مشكلة خطيبي و الابتعاث ساعدوني يأست من حياتي

اختي بصراحة

انتي اكيد اكيد اكيد من زمان تدرين او على الاقل عندج فكرة الدراسة برع البحرين

يوم خطيبج الحالي خطبج ووافقتي .... اكيد بعد انتي بس فرحتي بهالخطبة و مافكرتي ابدا بموضوع الدراسة

وتوقعتي كل الامور سهالات وكلشي عادي



انه مع خطيبج !!!

موضوع انه يهد شغله ويروح يشتغل في مكان ابتعاثج ( الاردن ) .. يعني شي واضح ان انتي توج متفتحة عالدنيا وماتدرين شي عن الواقع !!! ... انتي مو رايحة امريكا ولا كندا عشان تتوقعين الفرص مفتوحة حقه ....

اصلا كان المفروض تشيلين فكرة السفر برع للدراسة من بالج .. ماتنفع لوحدة توها مخطوبة وبتتزوج

وبعثتج مو لدراسة ماجستير او دكتوراه نثول ممكون شوي تضحية من الطرفين


واذا خطيبج طيب معاج ويعاملج زين وتحبون بعض قعدي مكانج ودرسي في أي جامعة عندنا في البحرين وياكثرهم .. اكثر من عدد سكان البحرين


لا تقولين مستقبلي ما مستقبلي ... المستقبل نوعين ... مستقبل اكاديمي ومستقبل اجتماعي


لازم تضمنين لج واحد منهم عالاقل ... دراستج في الارد حلوة ومطلوبة و و و .... بتلقين شغل في البحرين ينطرج ؟؟؟
رواتب هالشغلة زينة ؟؟؟

اختي درست هندسة ديكور ... وكانت ثاني دفعة في البحرين تدرس عالتخصص ... ومعدلها مرتفع .... اكاهي قاعدة في البيت !!!

تخصص قليل وجوده في البحرين وكانت تتوقع ان بيكون له مستقبل خصوصا مع التطور في البحرين



انه تخصصي banking تتوقعين الشغلات اللي حصلتها في البنوك شنو كانت ؟؟؟ كيشر و كستمر سيرفس او sales فقط!!!



والحين اشتغل شغلة ابعد البعد عن تخصصي !!




خلج مع خطيبج ... ودرسي هني احسن لج ...

صلي صلاة استخاره

والخيره فيما اختاره الله

شوفي نفسك ووضعك وقناعتك وين

ولا وحده مننا ادرى بمصلحتك كثرك

وربي يوفقك

هلا حبيبتي انا انصحك اذا كنتي تحبين زوجك لا تتخلين عنه شو ما صار واما التخصص اتخلي عنه لانه ماشي حل الا كذا او انش تتخلين عن حبيبك بس احسه صعبة لا تندمين بعدين يالله من ترك شئ لله عوضة خيرا منه اتركي ه العباره كل يوم ع لسانك بتشوفي كيف تتغير فكرتش واتتخلصي من الهم الله يكون بعونك

اوكي مو مشكلة يعني لا يترك البلد و يظل هني
و بتفس الوقت انه ما بظل طول ٤ سنين في الاردن
كل ثلاث شهور راح ارجع و ماعتقد هذي مشكله
يعني هذي فرصة ماتتعوض لان توني بأول عمري

فديتني بحرينية ..;16557405:
اوكي مو مشكلة يعني لا يترك البلد و يظل هني
و بتفس الوقت انه ما بظل طول 4 سنين في الاردن
كل ثلاث شهور راح ارجع و ماعتقد هذي مشكله
يعني هذي فرصة ماتتعوض لان توني بأول عمري

اختي دامج مقتنعة وما في اذنج ماي

جربي لأن كلامنا لا جدم ولا أخر انتي مصرة وتبين دعم معنوي منا وجفتي ردود البحرينيات اللي من لحمج ودمج وعارفين الوضع بالضبط شنو وبعد ما اقتنعتي

احنا سوينا اللي علينا وقلنا لج ونصحناج

وفي الأخير هاي حياتج وقرارج

بس بقول لج آخر كلام وتذكريه ... الزواج / الخطبة =اثنين مع بعض ... حياتين يندمجون مع بعض لا الأول له الحق يلغي الثاني ولا الثاني له الحق يلغي الأول .. الزواج تفاهم شخصيتين يحاولون يتأقلمون مع بعض ويوصولن لحل وسط يرضي الطرفين ... مجرد ما تقدمين على خطوة الزواج تنسين كلمة انا وتفكرين احنا ... غير جذي مو طبيعي

طبعا تبقى لج استقلاليتج في امور وتبقى لج شخصيتج ويحق لج بحياة خاصة
بس في امور مصيرية تدمر / تنجح العلاقة وفي امور شخصية حياتية سواء أثرت بالسلب ولا الايجاب ولا ما لها أي تأثير هاي الامور ما لها انى دخل ان كنتي متزوجة او لا

