صنع يديني الحلوين
اجيب علبة فاضيه حلو ؟
واجيب مبشره وصحن وابداء ابشر هالصوابين


الكركم نص الصابونه بس عشان الجسم مايطلع اصفر او برتقالي ماحبها مره


كل هالصوابين ابشرهم زين مازين طيب ؟
واجيب ذا الشيء الي احبه

واحطه شوي شوي عليهم
واخلطهم لين يتماسكون مع بعص مب لين يصيرون شيء سايل لا انتبهو بس يتماسكون ابيها شوي لزجه مب سايله لانها بتجمد مع الوقت

حلو ؟
اسكر العلبه هذي واخليها الله يكرمكم بالحمام
الصابونيه الحلوه هذي هي احسن شيء نفعني لجسمي الحمدلله
طريقتها
اربص جسمي تحت المويه الدافيه شوي واقفل المويه واخذ من الصابوونيه بايدي وابداء افرك فيها جسمي كله خمس دقايق اتفرك زين حتى منطقتي واباطي
بعدين اغسل جسمي زين
بعدين اخذ هذا الشيء السحر الي لو انسان عشقته

وافرك فيه كل جسمي بحركات دائريه " بس بخفيف ع المنطقه الحساسه والاباط "
وافرك جسمي فيه بكل ذمه وضمير واغسله بعدين احط بعده هالسنفره الي احبها بعد بس مب زي العشق الي فوق

افردها ع جسمي خمس دقايق واغسلها بعدين اغسل شعري واطلع اتنشف
نجي لتطريب انا خالطه لي بعلبه شوي جلسرين وليمونه ادهن فيها كل جسمي وادهن اباطي ومنطقتي وركبي واكواعي ومؤخرتي بكريم افوكوين والدوكين فورت وامرر ثلجة مويه ورد ع منطقتي الحساسه وانتظر لين يتشرب جلدي المويه وبعدين احط كريم افوكوين او فازلين ودامك بالبيت حاولي ماتلبسين كلوتات دايما لاتكتمين المنطقه البسي اشياء واسعه وانشف شعري واحط اي خمريه احبها ع شعري وامشطه بمشط خشب واخليه ينشف من نفسه ووجهي بعد اممرر عليه ثلجة مويه ورد ورطبيه باي كريم تحبينه ومناسب بشرتك ومريحك
وان شاء الله تفيدكم تجربتي وتنجح معكم زي مانجحت معي "تقريبا هذي اكثر تجربه نتيجتها بانت بسرعه وخلاص صرت مدمنه عليها صارت روتين تعودت عليه "
واسالوني باللي مشغلكم وان شاء الله باللي بقدر عليه بفيدكم وبالتوفيق للجميع يارب