السلام عليكم و رحمة الله و بركاته
يمكن مستغربين من عنوان مشكلتي بس و الله هذا فعلا اللي محتاجتله
اقولكم السالفه من الاول :
قبل 3 سنين كنت قاعده مع صديقاتي نسولف و نضحك و فجأة وحدة فيهم خذت قلم و مسكت كف بنيه من البنات و خططت عليه و قالت يا فلانه انتي راح تتزوجين واحد اسمه فلان !!
طبعا احنا ماخذين الموضوع لعب و كل وحده مدت ايدها و عرفت اسم زوجها و ما كنا قاصدين شي غير الضحك
بس مع الوقت بنتين منهم انخطبوا و تزوجوا شباب بنفس الاسامي اللي طلعت بكفهم !!
المشكله الحين فيني انا
الاسم اللي مكتوب في كفي مو قادره انساه .. لدرجة اني مو متخيله اني اتزوج شخص اسمه مختلف عنه ، الله يعلم اني ماعرف اي شخص بالاسم هذا لكن بدون وعي مني تعلقت بشخص ما اعرف عنه غير اسمه و ماني عارفه اذا كان موجود اساسا ولا لأ !!
تكفون لا تعطوني احكام شرعية لاني عارفه شنو بتقولون لكن المشكله عندي صارت بعقلي مو بديني .. يعني حتى لو قلت اني غير مؤمنه بهالخرافات و انها حراااااام ، انا بعقلي و بنفسي مو قادره انسى الموضوع
يعني اذا خطبني شاب ممتاز لكن اسمه مختلف عن اللي انزرع في عقلي ما اعتقد اني بوافق عليه لان في داخلي عندي احساس انه مو نصيبي اللي انتظره
ساعدوني قولولي شلون اتخلص من هالعقده اللي ماكنت حاسبه حسابها ولا مفكره فيها اساسا .. محتاجه غسيل مخ ضروري
ساعدوني .. محتاجة غسيل مخ ضروري
M
14-11-2003 | 04:08 AM
ع
14-11-2003 | 04:23 AM
السلام عليكم ورحمة الله وبركاته
اختي اشرتي في معرض حديثك انك تعرفين ان هالشي حرام شرعاً
وايضاً تعرفين قرائه الكف شي غير صحيح ولايعلم الغيب الا الله...اذاً
ما يحتاجلك غسيل مخ لانك ما شاء الله مخك نضيف وعاقله وفاهمه كما يبدو في مشاركتك
بقي شيء واحد وهو
الاقتناع
بالعقل وبتالي اقناع النفس
تقديري لك اختي
Missb
لك الـــــــف تحيه
اخوك
اختي اشرتي في معرض حديثك انك تعرفين ان هالشي حرام شرعاً
وايضاً تعرفين قرائه الكف شي غير صحيح ولايعلم الغيب الا الله...اذاً
ما يحتاجلك غسيل مخ لانك ما شاء الله مخك نضيف وعاقله وفاهمه كما يبدو في مشاركتك
بقي شيء واحد وهو
الاقتناع
بالعقل وبتالي اقناع النفس
تقديري لك اختي
Missb
لك الـــــــف تحيه
اخوك
س
14-11-2003 | 04:34 AM
انتي ما عليكي من الاسم .. انتي عليكي من الشاب
اذا كانت اخلاقه عاليه عادي ليش ترفضينه علشان اسم الله اعلم هو صحيح ولا لا
وبعدين ما تدرين يمكن يجي يوم من الايام ويتقدم لك شخص بنفس الاسم
وبصراحه انا انصحك تنسيه بتاتا
وما تفكري فيه
لانك انتي اللي بتتعبي في الاخير
ونصيبك ما ردك بتاخذيه
واسفه على الاطاله
تحياتي
سحابة صيف عابره
اذا كانت اخلاقه عاليه عادي ليش ترفضينه علشان اسم الله اعلم هو صحيح ولا لا
وبعدين ما تدرين يمكن يجي يوم من الايام ويتقدم لك شخص بنفس الاسم
وبصراحه انا انصحك تنسيه بتاتا
وما تفكري فيه
لانك انتي اللي بتتعبي في الاخير
ونصيبك ما ردك بتاخذيه
واسفه على الاطاله
تحياتي
سحابة صيف عابره
ب
14-11-2003 | 04:49 AM
بصراحه حبوبه مثل ماقلتي أن هذي خرافات تصدقين أني أعرف وحده بنفس الكلام اللي كاتبته تفكر وإنهاورفضت ناااااااااس كثير وشباب ونعم فيهم بس لأنها تبي أسم معين وليما اللحين ماجا لها واحد بالأسم اللي حاطته ببالها والسبب الثاني لأن والدها رافض يزوجها قبل أختها الكبيره يعني سبب يفرق عن سبب بس ولو فيه جزء من اللي كاتبته أني أنا أقولك بس أتركي عنك هذي السوالف بتتعبين من التفكير وصدقيني أنشاء الله بيجي لك يوم وراح تضحكين من كلامك وأنك تعلقتي بالأسم بس أرجوا من الله أن مايخيب ضنك يوفق لك وتنالين مرادك ياااااااااا رب العالمين
