تجمع حوامل وأمهات قطر لشهر رجب 1434ه؛ الموافق لشهر يونيو 2013

وعليكم السلام


ام الغاليين

مشكورة حبيبتي ويعطيج العافية على افتتاح التجمع الجديد

والله يهون على الحوامل ويرزق كل محروم ان شاء الله

نور عيني

ابي احط لج اللستة بس ما يصير :confused: ماعرف احط صور

شنو باقي لج ؟ للحين ما بديتي ولا خذتي شي ؟

السلام عليكم ورحمة الله وبركاته

تجمع خير ان شاء الله
الله يهون على الجميع ويرزق كل من تتمنى الذرية الصالحة
من زمان عن التجمع ..
أم الغاليين ياليت تعدلين العنوان موب شهر يناير شهر مايو

اي ليش اسمه يناير خخخخخ

انزين سؤال مستشفى الولادة شنو يوفرون حق الياهل

اودي ويااي اغراض السبوخ من شامبو و جيه و لا ماله داعي @_@

كيوت

ما راح اتسبحينه في المستشفى , حطي هالاغراض في شنطة النفاس اللي بتاخذينها بيت اهلج

اللي بتاخذينه القطن المدور والحفاظات والحليب والمراضيع نصيحة اخذي اغراضج كاملة اخر الثامن لا تعتمدين لعقب ماتولدين بيجيبون لج وانتي بجرية زوجج بيتوهق ومايعرف حق هالسوالف , انا كم مرة زرت حريم اخواني وماسكة التلفون وتكلم زوجها ها وينك وين وصلت زين تاخرت وماعندي كذا ولا تنسى كذا وهي مب بجرية لا بس سالفة على ما ياخذ والطريج زحمة والياهل مسكين ميت جوع حرام والله

كيوت
شنطة المستشفى غير عن شنطة النفاس لو بتنفسين عند اهلك .
شوفي حبيبتي للمستشفى أخذي :
1- البامبرز
2- اللوشن حق الجسم للبيبي أو الباودر وكوني حذره وانتى تستخدمينه .
3- المناديل المرطبه من جونسون والا ماذر كير
4- المراضيع اقل شي 2 + الحليب الصناعي لو ناوية تعطينه
5- القطن وأنا اخذ اللى من ماذر كير يجي قطعة وحده كبيرة مصفطه وانتى تقطعينه حسب الحاجة مفيد خاصة وقت تغيير البامبرز والا مسح وجه الياهل.
6- ملابس البيبي طبعا كاملة ومنها القبعه عشان تغطين راسه عن المكيف لأنه يتأثر بالبرودة بسرعه
في المستشفى هم بيسبحونه يبون له بس فوطة وتبديل وغيارات وباقي الأشياء حطيها في شنطة النفاس
والله يهون عليك ويرزقك الذرية الصالحة الكاملة الخلق والخلقة

نوور الحب;16516301:
كيوت

ما راح اتسبحينه في المستشفى , حطي هالاغراض في شنطة النفاس اللي بتاخذينها بيت اهلج

اللي بتاخذينه القطن المدور والحفاظات والحليب والمراضيع نصيحة اخذي اغراضج كاملة اخر الثامن لا تعتمدين لعقب ماتولدين بيجيبون لج وانتي بجرية زوجج بيتوهق ومايعرف حق هالسوالف , انا كم مرة زرت حريم اخواني وماسكة التلفون وتكلم زوجها ها وينك وين وصلت زين تاخرت وماعندي كذا ولا تنسى كذا وهي مب بجرية لا بس سالفة على ما ياخذ والطريج زحمة والياهل مسكين ميت جوع حرام والله

االحمدالله عيل كل شي جاهز بس اغراض السبوح كانت ناقصة و طلعت مب مهمة خخخخ

AŢнβA;16516320:
كيوت
شنطة المستشفى غير عن شنطة النفاس لو بتنفسين عند اهلك .
شوفي حبيبتي للمستشفى أخذي :
1- البامبرز
2- اللوشن حق الجسم للبيبي أو الباودر وكوني حذره وانتى تستخدمينه .
3- المناديل المرطبه من جونسون والا ماذر كير
4- المراضيع اقل شي 2 + الحليب الصناعي لو ناوية تعطينه
5- القطن وأنا اخذ اللى من ماذر كير يجي قطعة وحده كبيرة مصفطه وانتى تقطعينه حسب الحاجة مفيد خاصة وقت تغيير البامبرز والا مسح وجه الياهل.
6- ملابس البيبي طبعا كاملة ومنها القبعه عشان تغطين راسه عن المكيف لأنه يتأثر بالبرودة بسرعه
في المستشفى هم بيسبحونه يبون له بس فوطة وتبديل وغيارات وباقي الأشياء حطيها في شنطة النفاس
والله يهون عليك ويرزقك الذرية الصالحة الكاملة الخلق والخلقة

اممم ماحطيت لووشن و اصلا ماشريت له ليحين :I:
و باقي الاشيا كلها جاهززة الحمدالله

ماتقصروون بناات يزاكم الله خيررر

باك ..

انا الحين بالسابع .. وبعد اسبوعين بدخل الثامن .. على قولتهم العد التنازلي بدأ .. :-#
طبعا هي بجري .. الله المستعان ..

بنات بقول لكم .. الله يسلمكم انا ممكن لاحظتوا قبل كله اسال عن المستشفيات .. وكنت متردده بين حمد والاهلي .. وللحين متردده .. لكن العض يقول حمد احسن واضمن .. والبعض يقول الاهلي عناية اكثر واهتمام ..

