قررت ابتدي بين فترة والثانيه مشاركتكم ببعض الأجهزة عندي من البيت
اليوم بشارككم تجربة بجهاز ما في عليه تجارب نهائيا بالعربي
الجهاز هو
Home Cooker / Philips/ Jaimie Oliver
الجهاز بالتعاون مع الشيف المشهور جيمي أوليفر يطلع بقناة فتافيت
والجهاز جاني هديه
بالنسبة لسعره سألت عنه وطلع في فئتين
فئة نفس اللي حاطته 1800 ريال تقريبا
والثاني نفسه بالضبط بس يجي معه قطاعة كهربائية للبصل والخضار سعرهم مع بعض 2500 ريال تقريبا
سويت تجربة طبخات فيه وصورتها ومقطع فيديو لطريقة الجهاز
الجهاز كهربائي واكثر شي عجبني فيه انه يحرك لك الاكل يعني لما جربت الطبخ فيه ريحني من ناحية انه اوقف ع الاكلة عشان احركها باستمرار خوف تنحرق
وميزة مهمة تتحكمي بدرجة حرارة هاديه جدا جدا او عالية جدا حسب حاجتك وطبختك
وممكن تستخدمي المحراك اللي يحرك الاكل وممكن ما تستخدميه حسب متطلبات الطبخه
وغير هالشيء هو مو بس فيه قدر واحد لا هو يسوي لك كل الطبخات يعني تقدري تقلي فيه وتسوي اكل على البخار وتطبخي الرز او المعكرونه والمرق واي اكله كانت
وفادني انه لو خلص الغاز فجأة وزوجي بالدوام اقدر اكمل الطبخه فيه
وحتى تقدري من الاساس ما تطبخي على الغاز وتستخدميه بشكل يومي للطبخ اليومي
لانه الجهاز مو بس لاستخدام شيء محدد لا هو تطبخين فيه كل شي وبوقت واحد مع بعض ما عندك مشكله
جهاز عجيب عادة نشوف جهاز للبخار لحاله جهاز للرز لحاله بس هذا يطبخ لك كل شي مع بعض بجهاز واحد واهم شي يحركلك
محتويات الجهاز
الجهاز ايش تقدري تسوي فيه شوفي الصورة
الطبخات اللي ممكن عملها بالجهاز
ينفع للرز بحليب الحالي ، السليق ، الجريش ، شوربة كويكر ، الاكل الصحي على البخار، طبخ الرز ، القلي فيه مثل أي قدر ثاني، طبخ المعكرونه والمرق ، أكلات اللبن مثل الكوسه باللبن والكبه باللبن واي شي تبونه كل الاكلات تتسوى فيه
تقدري تستخدمي الوعاء الاساسي لحاله او الوعاء الاساسي مع سلة الرز والمعكرونه او مع السله الثالثة والطبق الرابع للبخار كلهم مع بعض ما في اي مشكله
فيديو للجهاز
صورت مقاطع صغيرة للجهاز عشان تشوفون فكرته بالتحريك
قلي البصل واللحمه ولا اوقفي حركي ولا اتعبي يحركلك وترتاحي
وسويت الأبلما او الكوسه باللبن
[YOUTUBE]HaKxflvlg-k[/YOUTUBE]
تجربة طبخ الارز والدجاج والخضار بالبخار
بهالطبخه استخدمت الثلاث قدور او الوعاء الاساسي والسلتين وطبق البخار
وطلع الاكل طيب ومستوي وممتاز
بس لازم تحرصي انه تخلي فراغات بين الرز او المواد اللي تحطيها على البخار
ممكن لو انت ما حبيتي تسوي الرز على البخار عادي تكثري المرق بالوعاء الاساسي وتكملي طبخه بسلة الرز والمعكرونه الاساسية وبيطلع تمام
تجربة الرز بالحليب الحالي
اعتبروا هالتجربة تنفع مع السليق والجريش لانه نفس الفكرة
بصراحه روعه روعه روعه اعجبتني النتيجة وخاصه انه القدر ما فيه ولا شي محروق بالقاع نهائيا
طبعا يجي مع الجهاز كتاب لوصفات وطرق الجهاز وشرح متكامل
واستخدام الجهاز سهل جدا وغسيل المواعين معه اسهل خاصه انه سلة الرز ما يلصق فيها شي
الجهاز عجبني خاصة للاشياء اللي يبيلها تحريك واتوقع لو اتعود عليه بعد شوي بعتمده بشكل دائم مثل ما اعتمدت قلاية فيليبس الهوائية للنجتس والبطاطا والسمبوسه
ان شاء الله اكون شاركتكم بشي اعجبكم مثل ما اعجبني