قولي أمــــــــــــيــــــــــــن
قولي أمــــــــــــيــــــــــــن
ن
14-11-2003 | 05:24 AM
حبيبتي .. انت ذكرتيني بوقف مشابه لموقفك .. ايام المدارس جتنا وحدة من زميلاتنا قالت انها بتكر الكف لنا .. ونحن كنا قاعدين نضحك ونسولف في الموضوع هذا وما كان قصدنا ان نصدق بس انا كتبتلي اسم زوجي والسنة الي بتزوج فيها .. والحين تذكرت اليكتبتلي اياه .. والصراحة هو اسم زوجي والسنة الي تزوجت فيها .. بس بعد انا اقول يمكن صدفة لأن اسم زوجي اسم منتشر وايد في بلدنا والسنة الي تزوجت فيها كان عمري في عمر اغلب البنات الي يتزوجون .. بس انصحك لا تعيشين على امل هالخرافات واذا صديقاتك تزوجو من رجال نف الي قالتلكم اياه حطي في بالك انها صدفة ..
&
14-11-2003 | 05:33 AM
السلام عليكم ورحمة الله وبركاته
كذب المنجمون ولو صدقوا
كذب المنجمون ولو صدقوا
آ
14-11-2003 | 08:03 AM
ما كنت بقول لك غير الي قالته اختي مزيونة دبي ..
كذب المنجمون ولو صدقوا
وكل الي صار صدفه ..
بس انتِ مثل ما قال الأخ بدر نجد ..
أولاً وأخيراً يبي لك تقتنعين .. وتدريجياً تحاولين تشيلين الشئ من راسك ..
وإن شاء الله مع الأيام .. تتغلبين على هاجس الاسم ..
كذب المنجمون ولو صدقوا
وكل الي صار صدفه ..
بس انتِ مثل ما قال الأخ بدر نجد ..
أولاً وأخيراً يبي لك تقتنعين .. وتدريجياً تحاولين تشيلين الشئ من راسك ..
وإن شاء الله مع الأيام .. تتغلبين على هاجس الاسم ..
م
14-11-2003 | 01:26 PM
أختي العزيزة...
على فكرة موضوعك اللي تكلمتي عنه منتشر جدا...و أنا مرة واحدة صديقتي عملت معايا نفس الشيء....و كنا اتنين...و قالت لنا اسامي أزواجنا...
صديقتي طلع معاها صح...و اسم زوجها محمد و هو اسم منتشر طبعا...و أنا طلع معايا غلط.....و لما تقدملي زوجي اتذكرت و قعدت أضحك...لأنه اسم يبتعد كل البعد عن اسم زوجي...و أنا الآن و الحمد لله متزوجة من 4 شهور....
لذلك....يجب أن تقنعي نفسك بأن هذا الشيء غلط...طيب افرضي أنا عملت زيك و رفضت زوجي الحالي علشان أنا بانتظار الشخصية الوهمية تأتي...كنت أعيش كل عمري أنتظر ؟ نصيبي جاء و أنا رفضته...إذا سأنتظر إلى آخر العمر....
عموما...لو جاء لك نصيبك أختي مستحيل ترفضيه حتى لو كان مش نفس الإسم...لأنه نصيبك اللي الله كاتبه لك...و وقتها لن تتذكري صديقتك و لن تتذكري الإسم اللي قالت لك عليه....
و تذكري أن مجرد إيمانك بهذا الشيء يجعلك تأخذي ذنوب عليه...و الإنسان يبحث عن الحسنات و ليس السيئات....
تحياتي لك....
M
15-11-2003 | 12:14 AM
تسلمون يارب على ردودكم و الله ان كل كلامكم عدل و معاكم حق لكن مثل ما انتو شايفين مو بس انا بالحاله هذي .. ما كنت عارفه ان الموضوع منتشر جذي
مرموم الصراحه كلامج طمني لان فعلا اذا يه النصيب محد يقدر يقول لأ لكن وايد حالات صارت مثل ما طلع بالكف و البنات الله يعطيهم العافيه قالولنا عن تجاربهم مع الموضوع و ما قصروا
تتوقعون يعني الاسم اللي طلع بكفي صحيح ؟ الله العالم سبحانه
اقولكم شي و ما تضحكون علي ؟
و الله اني اذا سمعت هالاسم احس قلبي يفز و كأنهم فعلا يتكلمون عن الشخص اللي انتظره !!
