ابي حل لمشكلتي ممكن وايد مضايجه

اختي الحبيبة ماراح ازيد على كلام الاخوات كفوا ووفوا ..

وصدقيني ممكن تلاقي او تحسي ببعض القساوة بكلمات الاخوات ولكنها في الاخير لنصحك وايقاظك مما انتي فيه !

مافي انسان كامل ومثالي صحيح وكلنا عندنا اخطاء مختلفة ولكن نحاول نتعلم من اخطاءنا ونتفادها بالمستقبل لان فيه مثل نقوله ( القانون لا يحمي المغفلين ) فإفترضي ان الوحوش اللي حواليك سجلوا لك فيديو صوت صور ؟ فهل بتقدرين تشتكين ؟؟ كل هذا برضاك !! و بأي وقت يقدرون يوصلون لك راح يكون لهم اسلوب التهديد ومش بس كلام ! ..

خذيها قاعده ( مافي صداقه بين شاب وشابه ! هاذي بدول الغرب وبعد كثير منهم يرفض هالفكرة بعد الزواج! اما احنا العرب مستحييل تصير ! يعني عطيني مثال واحد لوحده متزوجه مثلا وعندها اصدقاء تقدر ؟؟؟ وحتى الرجل المتزوج عنده صديقات و لا قدام زوجته بعد ؟؟)

واما بموضوع انهم مايرضون ومادري شنوو سلامات خير ؟؟ عساهم مارضوا ولا ضربوا راسهم بأقرب حيطة !! يجرحون مايجرحون عااااادي جدا ! هاذي طرق الشباب عشان يقدر يحصل على اللي يبغي وانتي لانك حساسة وضعيفه رضختي للامر فياحبيبتي انتي الحلقة الاقوى بالموضوع كله وتقدرين تنهين الشي والحمدلله انك انهيتيه بس لا تضعفي مرة ثانية وترجعي لهالامور لانها ماراح تسلم الجرة مرة ثانية ...

اذا هالشاب اللي تعتبريه حبيبك فعلا يحبك فقولي له بصريح العبارة يجي ويتقدم والا ماراح تكملين معاه ! رضا كان بها واذا لا انهي علاقاتك وحاولي تبعدي عن هالطريق لان بالمرة الجاية ماتدرين شنو راح تكون النتيجة ...

وربي يهديك ويهدينه ويبعد عنك كل شر وسوء وينور دربك ويبعدك عن كل مايغضب الله ,,,

مشكورة اختي اميرة الحرف و راح اسوي كل شي قلتيه

و ابوي هالكلام ما يقوله اسفه بس نحن عايله ما تحس فالاخرين عشان كذا ه رحت للشات

و اذا عن حبيبي اليوم شكو فكلمني اخي و قلتله عن حبيبي كل شي قلتله و عطيته رقمه وماعرف شنو بيكون الرد و مضايجه حيل على حبيبي

مشكورة فتوحه الجناويه

و هذا اللي صار لحبيبي و مب مني اخوي بيكلمه و اذا فيه الجرأة بيطلبني منه

لارسا مشكووورة

و ان شاء الله يتقدملي بس خايفه انه اخوي يهينه خايفه انه يقوله ما تيي تخطبها او شي او يشتمه معنه اخوي كان فاهمني و كنت كل كلمه اقولها له صدق و تفهم الموضع بس مابيه يخبر خواتي لانهم كلهم واثقين فيني مابي شي يغيرني عليهم

مشكورة بس انا خايفه ان اخوي يهينه و او يقولها ما يي يخطبي او يقرب مني و انا بصراحه اخوي كان متفهم و قلت له كل كلمه بصدق و هو يعرفني عدل

عليشى اختى لاتعيدى كلمة حبيبى هلبه والله حيجيك يوم وتلقى زوجك بس ابو عيالك ان شاءالله يستاهلها الباقى لا احنا اهات واكبر منك فى السن استغفرى الله وفوتى كل هالخلابيط لاحبيبى ولاغيره

بالله اخوكي ما ضربك؟ ما عاقبك بأي طريقة ؟؟ ابدا ابدا ؟؟
طب بس هزأك على الاقل ؟ قطع عنك الانترنت ؟
ايييي عقاب؟
بكل بساطة قلتيله اعرف هذا الشاب و خذ رقمه يبي يخطبني !!! و تقبل الموضوع كذا !!!!
اعوذ بالله!!

مغتربه سدني يعني مب لهالدرجه هم ماسكيني و سحبو الايبود اللي اكلمه فيه من المسن و بعدين انا من اقول كلمه مارجع فيها اختي اعذريني هذا مب اسلوب تقولينه اخوي مسكني و كلمني و فهمته كل شي عن حبيبي عشان هيك تفهم الموضوع و الحين بيده و مشكوره عالنصيحه اختي اسفه عالكلام

انا خبرتكم موضوعي لتنصحوني ما تحبطوني او تستهزئوا فيني بليز حسو فيني ابيكم عون لي

ابي اكون لحبيبي و بس و هذولاك ابيهم اصدقاء شو الحل و الحين كل مايطلبون

كيف تبينهم اصدقاء ( اي صداقة تكون بين الرجل والمرأة ) افيقي عزيزتي وانتبهي لنفسك

اصدقاء من ؟ اصدقائك انت ؟ والله انه لعجب العجاب

كنت سارد عليك ان لم تكن هذه الجملة موجودة ولكن بوجودها احتفظ للنصيحة لنفسي

اختي العزيزة معرفة اخوك كانت خيرة من رب العالمين وصدقيني الحين بتعرفين مصيرك بطريقه غير مباشرة واما اذا بيعصب عليه فهذا امر طبييييعي جداا ولازم تحطين الحق معاه ! اولها عشان هالشاب مايظن ان ماوراك اهل ورجال ,, وثانيها عشان يشوف نبضه صادق لو جاذب ! .. ولا تخافين عليه لو يحبك جد وشاريك لو شنو يسوي اخوك فيه بيظل يبغيك وبالحلال ..

فلسطين مشطوورة صح كلامج تقولي زواج فاشل بس لانحن غير لانه فيه اشياء اكثيره تحملناها صح انه ما بينسا و جي بس للعلم انا خلاص صكرت كل شي عنه و عسبت ما يظلمني طرشت له عالهوتميل الموضوع و ماعرف شو صار مع اخوي و حبيبي الله يعين

العتب مشكووره

التفاحه الجناويه هذا اللي اعتقده بيصير انه بيطلبني ان شاء الله

مشكورين خواتي و الله انتو كفو صح اني امر شوي بضيق لاني من دون حبيبي بس بحاول اتأقلم و مستحيل ارجع لهاشياء

و حبيبي من بعد ما كلم حبيبي ماعرف عنه شي و ماعرف أي حوار دار من بينهم و احاتيه بس لو له نصيب يتزوجني بيي يتخذني

و اللي كنت اتواصل مع حبيبي فيه طلبت اخوي يبيعه عسبت ما انحرج اكثر لامن الاهل و لا منكم بس مشكورين ما قصرتو احاول ارجع شرات قبل و انتو صحيتوني على الدنيا

ربي يوفق بيحاتكم كل من دعا لي و نصحني

ندى ندوش;16557641:
فلسطين مشكورة صح كلامج بس لانحن غير لانه فيه اشياء اكثيره تحملناها صح انه ما بينسا و جي بس للعلم انا خلاص صكرت كل شي عنه و عسبت ما يظلمني طرشت له عالهوتميل الموضوع و ماعرف شو صار مع اخوي و حبيبي الله يعين

و للحين تقولين حبيبي !

اسفه شعري ذابحني