موسوسه وعانس < الحمدلله .......

أريد حلاً;16522550:
السلام عليكم

مادري منين ابدأ ومادري وش اقول
انا بنت باقي يمكن سنتين او سنه ويصير عمري 30
لا تزوجت ولا عندي شهادة ثانوي
ولا متوظفه بأي وظيفه تٌقبل بدون شهايد
اغلب وقتي بالبيت
والله يا بنات لدرجه لو اطلع من البيت تجيني حاله خوف
كنت كل ما اروح لمكان لازم امي معاي
سوق مستشفى اي اي مكااان
الا الزيارات بين البنات ،

الفتره الاخيره من دراستي كنت اخاف اروح للمدرسه ويصير فيني شيء
اوسوس بشكل مو طبيعي
الحين انا مشتركه بنادي اخوي طبعا يوديني
واروح من 4 ل 7 ، افكر اني لو لعبت او سويت شيء راح اتعب
وراح يغمى علي وراح وراح
وافكر ابقى جالسه ما اتحرك
لكني اتعوذ من ابليس واصلي على النبي
واذكر ربي واقوي نفسي و اتمرررن
اوسوس لدرجه احس جسسمي يششد وايديني تششد حيل وكل شوي اقول الحين بدوخ
آآآآآآآآآآآآآآآآآآآآآآآه

انا يا بنات مرات يجيني هبوط ، فأضطر اني اخذ سكر او شيء حالي
ومرات شيء مالح
ومرات اخذهم اثنينهم من الخوف والتفكير
سبحان الله
والله ادري حالتي ممكن غريبه وممكن مألوفه او عاديه
بس تمر علي لحظات مرره اخاف من اني ابقى لحالي

الحين لو بنام اخلي باب الغرفه مفتوح ما احبه مقفل
لان اختي تنام بنفس الغرفه اخليه مفتوح اذا جت تسكره
واذا راحت هي من نفسها تعرف وتخليه مفتوح

انا ما كنت كذا ، قبل 6 او 7 سنين جتني عييين
اللهم لا حول ولاقوة الا بك ربي لا اله الا انت
وش سوت فيني يالله الله يحفظ الجميع من الحسد والعين
ابكي من حالي بدون سبب
وماكنت اكل اقول لامي انا راح اموت ليش تجيبين لي الاكل
وكانت تنام عندي امي
كنت مثل الطفل اللي داييم خايف ودايم متوتر ويبي امه
و ودوني لشيخ قال هذي مافيها شيء مجرد تعب نفسي

واي شخص عادي من هالملاحظات اللي يشوفها علي يعرف انها عين
4 سنين وانا خايفه بشكل مو طبيعي ما اطلع ولا اروح
صديقاتي الحين حتى اسمائهم ما اذكرهاا
انعزلت عن العالم الخارجي

دايم بين فتره وفتره لازم لازم تمر علي ايام ابكي كذا بدون اي سبب
او حتى بسبب تافه من كلمه عاديه << وتنفتح الحنفيه
حتى اهلي او اللي تنافشت معاه او اللي قال لي هالكلمه يستغرب !

البيت اصبح شيء هو مادري وش اوصفه من السمك بالبحر
استغفر الله ادري كلامي ما يجوز
بس تعبت / انا الحمدلله والشكر لله الحين تعالجت من هالعين
لكن يبقى اثر في النفس منها على التصرفات اللي كنت اعيشها
ابي مثل هالناس تحب تطلع و تروح وتجي وتسافر

انا كل شيء ودي في بس يصدني الخوف والتوتر

وسمنتي لحالها متعبتني ومسببه لي ضيقه
اختي اللي اصغر مني تزوجت
واختي اللي اصغر منها في ناس تكلمو فيها

وانا محد طق بابي ولا حتى عبرني
مره اذكر جاء واحد يخطب هو خوي خالي
ومن سمعنا كلهم قال بيخطبونك < يقصدوني
وانا طياره من الفرح بغض النظر عن الشخص
واخرتها جت الخطبه بأسم اختي
صحيح ما صارت لان ابوي رفض الشخص
لكن تخيلو الموقف

