<< تجهيزات عرائس ' مملكة البحرين ' لشهر شعبــان ورمضــان 1434- 2013م / الجزء : 101»

بيتها فالرفاع الغربي اختي .. وبالنسبة تروح بيوت او فنادق مادري والله

بسألكم

في احد منكم متعامل مع ( دي جي وناسة ) من قبل ؟؟

ابي اعرف اهيا من النوع اللي توهق ولا اوكي ؟؟

انه رايحة لها حفلة من قبل وكأغاني و الصوت وكلشي بالنسبة لي كان اوكي

بس ابي اعرف عن مواعيدها وهالاشيا :slaugh:


انزين وذكروني شنو شروط اتشرط عليها :DwYfv:

طبعا اغنية الزفة
مابعد الزفة
اغنية الشبكة و الدبل


بقول لها لا تحطين سامري :363WX:
ولا تحطين معلاية :KjYHa:
ومابي اغاني طق طيران جنهم زيران ... او تحط الاغنية الاصلية او مال جلسات وناسة فقط :thinking:
وطبعا سلطانيز لازم يحضر الحفلة :r67Iw: حق الدساميل


بعد شنو اشيا وولا شروط انه ناسيتها :hmm:

شرقي مو مشكلة .. عراقي مو مشكلة :015:... خليجي طبعا و هالاشية اوكي :099:

حتى اول اغنية تبتدي فيها الحفلة محددتها على كيفي :laugh:
يحتاي اقول لها ولا تفهم بروحها ان نهاية الحفلة ابيها تينن الناس وتخلي اليني اللي فيهم يطلع :DwYfv:...
ديجي ليلى كانت عارفة لنا نهاية الحفلة تخلي حتى العروس ترقص twist :DwYfv:
بس تعاملنا مع ديجي ثانيه كانت شوي مملة


شكلي باتشرط عليها على اغاني الينون احسن :DwYfv:ربعي فيهم كبت:slaugh:

ونسيت اسأل... ديجي أنور .. ماعرف أنوار ... ولا يمكن بس على السماعات مكتوب هلون مادري والله :laugh:

البنية اسمها فاطمة اهيا بوية


تعرفون شلون اسعارها ؟؟

بصراحة اخاف اتصل لها :RKpkk:

انزين ليش هلون موفن :HIC5a:

الموضوع صار بس اساله واجوبة ... وبعدين طنق محد يتحجى لين احد يسأل سؤال غير :01:

يلا كل وحدة تقول ... اللي بتنخطب ولا بتعرس ....

جم عمرج حاليا :NJcCo:
وشنو شعورج انج بتنخطبين ولا بتعرسين :cryi:




واي تعالو قولو لي ... شلون اقنع الصبي ان يقعد يعيش في بيتنا عقب العرس :scared:
يعني بيتنا مافيه احد..خواتي كلهم معرسات... محد في البيت الا انا وامي وابوي الله يخليهم


لازم نقعد لهم ونيس في البيت لا :DwYfv:


وبعد شلون افتح الموضوع مع بيتنا احس استحي شوي :DwYfv:

ههههههههههههه ضحكتيني والله هولية حاسه فيج المووضوع مهجوووور شوي وبس بيطلعون الينانوه أغلب البنات الي كانو موجودين انخطبو وعرسو وراحو في سبيلهم أيام حلوة صراحه قصيناها في التجهيز والاأسئلة والمحاتاه نتمنى البنات يردون يكتبون ياناس كلووورة وينهي وحشتني جد

عن نفسي هع هع ناطه بالغلط ..

انا ام لولدين ههه حمادي وزينب .. بس لما انخطبت كان عمري 19 وحاليا عمري 22 ..

انا الوحيده عند امي وابوي وزوجي اقتنع بسرعه انه نعيش معاهم لانه يحتاجوناا فعلاا انه ابوي يعطيه العافيه مايسوق وغيرره عساس جذي بسرعه اقتنع والامور بروحها تيسرت ماحسيت في شيء صعب الحمدلله

هولية كيوت;16533425:
سعرها مناسب في حدود جم تقصدين ؟؟؟

انه مو من ربع العبايات بس اجوف ربعي يفصلون وخواتي في محلات بالمحرق محل اسمه نواب .... مجابل هوازن في سوق محرق .. و محل اسمه هزار .. صوب سوق الذهب في المحرق .... هاذلين عبيهم في حدود 20 و 40 دينار ..كان زمان مرتب بس عباياته عادية يعني ما يبتكر فيهم وايد


في محل اسرار سمر ... بعد بالمحرق المصممة بحرينية وتصميماتها حلوة وراقية ... محلها في شقة بالمحرق ورا مدرسة الاستقلال

عبيها عندها البسيطين كلش ب 30 و 40 ..... وعندها الكشخة 60 وطالع ... بس عبيها جدا راقيين



في محل في المحرق بعد قي شارع عيادة حسن حااجي وروضة الوفاء .... محل اسمه عروس البادية .... بصراحة ماعرف اشكال عبيها بس نعرف راعية المحل تقول انها تييب تصاميم من السعودية وتسوي مثلهم باسعار اقل


وفي الرفاع ماعندي علم عن محلاتهم :NJcCo: ... بس اتذكر مع رفيجتي كانت تروح محل ورا شارع بوكوارة مجابل محل الحلويات ميري:cook:

هلا اختي مشكورة بجيك المحرق

@eman@;16540625:
ههههههههههههه ضحكتيني والله هولية حاسه فيج المووضوع مهجوووور شوي وبس بيطلعون الينانوه أغلب البنات الي كانو موجودين انخطبو وعرسو وراحو في سبيلهم أيام حلوة صراحه قصيناها في التجهيز والاأسئلة والمحاتاه نتمنى البنات يردون يكتبون ياناس كلووورة وينهي وحشتني جد

هههههههههه والعرايس اليداد شكلهم مالهم بارض هذرة وسوالف :KjYHa:

Ms.Sugar;16540684:
عن نفسي هع هع ناطه بالغلط ..

انا ام لولدين ههه حمادي وزينب .. بس لما انخطبت كان عمري 19 وحاليا عمري 22 ..

انا الوحيده عند امي وابوي وزوجي اقتنع بسرعه انه نعيش معاهم لانه يحتاجوناا فعلاا انه ابوي يعطيه العافيه مايسوق وغيرره عساس جذي بسرعه اقتنع والامور بروحها تيسرت ماحسيت في شيء صعب الحمدلله

الله يخليهم لج ان شاء الله :049::014:


بس شلون قلتي حق بيتكم هالموضوع ؟؟
ولا اهمه بروحهم اقترحو هالشي ولا كان من شروطهم ؟؟

احس ما بستحي اقول حق سعيد الحظ :DwYfv: .. بس استحي اقول حق بيتنا :DwYfv::DwYfv::DwYfv:

اممم بيتنا فتحو الموضوع مادري احس كل شي صار بروحه هههههه

عموما سهليها تتسهل وكل شيء يمشييي

للأسف خطوبتي تكنسلت و الا يهوليه ههههه هذرت معاج

بس اذا تبون اقتراحات لمحلات و افكار حاضره تامرون عرايسنا :049:

عسى ماشرر اختي سماي انت ؟؟

سماي إنتَ;16542202:
للأسف خطوبتي تكنسلت و الا يهوليه ههههه هذرت معاج

بس اذا تبون اقتراحات لمحلات و افكار حاضره تامرون عرايسنا :049:

الله يعوضج خير اختي ان شاء الله :065:

القلب الحنون25;16543879:

مرحبا بنات بعد شهر زواجي لكن مابسوي حفله الا بعد ما ارجع من السفر حفل استقبال اتفقنا انا وزوجي نحجز في فندق اول ليله قبل السفر الحين سؤالي شقد اخذ معاي حق السفر مخي مشتت مب عارفه شنو اودي معاي وعندي سؤال محرج عادي ردو علي في الخاص او العام يمكن اول ليله مايصير بينا جماع لاني خوافه حدي وزوجي انسان متفهم مابيلزمني من اول ليله انا مفكره افاتحه بهالموضوع نخلي هالشي بعد مانسافر ساعدوني يالمتزوجات او أي وحده عندها خلفيه عن هالموضوع .


