زوجي بيموتني وانا لسا عروس

أريد حلاً;16530349:
السلام عليكم


عمري 22 ولسا متزوجة من كم اسبوع خطبتي طولت كتير 3 سنين
زوجي من النوع الي يحب يعرف كل شي يعني احكي مع امو يحب يعرف كل كلمة وكل حرف انا ما بقلو ولا بقلو اسألها هي بتقلو بكل تفصي عرفت انو متعود على هيك بس بردو ما بحكيلو شي
ولما احكي مع اخواتو ولا اهلي ولا صديقاتي يحب يعرف كل صغيرة وكبيرة لما اخبي يقلي انتي ما بتفتحيلي قلبك ولا طايقة تتناقشي معي
وهو بيحكيلي بس الي بدو وانا بسمع وبتعاطف معاه وبقف جنبو في وقت الازمات لدرجة اني بشيل الهم حتى امرض وهو يصد عني لما اكون معصبة
في وقت الدورة الشهرية احس كاني في وحم ما وانا في بيت اهلي لا اكل ولا شرب ووجع طول 7 ايام كاني بموت وعصبية كتير كتير هو ما بيتفهم ولا بيقدر
نرجع لموضوع الحكي كان احنا مقيمين في الغربة ومفتاح بيتي الي في البلد عند اهلو طلب من اختو تبعت لي ورقة ضرورية موجودة في بيتي نسيتها مشان اسجل اكمل دراسة هون
هي راحت البيت واخدت الورقة وما بعتتها قال شو انا احترت من اي صندوق ابعتها هاد ولا هاد ومسكتها لحد ما خلص وقت التسجيل
وكنت بحكي مع زوجي ومخبية غضبي وهو عارفني معصبة قالي شوفي وبدا يصر علي لحد ما قلتلو بحس انو اختك ما بتحبي من الي عملتو واختو هي يحبها اكتر من اي شي في الدنيا حتى اكتر مني حسيت انو الشرار بيطلع من عيونو شوي ويضرني قلي هي الغالية
مع اني ماكنت احكيلو لما بتصل عليها وتسكر السماعة في وجهي ولا مرات لما ترد وتلاقيني انا تقلي بتصل عليكي بعدين انا مشغولة وما تتصل وقتها كان لما يسألني انتي تحكي مع اختي بقلو مش كتير هي بتكون مشغولة بيفكرني اني انا الي ما بحب احكي معاها
وهلا نسيت الموضوع هو لسا متذكر من موقف صار لي اليوم سلفتي اجت عندي وبلشت تحكي عن زوجي وشغلو وانو بيسافر كل يومين وانا بضل في البيت وانا عروس قال لي انها في اول سنة زواج زوجها ما فارقها وحكي كتير بلا طعمة
طيب انا ما رديت ولا حكيتلو وهو كالعادة بيسأل قلتلو عادي حبابة وانا وياها متفاهمين
قلي ايه هي كويسة وبدا يعد ويمدح وما سكت قلت ايه بس مبين انها مش من نفس قلي مالك قلت ولا شي شوي اصر اصر قلت لو كل الي حكت لي ياه
في الاول غضب وقلي ليش تدخل لازم تتعلم تخرص وانتي وقفيها عند حدها
شوي سكت وقلي تتذكري لما اشتكيتيلي اختي
انا حسيت انها رسالة يعني انتي الي دايما تعملي مشاكل مع الناس
انا قلتو بتعرف لا تسألني ولا أسألك وما تجيب لي طاري مرت اخوك ابدا وخلي حكي النسوان بعيد عليك قلي كيف قلت بس هيك كمان ضل مصر قلت اما تسكر الموضوع او اطلع انام في الصالة
سكت شي وقلي بتعرفي صاحبي مرتو عملت موقف كذا كذا هاد شو بتسميه استحقار لزوجها او قلت تربية منها
انا عرفت الحكي علي
قلت والله العيب منو منها من زوجهي الي ما بيقدر لما تكون المرأة في حالة نفسية مش كويسة ولخبطت الهرمونات ما بتشوف انو صار لي كذا يوم ما اكلت ولا لقمة ولا لي خاطر لاحد
قلي اه خلاص ونام

طيب مش عارفة اذا هي فترة الحيض عندي الي عملت المشكلة ولا هو بس انا في هالفترة والله ما بطيق حالي ولا بقدر اتحملو وهو يتغابى وينرفزني
سؤال كيف اخليه ينسى موضوع اختو مع اني شايفة انو الغلط مو مني بس هو ما بينسى وحط الحق علي
انا عاهدت نفسي ماعاد احكيلو شي حتى لو يقطعني تقطيع من الي عملو فيي
والله مش عارفة ليش هو بي يحبني حي الجسد ولما يصير موقف يقلب علي
هي اختو عندها زوجها يدافع عليها وكمان هو يدافع عليها طيب وانا:'(:(
مرت اخوه كمان ليش يدافع عليها ووفي مواقف اكتر واكبر من الي قلت ليييييييييش شو بتقربو ليش هو دايما ضدي
بس وقت يحتاجني يركض علي ويلاقيني ولما يخلص حاجتو بيصد عني
والله دايما ابكي لحظي الطايح ليش هيك مع انو مش تزوجنا بين يوم وليلة النا سنين قبل الزواج مخطوبين والله قهرنييييييييييييي والطامة الكبرى انو ما بينسى حتى لو انا غيرت الشي الي ما عجبو يرجع يذكرو مرة تانية وهالشي بيحطمني
والله مش قادرة اسكت من البكا بحس حالي وحيدة وانا في غربة تركت اهلي واحبابي وجيت عندو يبهدل فيي والتانيات يضحكو ويتشمتو