انا مو معترضه
بس مستغربه الحمدلله يارب
انا ماني شينه ولاني حلوه
عاديه لكن سمنتي هي مخربه علي

دايم ادعي ربي لأشياء كثيره في نفسي
والحمدلله على كل حال
كلامي ملخبط ومادري وش اسوي حبيت اسولف
واحد يواسيني او يرد علي بشي

مع اني كنت ضد هالفكره من سسسنين
ما احب اشكي لانسان لانه مثلي انسان مايقدر يسوي شيء
رب العالمين هو بيده سبحانه كل شيء

لكن حبيت افضفض لاخواتي اللي هم انتم
:o
ادعووو لي بناااااات ادعووووووووو لي
من جد ابي ناس تدعي مو بس كلام بالمنتدى
ابي من القلب دعووووووووووه وربي راح يجيبكم نصيب منها
:'(

السلام عليكم ورحمة الله وبركاته
عزيزتي انتي لازلتي بعمر الشباب عمرك ياغالية 28 وتطلقين على نفسك اقسى كلمة باللغة العربية (لن الفظها فهي كلمة جارحة قاسية)انتي انسة والمستقبل كله امامك
لم تكملي دراستك لم ينتهي العالم .يقول الرسول الكريم محمد صلى الله عليه وسلم(اذاقامت الساعة وفي يد احدكم فسيلة فاليغرسها)فكيف بك تملكين عينين ولسانا ناطقا واسلوبا واضحا وعقلا نيرا ماذا تنتظرين اكملي دراستك ياغالية حتى لو بالبيت فبدراستك تحصلين على رحمة الله تعرفين حديث الرسول (رحم الله امرأ عمل عملا فأتقنه وفي رواية اتمه)بأتمامك لدراستك تكونين حققتي الحديث الشريف فستشملك بأذن الله رحمة الله ورحمة الله تشمل جوانب كثيرة كالتوفيق في حياتك وحتى الرجل ينظر للمرأة المتعلمة بأحترام اكثر من غير المتعلمة
وانتي من حقك التفكير بالزواج وانجاب الاطفال اسأل الله لكي ولكل الفتيات بالزوج التقي النقي الغني لكن لابد قبل الزواج من ان تعدي نفسك اعدادا جيدا بحيث لاتتحطمين بأول اسبوع وتتفاجأين بالحياة الواقعية وهي حياة قاسية انا لااريد تحبيطك ولكن اريد منك ان لاتدعي التفكير بكونك تعرضتي لعين اصابتك كفيلا بالوقوف بمكانك وعدم السعي لتغير حالك نحو الافضل
فالرجل مهما كانت قوته المادية والجسدية بحاجة الى امرأة تقف الى جانبه وتشجعه وترفع من معنوياته عندمايمر بأحباط مهما كان نوعه
اريد منك الان ان تعتبري انك ان كنتي مصابة بالعين قد شفيتي وان اثر الحسد قد زال عنكي تماما وانكي الان انسانة جديدة طموحة مؤمنة بالله وواثقة انه لن يخذلك وستتحقق كل امنياتك وستكون حقائق
لكن لابد من ان تخطي خطوتك الاولى بأتجاه النجاح
تشعرين بهبوط ولاتعرفين ان كان هبوط بالسكر او الضغط لم لم تضني انه فقر دم بسيط او دوخة لأهمالك التغذية
لاتوسوسي بكل الاحوال اعملي فحص للسكر وفحص لفقر الدم بالمختبر وتأكدي بنفسك وانا اظن انك بأتم العافية ولستي مصابة بأي مرض وللعلم 99% من الرجال ان لم يكن كلهم لايحبون المرأة المتمارضة او التي تتمرض بأستمرار لذا كثير من المتزوجات يحفظن عن ظهر قلب اجراءات استعادة الصحة الفورية في حالة شعورهم بالمرض لتداركه اسرع مايكون لئلا يضنهم زوجهم مريضات مكركبات
تناول الحمضيات يقوي المناعة
لابد من تزيلي الخوف بنفسك فأنتي اعرف الناس بسببه
قوي نفسك بالطرق التالية
1.احفظي اذكار الصباح والمساء وقولي كل ذكر حسب وقته فهي حصن للمسلم واقرأي المعوذات 3 كل واحدة قبل النوم وامسحي بها كل الجسم تكونين حصنتي نفسك
2.لابد من عمل كل مابيدك لتكملي تعليمك فتزداد ثقتك بنفسك ويزداد تقدير الناس لكي وانا واثقة بذكائك وبقدرتك على النجاح
3.استغفري بكل وقت ممكن واسألي الله الزوج الصالح وتصدقي ولاتيأسي
4.بالنسبة لمشكلة زيادة وزنك اذهبي لركن التغذية السليمة والرياضة وابعثي رسالة خاصة للأخت الغالية مغتربة سدني والتزمي بكل ماستقوله لكي بالحرف وان شاء الله ستصلين للوزن المطلوب وسيكون تأثير هذه النقطة على ثقتك بنفسك رائع وواضح
5.اذهبي برفقة والدتك واختك المقربة لكي للصالون وغيري موديل شعرك او لون الشعر وسيتحسن مزاجك لتغيرك مظهرك نحو الافضل
6.واخيرا اطلب منك ان تدعي من الله ان يرزق كل البنات بالازواج الصالحين عند دعائك لنفسك فبدعائك لغيرك سيقول الملك الموكل ولكي مثل هذا
وعند شعورك انك تدعين لغيرك ستتحسن نفسيتك لأنك تساهمين في تفريج كرب كثير من البنات دون ان يعرفوكي او تعرفيهم
اسأل الله ان يرزقك وكل فتيات المسلمين بالزوج التقي النقي الغني وان يهبك ذرية صالحة
سلامي لكي
اختك لارسا بغداد

الله بفرجها عليك ويشيل عنك كل همومك... وزي ما قالت لارسا بغداد انت لسا في ريعان شبابك ليش هال إحباط .
وصدقيني كل هم مصيره يروح ..،وهذه حال الدنيا عسر وسير وزي ما قالت رانيا لا شي افضل من الدعاء صدقيني تقربك من الله والدعاء في كل وقت وفي قيام الليل حيتحقق لك كل شي في بالك بمشيئة الله .والله يحقق لك كل اللي في بالك ويسعدك

السلام عليكم ورحمه الله


اختي اسال الله العظيم رب العرش العظيم ان يصرف عنك الوسواس ويشفيك شفاء لايغغادر سقما

اذا الوسواس تاعبك وماقدرتي تتخلصي منه روحي لدكتور نفسي وراجعيه الا ان تشفي باذن الله ولوزنك سوي رجيم واعملي ورياضه وباذن الله راح تخسي

وبالنسبه لتاخر زواجك وعلاقته بسمنتك والا جمالك صدقيني الزواج قسمه ونصيب من الله وماله دخل بالجمال اقسم بالله بنات اعرفهم جميلات واجسامهم حلوه وكل اللي يشوفهم

يمدحو هم والى الان ماتزوجو وصارت

اعمارهم فوق الثلاثين وفي بنات سمينات وبعضهم مافيهم جمال وتزوجو وهم صغار والله ماقصدي اشمت باحد بس عشان ماتحطي في بالك انك ماراح تتزوجي وانتي سمينه

يعني حبيبتي لاتربطين تاخر زواجك بسمنتك والا بمرضك واذا لك نصيب بتاخذينه والله ماياخر شي الا وفيه خير

اسال الله العظيم رب العرش العظيم ان يرزقك ويرزقني وجميع بنات المسلمين عاجلا غير اجل يااااااااااااااااااااااااااااااااااااااااااااااااااااااااااااارب

انتي مو عانس
بعدج صغيرة و الدنيا تضحك لج
كملي دراستج ترى ما راح ينفعج شي غيرها
و اذا شاكة انها عين روحي لشيخ يقرأ عليج