مرموم الصراحه كلامج طمني لان فعلا اذا يه النصيب محد يقدر يقول لأ لكن وايد حالات صارت مثل ما طلع بالكف و البنات الله يعطيهم العافيه قالولنا عن تجاربهم مع الموضوع و ما قصروا
تتوقعون يعني الاسم اللي طلع بكفي صحيح ؟ الله العالم سبحانه
اقولكم شي و ما تضحكون علي ؟
و الله اني اذا سمعت هالاسم احس قلبي يفز و كأنهم فعلا يتكلمون عن الشخص اللي انتظره !!
ا
15-11-2003 | 12:44 AM
السلام عليكم ورحمة الله وبركاته
عزيزتي..مابزيد شي عن الي قالوه لك الاخوات..ماقصرن معك..
بس ذكرتيني بسالفتي..
انا بعد زمان وحده جلست تخطط بيدي وطلعت لي اسم..واذكر اني في البدايه تاثرت خصوصا ان الاسم كان غريب ومااعرف احد بهالاسم..
بس بعدين الحمدلله نسيت..بس الغريب ان زوجي الي تزوجته كان يكنى بنفس الاسم الي قالته لي البنت والحين مسميه ابني بهالاسم..وكل مااذكر السالفه اضحك :)
يعني السالفه بسيطه باذن الله وحاولي تقنعي نفسك بان هالشي غلط ولا تتمسكين باوهام وخرافات..
اتمنى اكون افدتك..
اختكم:
العصفور المهاجر
عزيزتي..مابزيد شي عن الي قالوه لك الاخوات..ماقصرن معك..
بس ذكرتيني بسالفتي..
انا بعد زمان وحده جلست تخطط بيدي وطلعت لي اسم..واذكر اني في البدايه تاثرت خصوصا ان الاسم كان غريب ومااعرف احد بهالاسم..
بس بعدين الحمدلله نسيت..بس الغريب ان زوجي الي تزوجته كان يكنى بنفس الاسم الي قالته لي البنت والحين مسميه ابني بهالاسم..وكل مااذكر السالفه اضحك :)
يعني السالفه بسيطه باذن الله وحاولي تقنعي نفسك بان هالشي غلط ولا تتمسكين باوهام وخرافات..
اتمنى اكون افدتك..
اختكم:
العصفور المهاجر
غ
15-11-2003 | 07:23 AM
انته يوم بيجيكي نصيبك استخيري
ارتحتي كان بها ما ارتحتي خلاص
وبعدين يا عمري فكري شوي
فلنفرض انه الاسم اللي طلع لك عبد الله زين
وجاك واحد يخطبك اسمه عبدالله
انتي اشدراكي انه عبد الله هذا هو نفسة اللي مكتوب اسمه في كفك!!!
يعني يمكن يكون عبد الله اللي اسمه مكتوب في كفك يجي يخطبك بعد اسبوع ولا شهر
صح ولا لا
والناس مو باساميها يا عمري
ارتحتي كان بها ما ارتحتي خلاص
وبعدين يا عمري فكري شوي
فلنفرض انه الاسم اللي طلع لك عبد الله زين
وجاك واحد يخطبك اسمه عبدالله
انتي اشدراكي انه عبد الله هذا هو نفسة اللي مكتوب اسمه في كفك!!!
يعني يمكن يكون عبد الله اللي اسمه مكتوب في كفك يجي يخطبك بعد اسبوع ولا شهر
صح ولا لا
والناس مو باساميها يا عمري
م
15-11-2003 | 09:33 PM
هلا اختي ...
حبيبتي السالفه ماتحتاج لاغسيل مخ ولا شيء
بس البنت لما قالت لك ...
تخزن عندك هالكلام بالعقل اللاواعي .. لذلك صار قناعه من قناعاتك..
بس لاتحاتين ولاتشيلين هم..
انتي بس حطي في بالك كلما تقدم لك احد..
ان ربي راح يسهل لك بعد ماتستخيرين,,,
وشوي شوي راح تشيلين هالفكره من راسك..:)
والله يوفقك ياااااارب
:shy:
حبيبتي السالفه ماتحتاج لاغسيل مخ ولا شيء
بس البنت لما قالت لك ...
تخزن عندك هالكلام بالعقل اللاواعي .. لذلك صار قناعه من قناعاتك..
بس لاتحاتين ولاتشيلين هم..
انتي بس حطي في بالك كلما تقدم لك احد..