هاي الكلمتين اللي قلتهم عقب خمس سنين بتذكرينه

الغالية أهل خطيبج مع حق
اذا اهل الاردن يطلعون للخليج وبرع الخليج عشان يدورون رزقهم الحين تبين ريلج يدور له فرصة احسن من بلاده
عزيزتي خطيبج عنده حق

اذا متمسكه برايج انا مثل رايه الانفصال الحل لانه مستحيل يخليج تروحين بروحج 4 سنين ومستحيل يروح وياج ويهد شغله وبلاده

راجعي نفسج والقرار الاول والاخير لج انتي
انا لا اوافق احدى الاخوات التي فسرت رفض الزوج كون تخصصك سيصبح افضل منه هذا احتمال بعيد ولكن الاقرب ان الوضع لن يطاق عليه ولن يتحمله رجل

صلي الاستخارة

بالتوفيق ان شاء الله في اي خيار تختارينه ,, بس معلووومة بسيطة احب اضيفها لك وهي عن موضوع كل 3 شهور تقدرين ترجعين ! مافي احد قدر يسويها تعرفين ليش ؟؟ السكن غالي ,, والتذكرة غالية وانا نفسي عندي من الاهل كم شخص درسوا بالاردن وحالتهم حالة واهلهم جمعيات وحالة عشان يالله يالله يمشون امورهم يعني مثل ما قالت اختي فلسطين الديرة غالية ! فما بالك كل 3 شهور تبغين ترجعين ؟؟ ماراح تقدرين لان قعدتك هناك افضل واوفر لك ماديا ,,,

حبيبتي احنا ماقلنا ارضي خطيبك على حساب مستقبلك و احلامك بالعكس احنا نقولك الدراسة مهمة وات تتخلين عنها مهما يكون لان الشهادة حتى لو ما اشتغلتي بعدها تعتبر سلااح للمرأة ومهم جدا و لكن تقدرين تحصلين على هالامر اذا فكرتي تمام وحسبتيها صح يعني مثل مانقول رخيص وقوي !

وربي يوفقك لما يحب ويرضى ان شاء الله ويحقق لك امانيك ,,,

التفاحة الجناوية;16558209:

بالتوفيق ان شاء الله في اي خيار تختارينه ,, بس معلووومة بسيطة احب اضيفها لك وهي عن موضوع كل 3 شهور تقدرين ترجعين ! مافي احد قدر يسويها تعرفين ليش ؟؟ السكن غالي ,, والتذكرة غالية وانا نفسي عندي من الاهل كم شخص درسوا بالاردن وحالتهم حالة واهلهم جمعيات وحالة عشان يالله يالله يمشون امورهم يعني مثل ما قالت اختي فلسطين الديرة غالية ! فما بالك كل 3 شهور تبغين ترجعين ؟؟ ماراح تقدرين لان قعدتك هناك افضل واوفر لك ماديا ,,,

حبيبتي احنا ماقلنا ارضي خطيبك على حساب مستقبلك و احلامك بالعكس احنا نقولك الدراسة مهمة وات تتخلين عنها مهما يكون لان الشهادة حتى لو ما اشتغلتي بعدها تعتبر سلااح للمرأة ومهم جدا و لكن تقدرين تحصلين على هالامر اذا فكرتي تمام وحسبتيها صح يعني مثل مانقول رخيص وقوي !

وربي يوفقك لما يحب ويرضى ان شاء الله ويحقق لك امانيك ,,,

شكرا حبيبتي على مرورج بس حبيت اقولج اني مبتعثة مو على حسابي
يعني حتى التذاكر مدفوعه و السكن مدفوع فما اعتقد في اي مشكله

لو امرأة تزوجت وقال لها زوجها سأسافر وكل ثلاثة شهور سأزورك مرة واحدة لن ترضى وكل الناس ستقف الى جانبها
فكيف تتوقعين ان رجل سيرضى لنفسه ان تكون زوجته ببلد اخر وهو ببلد ويلتقون كل ثلاثة اشهر
ومن كلامك واضح انك تعتبرين زوجك لن يتخلى عنك يعني ضامنة تمسكه بك لذالم تحملي هم لردة فعله او جوابه
وعلى الاكثر انك ستؤجلين الانجاب 4 سنوات على اساس انشغالك بالدراسة وكل منكما ببلد
للأن انتي لم تشعري بقيمة زوجك والسنتان من ارتباطكما ربما عملت فتورابمشاعرك
لااعرف لكن اعطي قرارك الاخير لزوجك وانظري ماذاسيقول
بأبتعاثك تكونين ابتعدتي عن كل اهلك وليس زوجك فقط
واللهجة مختلفة حتى لو كانت الدراسة باللغة الانكليزية
ومن سيحيطون بك هم طلاب مثلك وستتعلقين بهم اكثر وسيقل تعلقك بزوجك يوم بعد يوم هذاان وافق على هذاالوضع
سلامي

باركولي خطيبي حبيبي و اخيرا وافق و اقتنع بفكرة روحتي للدراسة
و قالي هذا مستقبلج و مابي احرمج منه و تلوميني طول عمري
اشكر كل من رد علي و ساعدني...... شكرا