أستفسااار مهم جدا بنسبه لي ..

تتاوي;16539556:
بصراحة ماعرف ولا سمعت بهالشي
بس اعتقد طالما تجيلك هالكتلة وتنحل مشكلتها مافي خطر
بس اكيد لازم تتأكدي من الدكاترة شوفي اكثر من دكتور وان شاء الله تتطمني

هـايدي;16539611:
الله يشفيك من كل مرض ويبعد عنك الأمراض ويديم عليك الصحه والعافيه


صلي استخاره وادعي ربك وتوكلي عليه
فإنه لا يعلم الغيب إلا الله

هـايدي;16541890:
حلا الأمل
اعرف وحده من بعد وحده من ولاداتها صار معها التهاب وجروح بالثدي
وصارت بعد كل ولاده ورضاعه ترجعلها الحاله

اعتقد ان هالشي عين يمكن حد شافكم وأنتو ترضعون
هذا والعلم عند الله
الأفضل انك تقرئ على نفسك الرقيه الشرعية وفي ماي وتغسلين نفسك وصدرك به
وبعد اذا حملتي ان شاء الله ضلي اقري البقره من قبل ولادتك بشهرين كل يوم لانك بعد ماتولدي راح تكوني في النفاس وماراح تقدري تقري قرآن

التفاحة الجناوية;16542522:

اختي الحبيبة ,,,

سؤالي هل احد من الاهل صارت عنده هالحالة ؟؟ ممكن تكون حالة وراثية لا اكثر والسبب ان مشكلتك تصير لك بكل مرة بعد الولادة وبالتحديد 20 يوم ...

اذا كنتي مرضعه اذن لا تخافي اكثر الحالات تكون انسداد بأحد الانابيب والتهابها وهالشي يسبب الحالة اللي عندك ويضطروا انه يعطوك مضادات او يسحبوها او يسحبوا المادة المتجمعه بإبرة وهي عملية بسيطة جدا وحالات قليلة جدا جدا جدا اللي تكون حالتهم مرض خبيث الله يبعده عن الجميع ان شاء الله ...

عن نفسي صارت لي حالة غريبة ممكن مقاربة لحالتك بشكل عام وهو ان بيوم وانا ارضع بنتي وبشكل مفاجئ حسيت بحكة غرييبة عجيبة وتعالي شوفي شنو صار فيني ياختي هههههه!! المنطقه صارت كلها كرات غريبة واحساس غريب وملتهب المكان وباليوم الثاني اصبح كل المكاان ملتهب ! طبعا انا بس احك واطنش واما باليوم الثالث اشوف الحالة انتقلت للمنطقه الاخرى وصارت المنطقه كانها صحراء !! عاد هني خفت واستشرت احد المتخصصات وقالت لي دام انه عندك حالة للمرض بعائلتك لازم فحص للتطمن لا اكثر ولما كشفت عند الدكتورة ضحكت علي وقالت لي يبان من جسمك حساس جدا وهالالتهاب يبين عليه حساسية قوية من لدغه او عضه من بنتك او حتى ظفرها وفعلا انا عندي هالحالة بس ماتوقعت تجي بهالمكان !

فيا حبيبتي اللي ربك كاتبه بيصير حتى لو ما حملتي وجبتي الكتاكيت اللي بخاطرك يكونوا حولك راح يجري عليك النصيب والقدر فلا تقدمي الشر على الخير بل العكس ... و شوفي شنو الاشيا اللي سويتيها بعد ولاداتك وادت لهالموضوع فمثلا ممكن تكون قلة الارضاع او ان الثدي يمتلئ بالحليب وانتي ما تسحبيه لحتى ما يتجمع او المنطقه رطبة او طفلك ممكن يعاني من التهابات معينه ؟؟ ...

وربي يعطيك ويرضيك بالدنيا والآخره ويحميك من كل شر ياارب

ماذا اقول;16542557:

شوفي عزيزتي لو لا سمح الله في عندك شي كان الأطباء خبروكِ

أنا حصلي عدة مرات في فترة الرضاع
ولدرجة انه الطبيب المتخصص طلب عمل مزرعة
لكن بما انه زوجي دكتور رفض الفكرة

واخذت كورس انتي بيوتيك (مضاد حيوي ) والحمد لله اني ما رديت عليهم