رايكم

أميرة

STOP

كل يوم شكوى .. كل يوم قضية ... كل شي عتدج مسألة حياة او موت

جد يعني ... انتي مو ملاحظة روحج؟؟؟

على كل شي تشتكين وتتذمرين .. ما قط فكرتي تحمدين ربج انه عندج ام وابو مهتمين فيج وللحين يحاولون وياج يعالجونج ويساعدونج تصيرين احسن

لو اهلج مثل ما تجوفينهم وتوصيفنهم انجان ما ودج للدكتور وقالوا ما فيها شي او تجاهلوا الموضوع وقالوا تتدلع

في البداية تعاطفت معاج لما قلتي كنتي تراجعين دكتور نفسي بس مع الايام اكتشفت انج اصلا ما تبين التغيير

قلت لج اقري كلام الله ولا حياة لمن تنادي قلت لج اقري كتاب تحسين الذات ونفس الشي ما جفت الا التطنيش

تبين كل يوم تفتحين جرح يديد وهات يا شكوى

حفظنا كل مشاكلج ( المزعومة )

امج والفلوس

النحف والرياضة

اللبس والمكياج

الدراسة

خواتج

ليش الناس يقولون عن فلانة ( ضعيفة .. حلوة .. تسريحتها حلوة .... مسوية تان ... الخ ) وانا لا

كلها مواضيع سطحية


لو كنتي مراهقة عمرج 14 - 15 سنة بقول معليه .. في هالعمر معظم البنات يحسون ان العالم ضدهم وامهم قاسية وما تحبهم بس انتي تخطيتي هالمرحلة العمرية من زمان والمفروض تكونين واعية

حابسة روحج في مكان مظلم مو راضية تجوفين شي زين ومسوية من كل حبة قبة ... معقولة ما تجوفين اللي حوالينج شلون عايشين؟؟!!!!!!!!! بتقولين لي المواقف اللي تتعرضين لها محد يتعرض لها .... مستحيييييييل مواقف يومية الواحد ما يفكر فيها ويتعب نفسخ جزء من الثانية

أدري انه كلامي جدا قاسي ويمكن البنات بيلوموني ويقوولن يا تقولين شي زين يا تستكتين

بس آسفة أنا بعد انسانة وبعبر عن رايي كل يوم ادش المنتدى هني واجوف وحدة ما عندها غير التذمر لغرض التذمر لا أكثر

لاحظتي انه مواضيعج محد صار يعلق عليها نفس قبل؟؟ فكرتي ليش

حذرتج وحذرتج من ابتعاد الناس كذا مرة

في جهات تقدر تساعدج بالطريقة الصحيحة اذا حابة

شخصيا هاي آخر مرة أدلو بدلوي و اعلن انسحابي من هالوضع