بس انا حمد خوفي .. ما احصل غرفة .. والاهلي رحته غالي وغرفهم بدون ترتيب وتزين تلوع الجبد .. يعني حمد ارقى ..

والشي الثاني .. التوزيعات ..

اختي كيوت قطر : الله يهون عليج ويسهل ولادتج وجعلها بردا وسلاما .. ممكن تعطيني الموقع اللي طلبتي منه التوزيعات .. وشنو جهزتي للغرفة .. والفوله بعد .. والسموحه على كثر الاسئلة ..

وبالنسبة للاكل ايام الحمل : الصراحة انا اكلي كله كان من برع .. ووزني وايد زاد :thumbs_down:.. لاني كنت عيزانه اطبخ ولا كنت اقدر اوقف اساسا .. وام زوجي الله يسامحها .. كلش كلش ما حطت بالها علي بحملي .. والله لا شوربة لا عصير برتقال .. يعني انا مابيها هي تسوي على الاقل تامر لى الخدامة .. لكن انا الحين والله اذا اطبخ اسوي حسابهم .. ماعمري طبخت لي ولزوجي بدونهم معني للحين تعبانه ومطبخهم برع .. لكن الواحد يسوي باصله ..
اما الحين اشوي يوم خفت نساتي قمت احاسب .. بيبسي و جوكليت وخرابيط كثر ما اقدر امسك عمري ..

الطفلة : بخصوص جنس البيبي .. شوفي انا الصراحة ام زوجي زوجي قال لها .. طبعا هي لوعت جبدنا ما كثر ما تسال .. لكن مشالله عليها ما خلت احد ماقالت له .. كل اهلهم درو ..
وتمنيت اني ما قلت لها .. بس معليش دؤس لي حق الحملات الجايه .. ام اهلي اللي يسال اقول له ..

وبس وسامحوني على الاطالة ..

روح الفانيلا 665;16516871:
باك ..

اختي كيوت قطر : الله يهون عليج ويسهل ولادتج وجعلها بردا وسلاما .. ممكن تعطيني الموقع اللي طلبتي منه التوزيعات .. وشنو جهزتي للغرفة .. والفوله بعد .. والسموحه على كثر الاسئلة ..

الله يهوون عليج
كل مستشفى له عيوبه توكلي على الله و خلاص
انا صج دشيت العد التنازلي وصلت نص التاسع :lol::(:-o

طلبت من هالموقعين
Baby Shower Favors, Gifts & Supplies - Little Things Favors
Shop Wedding Favors, Baby Shower Favors & More | Beau-coup

وفي وذنان محل حلوو بعد اسمه بونو شي جيه طلبت منه جوكلت

و الفواله بجهزها من لاسيجال و فوشون ووحده من الانستقرام اسمها فواله
وللغرفة بس بلبس الكراسي و بحط شرشف ع الطاولة و فازات وورود

وبسسس

Cute.Qa;16516936:
الله يهوون عليج
كل مستشفى له عيوبه توكلي على الله و خلاص
انا صج دشيت العد التنازلي وصلت نص التاسع :lol::(:-o

طلبت من هالموقعين
Baby Shower Favors, Gifts & Supplies - Little Things Favors
Shop Wedding Favors, Baby Shower Favors & More | Beau-coup

وفي وذنان محل حلوو بعد اسمه بونو شي جيه طلبت منه جوكلت

و الفواله بجهزها من لاسيجال و فوشون ووحده من الانستقرام اسمها فواله
وللغرفة بس بلبس الكراسي و بحط شرشف ع الطاولة و فازات وورود

وبسسس

مشالله الله يهون عليج يارب .. بتربين في حمد انتي صح .

مشكورة .. انا حاطة لا سيجال وفوشون ف بالي .. بس بجوف ماي ورد .. وايد يمدحونها ..

كيوت

عذبة ما قصرت خذي قبل لتولدين




روح

الله يعينج




الله يهون عليكم وتولدون بالسلامة ان شاء الله

صباح الخير ..

مساء الخير :)

مساء الخير بنات عجبنى هذا الرابط ى الجديد
مستلزمات البيبى الجديده
http://forums.3roos.com/3roos655339/

مساكم الله بالخير

شلونكم عساكم طيبين ..
بنات بغيت أسألكم
من جربت ابرة الظهر وفي أي مستشفى
وكيف اجراءاتها وهل تنصحين فيها يعني لو حملت مره ثانية بتاخذينها

انا يوم كنت بولد طبيعي ماكنت ابي اخذ ابره الظهر

بس في ناس من هلي جربوها ويمدحونها في الاهلي و حمد

مشكورة كيوت على ردك
أنا الحمدلله ولدت قبل طبيعي
لكن أحس خلاص تعبت والله
خاصة بعد ولدي الاخير
الله يحفظه كان الرحم مفتوح 10 سم وهو لازق لي فوق شاير صوب اليمين ..
شفت نجوم الظهر من الألم
والحمدلله ربي لطف فيني بالأخير وتنازل الشيخ ونزل تحت ..
مفكرة هالمره أخذها لكن محتاره ..

الله يعيييينج
الابره وايد تطورت عن قبل بس بعد الواحد يخاف @_@
اهم شي انتي استخيررري
انا خاطري اربي طبيعي بس بيبيي راسه فووق مانقلب ومحددين لي القيصرية اخر التاسع على وعسى ينقلب
بس في دكاترة يقولون لي صعب خاصة اني بكرية وبطني صغير والبيبي كبر مشالله U_U

بنات

حليب الصويا مضر للحامل؟ من يعرف