ان ربي راح يسهل لك بعد ماتستخيرين,,,
وشوي شوي راح تشيلين هالفكره من راسك..:)
والله يوفقك ياااااارب
:shy:
C
16-11-2003 | 03:11 AM
:eek2::s2
ن
16-11-2003 | 03:34 AM
شوفي حبيبتي هذي ماهي مشكلة ان كان لك نصيب تتزوجين بفلان ولا غيرة بتتزوجين غصب عنك .. ما تقدرين تردين قضاء الله وقدرة .. ضلي ارفضي طوابير العرسان الي يجولك لين ما يجيكي فلان .. اظن اختي انتي في سن المراهقة .. وسن المراهقة فيه البنت تتعلق بأي انسان بسهوله..
M
17-11-2003 | 09:03 PM
تسلمون على مساعدتكم الصراحة ما قصرتوا و معاكم حق كل شي قضاء و قدر و ماقدر اتحكم فيه
كلامج صحيح و مقنع اختي غرنوجه
نسايم الخجل انا مو بسن المراهقه .. عمري 20و لو ما اني بهالعمر جان ما فكرت بالموضوع اساسا
المشكله اني ابي انسى الموضوع او اتجاهله بس مو قادرة
كلامج صحيح و مقنع اختي غرنوجه
نسايم الخجل انا مو بسن المراهقه .. عمري 20و لو ما اني بهالعمر جان ما فكرت بالموضوع اساسا
المشكله اني ابي انسى الموضوع او اتجاهله بس مو قادرة
*
18-11-2003 | 04:43 PM
تدرين حبيبتي انو انا كمان من زمان قد صارلي مثلك
وتدريييين اني انا الان متزوجه منش خص مختلف كليا عن اللي
توقعوه لي والله العظيييييم
يعني انتي انسي اللي قيل لك لانها مجرد خزعبلات
وثاني شي شيلي هافكرة من راسك لانها والله راح تتعبك
حييييييل وتوكلي على الله سبحانه وما عليك من هالخرابييط
وتدريييين اني انا الان متزوجه منش خص مختلف كليا عن اللي
توقعوه لي والله العظيييييم
يعني انتي انسي اللي قيل لك لانها مجرد خزعبلات
وثاني شي شيلي هافكرة من راسك لانها والله راح تتعبك
حييييييل وتوكلي على الله سبحانه وما عليك من هالخرابييط
M
20-11-2003 | 01:43 AM
انتو شفتوا تجارب البنات و شلون تحققت صح ولا لأ ؟ و اللي زاد الطين بله ان في شخص تقدملي اسمه مختلف تمااااامااااا وقلت خلاص بتوكل على رب العالمين و حياهم الله لكن الاخ بعد ماعرف عمري الظاهر غير رايه و يبي وحده اكبر
يعني شسوي ؟ مليت و انا انطر .. استغفر الله
م
21-11-2003 | 12:10 PM
أختي Miss.B...
إنت لسة صغيـــــــــــــــــــــــــــــــرة.....ليش تنتظري من الحين ؟؟؟؟؟
يعني الواحد حياته مقسمة مراحل ....الطفولة...المدرسة...الجامعة...الوظيفة...الزواج ثم الأطفال....
و صدقيني...لو واحدة من هذه المراحل جاءت قبل الثانية فقد فات عليك الكثير...استمتعي بكل لحظة في حياتك و امشي مراحلها بالتدريج...الحياه نعيشها مرة واحدة...و أهم شيء تكوني في طاعة الله تبارك و تعالى حتى ينير لك طريقك...
هوني عليك و ركزي الآن في دراستك و عيشي وقتك...و ابحثي عن وظيفة تحتكي بها في المجتمع و تتعاملي معه عن قرب...و الزواج سيأتي سيأتي إن شاء الله...
وفقك الله...
M
22-08-2004 | 10:53 AM
مرت ســـنه من كتبت هالموضوع و مازال البحث مستمرا :cool2:
صرت ايجابيه من ناحية الخطبه و كل ما تقدملي احد اقول حياه الله .. بس ما يصير شي بعدها و الحمدلله ان ما يصير شي احسن من اني اتورط بزواج غير موفق
الشي الغريب بالموضوع ان الاسم اللي طلعلي مع انه قديم و نادر بوقتنا الحالي هو نفسه اسم .. اخو زوجة اخوي :eek2:
لي الحين مو متزوج و اذا تزوج بذبحه هههههههههه :D2
الصراحه عمري ما شفته ولا شافني و قبل فتره سمعت انهم يدورون له عروس لكن السالفه هدت و بعدين سمعت اخته تقول انه مل من البحث و أجل الفكرة :up: