مشكلة خطيبي و الابتعاث ساعدوني يأست من حياتي

الله يسر امرك حبيبتى

حااولى تدخلى احد من العيلة يقنعة

جم مدة الابتعاث؟؟؟ وفي وين؟؟
عشان نقدر نقيم الوضع معاج

مدته ٤ سنوات في الاردن

اختي

راجعت مواضيعج السابقة واللي مبين انج خريجة ثانوية
ما اعرف شنو الاتفاق بينج وبين خطيبج عن موعد الزواج
بس اذا طالعنا فترة الابتعاث فاهيه طويلة واحتمال تزيد سنة اذا ما ضغطتي على روحج وعطيتي خطيبج وقته
او الاحتمال الثاني انج تضغطين على روحج وتاخذين مواد وايد عشان تخلصين بسرعة وفي هالحالة من المتوقع انه علاقته بخطيبج تتأثر بالسلب

شوري لج غيري البعثة واختاري وحدة هني ... يصير وبعدين حبيبتي كان المفترض تتناقش بن مع خطيبج في هالموضوع قبل ما تسجلين حق هالبعثة مو تحطينه تحت الأمر الواقع
لو كنتي أكبر وتشتغلين وطلعت لج هالبعثة من شغلج الكلامف بيكون غير

خطة البعثات هالسنة فيها تخصصات حلوة ومطلوبة
موضوع انه ايي معاج ويشتغل في الأردن سمحي لي خيالي لانها مو ديرة توفر فرص عمل مغرية حق بحرينين
و

سمحي لي كلامي مو مرتب وسريع لأني اكتب من الآيفون
ان شالله لي عودة بالباقي

اول شي الله يوفقج غناتي ويسسر امورج


اسستخيري اهم شي لقيتي خطيب يحبج ويخاف عليج



لا تخسسرية بسب البعثه


لاتحبو شيئا عساه شر لكم




انتي خبرتيه وقال لج لا مابتروحي ولا الحل هو الانفصال وع قولتج انتي تبيه



خليج ويا خطيبج وانسي البعثه



لا تخسسريه


الله يسسسر امورج

انه احسها فرصة ما تتعوض لان التخصص هذا مطلوب و غير موجود بالبلد
و احس اذا ضاعت علي هالفرصة راح اندم طول عمري
دايما افكر ان لو انه رفضتها عشانه و يوم من الايام صار شي ة انفصلنا لا قدر الله
شنو راح اسوي اكيد راح اندم لانها خلاص راحت

اختي

انا ما اعرف شنو التخصص اللي انتي مختارته

اختي خريجة هالسنة واللي اتذكره المعروض للأردن كان زراعة ولغات والتخصص اللي لفت نظري اهوه التربية الخاصة

اذا كان اهوه قصدج ففعلا اهوه مطلوب بس الراتب منخفض جدا جدا جدا وبعد جدا

اذاكان قصدج تخصص ثاني ... هالتخصص المطلوب خلال هالاربع سنوات القادمة محد بيشغله؟؟ وشنو يضمن لج انج راح تحصلين وظيفة بمجرد ما تتخرجين وشنو اللي يضمن لج الراتب العالي

ادري في هالعمر عندج خطط في بالج وسمعتي من الناس المطلوب وسمعتي ترشيحاتهم وتوقعاتهم وسمعتي عن الرواتب العالية في هالتخصص وذاك

حتى لو درستي التخصص اللي تبينه تتوقعين سيده بيسلمونج المنصب؟؟ لا .. بتتدجرين على الاقل خمس سنين اذا مو اكثر عشان تتحملين مسؤولية فعلية لهالتخصص

الواقع = 180 درجة غير ... بمجرد تخرجج ما راح تحصلين وظيفة بالساهل سواء كنتي خريجة الديرة من جامعة حكومية ولا خاصة ولا خريجة دولة غير + اللي متخرجين قبلج مو محصلين شغل + حطي في بالج احتمال عود شغلج يكون غير عن اللي درستيه في البداية وبراتب متدني عشان تفيدين روحج وتكتسبين خبرة

