الله يخليكم

السلام عليكم ورحمة الله وبركاته

ابي اعرف اخوي مظلوم ولا ظالم وهذي القصة:

اخوي خطب من شهرين وكانت الخطبة تقليدية يعني ما كان يعرفها ولا تعرفها قبل الخطوبة. هو طبعه خجول جدا وبعد طيب وخلوق جدا ما كان عنده اي تجارب مع بنات قبل ما يخطب يعني كان واجد يستحي من خطيبته بس كان يحبها بعد اسبوعين أو ثلاثة إتحججت إن ماعنده غرفة خاصة فيه مع إنها عندها غرفة خاصة فيها في بيت اهلها المهم المسكين بنا له غرفة علشان بس يرضيها ما قامت إتجي البيت ولا ترضى إروح لها. البيت واخوي راحوا لها إيشوفون شنو السالفة ويصلحون الحال قامت إصارخ وتقول ما ابغيه وإنها بتعيش معاه جسد من غير روح .يمكن إنه خجول هذا عيبه فيه ولازم يتغلب على هذا العيب بس إهي وين راح دورها ليش ما حاولت إنها إتغير فيه يمكن إتقولون إنها حاولت تعتقدون إن ثلاثة اسابيع كافية إنها إتعدله فيها و مااعتقد إن هذا عيب واجد كبير في ناس يتزوجون ناس ما عندهم أخلاق ويصبرون عليهم وغيرونهم هي ماتقدر تصبر عليه أكثر و إذا ما إتغير يكون لها الحق لو إنفصلت وحتى لو ما إرتاحت له ما تقدر تتفاهم معاه على الإنفصال بدل ما تجرحه قدام أهلي و أهلها. شنوا الحل في رأيكم.