ترتيبي قبل السفر حاليا بيكون ثاني العيدقررت اول شي احف وبعدها اتحنى حنه عروس بدون حفله واليوم الي بعده اسوي شعري واحط مكياج خفيف واصور مع زوجي بروحنا واحنا رايحين الفندق انتو شرايكم ؟؟

شنو تودين معاج على حسب الديرة اللي بتروحينها ... يعني مثلا لو بتروحين امريكا حق ديزني لاند غير عن لو بتروحين جزيرة مثل المالديف ومكان ريلاكسنغ !!!

اول شي حطي في بالج ان انتي عروس لازم تكشخين .. وفي نفس الوقت لازم ماتثقلين روحج باغراض تتوهقين فيها ونصها ماتستعملينها


ثانيا ... في اساسيات لكل سفرة ( الجينز ) بتروحين وبتدورين وبتفترين لاااااااااااازم تحتايجن تاخذين معاج عالاقل جينزين ولا 3 على حسب طول فترة سفرج

اخذي توبات انواع .... نوع حلو وفي موديل وقصات حلوة .. ونوع عملي اذا بتروحين مكان وبتتحركين فيه وايد


تحتاجين بدلتين كشخة عالاقل لأن اكيد بتطلعون طلعات عشى رومانسية وحلوة وتعدلها يكون غير عن باقي الطلعات

طبعا شيلات اذا انتي متحجبة نسقيها من هني في البحرين مع بدلاتج مو تودين كلشي معاج وتتوهقين

اذا بتروحين مكان فيه وايد مشي وحركة اخذي معاج شنطة اللي ماعرف شسمها :laugh:
اللي سيرها طويل وتنحط على صوب نفس مال اللي يصبون البترول :perfect:
اخذيها سودة عشان تتناسب مع كلشي

واخذي شنطة حلوة عادية ..... وشنطة كشخة لطلعاتج الكشخة :perfect::perfect:


جوتي رياضة مهم جدا :scared: جوتي فلات خفيف .... وكعععععععب للطلعات الكشخة :NJcCo::NJcCo::NJcCo::NJcCo::086::086::086::086:


وباقي ادواتج واغراضج انتي ادرى فيها :ironing:


... وبالنسبة للموضوع اللي انتي خايفة منه ... فاتحيه بالموضوع احسن... لأن يمكن اهو حاط في باله ان من اول يوم وعقب يجوفج ماتبين ويتنرفز عليج .. وبدل ماتستانسون في يومكم يصير زعل وهواش الله لا يقول ان شاء الله :cryi:

وانه اتفق معاج في تأجيل هالموضوع مالها داعي العيلة ..:perfect:

سلام عليكم حبيباتي بنات عروس

ومبارك عليكم الشهر .. وكل عام وانتو بخير
صار لي فترة مادخل المنتدى وهني المكان الوحيد الي ادري بحصل رد سريع من اهل ديرتي

عندي استفسار محيرني واايد وصايدني خوف :h9enJ:وابي منكم المشوره وآرآكم
الله يسلمكم انا دخلت قابلة يوم الجمعه والحمدالله ارتحت لشاب وحسيت ان اهو بعد ارتاح وفي نهاية المقابله قال فكري عدل وانا بعد بفكر وانشالله يتمم كل شي على خير
طبعا طلعت من المقابلة ومرتاحه وااااااااايد وحاليا اكيد اهله بسألون واحنه قاعدين نسأل
واهل الخاطب موافقين على بس هو رأيه للحين مادري اذا موافق ورتاح لي او لا