إذا كان التخصص اللي تبينه موجود هني درسيه هني ... ولو موجود في جامعة خاصة ومو معروض في البعثات راح يحولونج كمنحة او تقدرين تقدمين على بعثة من الجامعة الخاصة نفسها

انا قاعدة اقول لج هالكلام من واقع تجربة شخصية .. درست وتفوقت وخططت وجهزت وكان على بالي اني لعبتها صح ومحد قدي ... الصج اللي صار مختلف اختلاف تام

مرة ثانية اقول لج سمحي على قساوتي في الكلام معاج بس انتي في حكم المتزوجة وما رتبتي امورج من البداية مع زوجج

درسي وتفوقي واجتهدي واشتغلي محد بيقول لج لا .. بس بالمنطق وفي حدود ظروفج اللي انتي وافقتي عليها وحطيتي روحج فيها بنفسج

والاهم من ذي كله انج ما تنسين صلاة الاستخارة

أم حسين و محمد

حتى بعد عشرة سنتين معاه بتختارين الوظيفة وتضربينه بالحيط؟؟؟

حتى لو كان في بدائل للوظيفة؟؟

مجرد نقاش

أم حسين و محمد;16554348:

لا أختي مش بعد عشر سنين

انا لو كنت في مكانها و حطيت زوجي في مقارنه مع بعثه معنها في شئ غلط في العلاقه بيننا

لأنه مستحيل لو أحب أحد و متأكده إنه روحي و عمري أتخل عنه من أجل الدنيا كلها

لكن انا حطيت نفسي في مكان الاخت و هيا من الواظح إن مقام البعثه عندها مثل مقام زوجها يعني مافي ذاك الحب يلي يخليها تضحي بحياتها من أجل حبيبها

لذلك إختصرت الموضوع عليها و جبتها من الأخير خودي البعثه و العريس رح يجيك غيره طالمه الموضوع موضوع زوج بس.... الرجال على قفى من يشيل لو تدوري على مجرد رجل

لكن لو بالفعل كان زوجك هو كل حياتك من سابع المستحيلات أصلا توصل معاك المعضله إنك تستشيري في الناس أي أحسن أو كيف أتصرف

يعني واظحه لو زوجك كل حياتك إختاري زوجك لو البعثه هيا كل حياتك إختاري البعثه ببساطه شديده

أرجو إني وصلت وجهة نظري من غير تجريح لأحد لأني بس أخدت الكلام من وسط السطور و قريت من صاحبة المشكله إن الكفه متوازيه بين البعثه و الزوج

قصدك واضح اختي الكريمة وابد ما جرحتي احد بس كونك متزوجة حبيت توضحين للأخت صاحبة المشكلة انه المتزوجة مو نفس العزباء اللي شورها اهلها فقط لا غير وانه الزوج ما يهون على الوحدة

وانا كان قصدي من بعد العشرة الزوجية مو عشرة سنوات
خصوصا ان احنا في البحرين نظام الخطبة عندنا يكون بعد كتب الكتاب وتطلع وتقعد معاه ويزورها وتكلمه وتزور اهله وتكون في حكم المتزوجة اللهم اهيه ساكنة عند اهلها وابوها يصرف عليها صرف كامل مكمل وطبعا بدون دخول

صحيح إذا لا سمح الله صار انفصال بينهم ما تكون النظرة لها كمطلقة ولا تحسب كمطلقة الا شرعا ولكن قضية اختنا في هاي الحالة انها وحدة متزوجة راحت وقدمت حق بعثة خارج الدولة وحسب اللي مبين دون علم زوجها اللي متزوجته من سنتين واحين اهوه مو راضي

لو كانت موظفة وتم ترشيحها للبعثة من شغلها انجان رايي بيكون غير

انه هذا كان رايي بعد ابي يكون عندي شهادة تضمن مستقبلي
الزمن مو مضمون مادري شنو بيصير حتى لو عقب ١٠ سنين
مابي رجال يذلني بعدين بس بنفس الوقت ابي طريقة تقنعه اهو

سمعي فديتج أنا اقول حاولي تردين تقنعينه
يمكن يغير رآيه و يوآفق
و أن ما فاد جذي معاه ف مالج الا تتنازلين عن البعثه
و تكونين مع خطيبج و ان شاء الله ربي بيعوضج خير مع خطيبج
بس لا تفكرين انج تتنازلين عن الانسآن اللي حبيتيه و حبج
و انتي بعد حاولي انج تبينين له انج وآيد محتاجه البعثه و انج بتكونين زعلانه لو ما وافق
يعني الزبده حاولي تآخذينه بالمسايس و المسآير و تسآحلينه والله يكتب اللي فيه الخير لكم أنتو الاثنين
و عسى ربي يخليكم لبعض و مآيفرقكم

ااختي الحبيبة ,, شعورك هذا كله لان توك متخرجة ! كلنا ذقنا هالشي وتخيرنه بن دراسة ودراسة ! صدقيني بالحالتين سواء قبلتي هالبعثه او غيرتي هالتخصص راح تشعري بالذنب والسبب المثل اللي يقول ( بني آدم مايملي عينه غير التراب ) ..

شوفي كلام مس كولورز صحيح وخصوصا عندنا بالبحرين البعثات الحالية حلووة وفيها اللي مرغوب ودراسته موجوده هني ولا تستهينين بالجامعات الموجودة خصوصا ان شهادتها ماتحتاج معادلة واذا احتاجت هم يقومون بكل المهمة وتكون مقبولة عند أكثر الشركات الخاصه والوزارات الحكومية ,, انا مريت باللي مريتي فيه وتحيرت ! اروح هالمكان لو هالمكان لكن الوالد الله يطول بعمره قالي انتي قبل لا تختارين سوي مقارنة بشكل عام مو للتخصص لا للجامعه نفسها للدراسة للشهادة وبعد التخرج والتدريب ولما سويت المقارنة عرفت اي طرف هو الافضل لي ولله الحمد الاختيار صحيح ...

اللي عليك سوي المقارنة وشوفي ؟ ممكن رفض خطيبك جا من رب العالمين خيره لك وربك مو كاتب انه تاخذين هالبعثه ؟ و خطيبك خايف عليك اولا وثانيا فعلا نقطه انه يسافر ويدور له على شغل شوي صعبه ! يعني لا معارف لا ناس متعود عليهم ولا منطقه عارفها !! لو انا منه مليار بالمئة برفض هالحل ...

بالنسبة للراتب العالي ,, بكل صراحة مافي اي وظيفه من أول شهر او او سنه يكون راتبها عالي ! حتى في شركات النفط تبتدي خطوة خطوة وبعدها ترتفع ...

فيا اختي انتي احسبيها ومخمخيها صح ولا تظلمي نفسك وتظلمي خطيبك وانتوا صار لكم سنتين يعني اتوقع انه كلامه عن الانفصال يعني انه خايف عليك ويحبك ويعزك ...

شوفي واسألي عن التخصصات المرغوبة بالسوق وشوفي الضمانات وبنفس الوقت حافظي على علاقتك بخطيبك يعني لاقي لك حل وسط وربي يوفقك وييسر لك امرك ان شاء الله ,,,

السلام عليكم
حبيبتي انا من الأردن وبدي اقلك انه وضع الاقتصاد عنا متدهور
فش حد ملاقي شغل حتى الي معهم شهادات مش ملاقيين
فاذا اقنعت خطيبك واجا على الاردن رح تصير مشاكل ويقلك انه ما لقي الشغل الي بده اياه
فكري بالموضوع لانه البلد عنا هون متدمرة اقتصاديا
انا عندي 3 خوان ولا واحد فيهم بيشتغل
والله يوفقك