تجربتي لوجه صافي وبشرة مشرقة بدون أي تكلفة أو مواد تجميلية

السلام عليكم أعضاء المنتدى الكرام
كل عام وانتم بخير بمناسبة حلول شهر رمضان المبارك
هادي اول مشاركة الي معاكم .. حبيت من خلالها اني أفيدكم من تجربتي

أنا , والحمدلله . قدرت بعناية مستمرة ومواد بسيطة اوصل لوجه مشرق وبشرة نضرة بشهادة الجميع
واللهي يا جماعة أنا بفيق من النوم , بغسل وجهي وبحط مرطب ( أنا بستخدم كريم ترطيب من نيفيا .. يلي لون علبتو زرقا )
وبحط حجابي وبطلع على جامعتي .. بدون أي كريمات تانية او مواد تجميل وولا حتى كريم شمس
ومع هيك ، بلاقي الكل بيسألني شو بتستعملي وبيستغربوا لما بقولهم انو ما بستعمل اي نوع بودرة او بلاشر
واليوم ، حبيت أنقل خبرتي البسيطة الكم وكل هدفي انو كل البنات يستفيدوا منها

الخطوات بسيطة وسهلة والمواد متوفرة بأي بيت

لـ الوجه : ماسك مكون من حليب بودرة ( وانا بستعمل نيدو) + ماء الورد
منخلطهم مه بعض لحد ما نحصل على خليط بكثافة معقولة .. حطي ع وجهك لمدة 15 دقيقة وبعدها قشري الماسك واغسلي الزائد بماء بارد . بعدين حطي بقطنة ماء ورد بارد وامسحي وجهك منيح .. واكيد بالنهاية كريم مرطب

بعد أي استخدام للمياه على الوجه ( تغسيل / وضوء / ... ) ما تنسي وما تتكاسلي تستخدمي كريم مرطب عشان بشرتك تضلها رطبة .

ضرروي تحافظي على نظافة بشرتك قبل النوم .. غسلي وجهك بالغسول الخاص يلي بتستخدمي ونشفيه منيح بمنشفة خاصة لوجهك . وبعدين كريم مرطب


ولابراز الرموش عليكي بـ الفازليــن .. حطي شوية على طرف اصبعك وافركيه بين اصابعك وبعدين حطي على الرموش متل الماسكرا .. وممكن تنضفي ريشة ماسكرا وتجففيها وتستخدميها
انا شخصيا بستعمل الفازلين لما اطلع بدل الماسكرا ... سدقوني بيعطي جمال رائع وطبيعي

لبياض الأسنان : ليمون + عسل + معجون الاسنان الخاص فيكي .. وبعد الانتهاء استخدمي غسول المضمضة لرائحة فم عطرة .

لجمال الشفايف : ليمون + عسل .. خليهم لمدة 30 دقيقة ع شفايفك وبعدين غسليهم ودهني شفايفك فازلين

مرا على مرا وبالاستمرار رح تلاحظي وجهك تغيّر ونوّر وصتي تستغني عن كتير مساحيق تجميلية

حبيت أنقللكم التجربة يلي استفدت عليها لـ وجهي , جربوها ورح تنبسطوا ع الجمال الطبيعي

دعواتكم