السؤال هني
هل اذا اهل الخاطب موافقين معناته هو موافق؟؟
وصار على المقابله يومين شكثر مده انتظر عشان القى رد منهم؟؟ بالموافقه او الرفض
وهل لو صار اسبوع على المقابله وماتصلو وتصلنه احنه عادي بكون او غلط؟؟

لانه اقول يمكن هم ينتظرون الرد منه واحنه ننتظر هم يتصلون وافكار تدور في راسي :thinking:

ياريت تعطوني آرآكم وتريحون بالي .. مع العلم انا منفصله مرتين والشاب متقبل هالشي وماعنده مانع من ناحية الانفصال مرتين

ناطره ردودكم مع السلامه

شكراً حبيباتي

//

عس عس حبيبتي اذا موافقتهم كانت نفس يوم المقابله فنطريهم يتصلون .. اتصال الموافقه عادة ايي من اهل الصبي

عادة ننطر اهل الخطيب اسبوع بالكثير على ما يردون علينا .. مرتين ردينا عليهم احنا في البدايه لان رفض

بالتوفيق

عس عس;16545027:
سلام عليكم حبيباتي بنات عروس

ومبارك عليكم الشهر .. وكل عام وانتو بخير
صار لي فترة مادخل المنتدى وهني المكان الوحيد الي ادري بحصل رد سريع من اهل ديرتي

عندي استفسار محيرني واايد وصايدني خوف :h9enJ:وابي منكم المشوره وآرآكم
الله يسلمكم انا دخلت قابلة يوم الجمعه والحمدالله ارتحت لشاب وحسيت ان اهو بعد ارتاح وفي نهاية المقابله قال فكري عدل وانا بعد بفكر وانشالله يتمم كل شي على خير
طبعا طلعت من المقابلة ومرتاحه وااااااااايد وحاليا اكيد اهله بسألون واحنه قاعدين نسأل
واهل الخاطب موافقين على بس هو رأيه للحين مادري اذا موافق ورتاح لي او لا

السؤال هني
هل اذا اهل الخاطب موافقين معناته هو موافق؟؟
وصار على المقابله يومين شكثر مده انتظر عشان القى رد منهم؟؟ بالموافقه او الرفض
وهل لو صار اسبوع على المقابله وماتصلو وتصلنه احنه عادي بكون او غلط؟؟

لانه اقول يمكن هم ينتظرون الرد منه واحنه ننتظر هم يتصلون وافكار تدور في راسي :thinking:

ياريت تعطوني آرآكم وتريحون بالي .. مع العلم انا منفصله مرتين والشاب متقبل هالشي وماعنده مانع من ناحية الانفصال مرتين

ناطره ردودكم مع السلامه

موافقة الاهل مو معناته موافقة الصبي


لازم تنطرون رد الاهل عليكم ان الصبي بعد موافق

واحس يعني الموضوع يبيله وقت اسبوع ولا اسبوعين ... مادري والله:thinking:

سماي إنتَ;16545108:
شكراً حبيباتي

//

عس عس حبيبتي اذا موافقتهم كانت نفس يوم المقابله فنطريهم يتصلون .. اتصال الموافقه عادة ايي من اهل الصبي

عادة ننطر اهل الخطيب اسبوع بالكثير على ما يردون علينا .. مرتين ردينا عليهم احنا في البدايه لان رفض

بالتوفيق

هولية كيوت;16545336:
موافقة الاهل مو معناته موافقة الصبي


لازم تنطرون رد الاهل عليكم ان الصبي بعد موافق

واحس يعني الموضوع يبيله وقت اسبوع ولا اسبوعين ... مادري والله:thinking:

تسلمون حبيباتي وانشاءالله الي فيه الخير الله يقدمه .. ناطره وكل شي بيد رب العالمين اذا نصيبي كان

وانشاءالله ادخل وابشركم :keIcm: أول مره يصدني جذي خوف

محد عنده ملف التجهيزات؟ :h9enJ: احتاجه ضرووري :teary: