قصة ولادتي بابني ربي يحفظه

الحمد لله رزقت قبل اسبوع بابني حبيبي كنت بالاسبوع 40 بداية انا من قبل 3 اسابيع من وقت ولادتي بدات معي الطلوق الكاذبة والافرازات والاسهال وانتم بالكرامه وكنت في كل يوم اتوقع انه يوم ولادتي ولما رحت الطوارئ قالولي الرحم مغلق تماما حتا طفشت8o| وتخلصت من كل شي من الحلتيت والقرفه وحتا النت معاد قريت اي شي عن الولاده قلت اكيد انا مطوله وبعدها باسبوع فجاءه بدون مقدمات وانا استعد انام طقني مو طبيعي مدته ثواني بس في اسفل بطني بس ماهتميت كانت الساعه 1 باليل وقلت كالعاده مافيه شي:D وصار الالم يجيني كل شوي وماقدرت انام منه ومع ذلك طنشت لما جت الساعه 3 قلت خليني احسب اتاكد ولقيت الالم يجيني كل عشر دقايق وبرضوه قلت ماله داعي اروح الطوارئ اكيد انا اتخيل كالعاده المهم قام زوجي الفجر عشان دوامه وانصدم لما شافني اتعصر من الالم ومانمت قالي اوديك الطوارئ قلتله لا مايحتاج قال شكلك ولاده قلتله بكل ثقه لا لا بس الم عادي المهم راح وانا قلت اتعوذي من ابليس ونامي احاول احاول ماقدرت وفجاءه زاد الالم وخفت حييييل واتصل ع ابوي الله يحفظه قلته مافي شي بس ودي اتطمن يوم رحت الطوارئ وانا قلبي يرجف رجف كشفوا علي وقالو لي 1 ونص
قالتلي الطبيبه روحي اتمشي وارجعي اذا انكبت المويه او نزل دم او صار الالم يتكرر عليك 3 مرات كل 10 دقايق قلت اوك
واطلع بيتي ويستمر الالم زي ماهو كل عشر دقايق لكن قوته تزيد مره وصرت اصيح وابكي في بيتي وزوجي يقولي امشي نروح وانا اقوله لا هي قالتلي اذا نزل علي ماء
المهم اتحملت الين بعد صلاة العشاء وبعدين قلت لزوجي الحين الحين ودني الطوارئ ابغى بنج مسكن اي شي معاد تحملت ولللان الطلق كان كل عشر دقايق ماقل ولا زادت
واول مادخلت قسم الولاده انهرت قعدت اصيح زي الاطفال تجمعوا على السيسترز قلت ابي مسكن ماتحمل بموت حطوني ع السرير وبسرعه جت الدكتوره فحصتني وقالت اربعه
انا :'(:'( اربعه بس يعني باقي بتالم المهم دخلوني جناح الولاده فورا الساعه 9 وكلمت زوجي وقلتله ولاده بس مطوله ودخلنا سوا الغرفه
جاء طبيب مختص واعطاني ابرة الظهر ومع ذلك كنت اتالم جابولي اكسجين وصرت اشم مع كل طلقه تجيني وكان يخف الالم شوي الين طلع الصبح قالولي ياله 10 سم ادفعي
هينا كنت انا خلاص ميته ومرهقه لان لي ليلتين مانمت ابدا
يقولون ياله بش وانا مافي امل ادفع يصرخون علي وانا خلاص وصلت مرحله كل طاقتي راحت والقابلات يصرخون لازم تدفعين البيبي موت وانا احاول بس ماقدر
صاروا يغيرون الوضعيات مابقى وضعيه ماحاولت ادفع فيها بس كانت كلها غلط شوي واسمع صوت جرس الا وغرفتي مليانه نيرسز ودكاتره حريم ورجال
طلع نبض الطفل يضعف مره وصار لازم يطلع
صرت احاول ادفع بكل ماقدر خفت وماعرفت ابدا صرت ابكي واصرخ وهم يهاوشوني لا تصرخين ادفعي بعدين قالولي ياله جبنا الشفاط بنساعدك بس لازم تساعدينا ادفعي
وحاولت وشوي الا اشوف ابني حبيبي فوق صدري ياربي لك الحمد
كانت ولادتي صعبه بس الحمد لله فرحتي بشوفة ابني نستني كل شي
وعقبال ماترتاحون جميعا يارب وتقر اعينكم بشوفة اطفالكم
في يوم ولادتي حدثت لي مشكله كبيره مع زوجي وساكتبها في قضايا وحلول واتمنى منكم مساعدتي لما في قلبي من الم وحزن وحيره