تعبت ..........

انا بعد مثلج


شو نسوي نصيب

من سنتييين وانا من قردة في البيت

:pain::pain::pain::pain::pain:

حبيبتي الكادي .. شو هي شهادتج ؟؟ ممكن أعرف ؟؟

ترى الحين بعد ما يبون حد متخصص بشي معين مثل عندنا هني في الامارات و خصوصا العين ما يبون اخصائيات اجتماعيات و معظم اللي عندهن شهادة خدمة اجتماعية يالسات في البيت الله يعينهن ..

لا تيأسين دوري لج شغل و إن شاء الله بتحصلين :up:

مرحبا

عاد تتخيلون وحده متخرجة من سبع سنوات وما محصله شغل

وكل ما سارت ادور على وظيفة يقولون ليها ماعندنا وظايف

والله شئ يقهر :down:

7 سنوات بس !!!! :eek2:

اعتقد انها فترة قصيرررررررررررررره وايد ولا انتوا شرايكم :confused:

لا الظاهر انهم يبونها تتريا بعد

فعلا شر البليه ما يضحك

على فكرة تراها خريجة اعلام يعني مب خدمه اجتماعية ولا علم نفس

الواحد بس شو يقول غير اللي ايده في الماي مب مثل اللي ايده في النار

السلام عليكم

عزيزتي لا تيأسين بس انت ليش سكت على عمرج سبع سنين .

انا بعد متخرجة توني وادور شغل .
بصراحة متخبلة ابي اشتغل اي شي ولا اقعد في البيت وما محصلةالوظيفة الي في بالي ...:down:

بس شو اسوي .. الحين انا راضية باي عرض عشان ما اقعد في البيت واتعود على اليلسة وانت بعد لازم تحاولين ولازم ترضين بالي جدامج وانشالله بتحصلين الوظيفة الي في بالج.

وبالتوفيق انشالله لج ولنا.:up: :up:

GOOD LUCK

شمووع

:confused: وانا بعد خريجة من التقنيه تخصص معالجة المعلومات بالكومبيوتر ومن 3 سنوات في البيت :pain:

بس انا من فتره لي فتره ادور على مكان وادرب فيه شهر تطوعي واحصل على شهادة خبره من المكان اللي تدربت فيه وهذي نصيحتي لكم دورولكم على مكان قريب من البيت واشتغلو تطوعي ابرك من يلست البيت

السلام عليكم ورحمة الله وبركاته

هلا بنات اثاريكم وايد مثلي

انزين جد اشرايكم كلنا انسوي مشروع مشترك كل وحده اتديره في

ديرتها جد اشرايكم ؟؟


مثلا نفتح مشغل في دبي او وحده من دبي اتديره انا من الكويت

اقدر اوفر لها تصاميم مرسومه و موديلات اوكي ونرسل الملابس

شي الكويت و شي قطر و شي عمان و شي البحرين و كل وحده
من اللي تبي اتشارك اتروج البضاعه ابديرتها

هذا مثال بس جد خلونا انحاول نعمل شي حلو او راقي ويفيد البنات ؟؟

اشرايكم منها نقضي وقتنا و ننتفع ماديا

سلام عليكم

هلا بالكل شحالكم بصراحة اشتقت لكم واايد

تدرون الواحد مالازم يزعل والا يتضايق من انه ما حصل على شغل لان احينه كله واسطات لو عندك واسطه تقدر تمشي حالك بس بدون واسطة .....يعني ماشي

عاد انا صار لي احينه خمس سنين ادور على شغل ما خليت مكان ما سجلت فيه لكن للاسف يقولون كل مرة مافي شاغر
لكن حصلت على فرصة واشتلغت في مكتب لكن الظروف الصعبة اللي مريت فيها ما خلتني اكمل فطلعت وانا من ذاك الوقت ادور على شغل...
تدرون متى الواحد ينقهر يوم حد يقولج انها راحت سجلت في مكان واحينه اشتغل مع العلم انج مسجلة بذاك المكان قبلها ..
تخيلوا انا صار لي خمس سنين مسجلة في دائرة وما حب اذكر اسمها مرة وحدة اتصلوا فيني عشان المقابلة ومن ذاك الوقت ونا اراجع عندهم لكن بدون فايدة عاد انا ما تضايقت من هالشي
لكن
لما وحدة من الاهل يت وقالت لي ان وحدة عندها شهادة صف خامس سجلت عندنا قبل اسبوعين واحينه تشتغل مع العلم اني انا مسجلة بذاك المكان قبل خمس سنين ..... والله ما دريت شو اسوي حسيت ان الدخان يطلع من اذني ...

عاد مانقول الا الله كريم

أخواتي ..الله يعينكم ..

بس الفكره الي قالتها الاخت AL-KaDy...
معقوله جداً ..وفيها الحل يكم جميعاً ...

وبالنسبه لك اختي AL-KaDy بالذات .. لا تيأسين
بالذات إذا كان عندك ابداع انتِ مؤمنه فيه ..

وإن شاء الله يتحقق لك .. ولاتنسين كل تأخيره وفيها خيره ..
وهذا الكلام لكم جميعاً .. ماتدرون بالنصيب
إن شاء الله ..يعوضكم عن السنوات هذي كلها ..
بس المهم .. لا يأس مع الحياة ولا يأس مع الحياة :smile:
وكلنا نرسم بالأمل الطريق ..



تحياتي ..

السلام عليكم ورحمة الله وبركاته


شكرا لكم جميعا حبيباتي و الله يجازيكم خير ..


شكرا لكي اخت آساهي

كاتب الرسالة الأصلية : المخمرية
تدرون الواحد مالازم يزعل والا يتضايق من انه ما حصل على شغل لان احينه كله واسطات لو عندك واسطه تقدر تمشي حالك بس بدون واسطة .....يعني ماشي
عاد انا صار لي احينه خمس سنين ادور على شغل ما خليت مكان ما سجلت فيه لكن للاسف يقولون كل مرة مافي شاغر
لكن حصلت على فرصة واشتلغت في مكتب لكن الظروف الصعبة اللي مريت فيها ما خلتني اكمل فطلعت وانا من ذاك الوقت ادور على شغل...
تدرون متى الواحد ينقهر يوم حد يقولج انها راحت سجلت في مكان واحينه اشتغل مع العلم انج مسجلة بذاك المكان قبلها ..
تخيلوا انا صار لي خمس سنين مسجلة في دائرة وما حب اذكر اسمها مرة وحدة اتصلوا فيني عشان المقابلة ومن ذاك الوقت ونا اراجع عندهم لكن بدون فايدة عاد انا ما تضايقت من هالشي
لكن
لما وحدة من الاهل يت وقالت لي ان وحدة عندها شهادة صف خامس سجلت عندنا قبل اسبوعين واحينه تشتغل مع العلم اني انا مسجلة بذاك المكان قبل خمس سنين ..... والله ما دريت شو اسوي حسيت ان الدخان يطلع من اذني ...
عاد مانقول الا الله كريم

جنكم ترمسون عن حالي.....
و يوم حصلت فرصة شغل قالولي لا زم تسافرين!!!
و الله اني ادعى الله ايسرها...
ادعو لي....

والله حاله شوها

:cool2::cool2::cool2:

لاعت جبدي

بس صدق شر البليه مايضحك

ربعي اللي يشتغلون يقولون لي يا بختج

افتكيتي من حشرة الشغل والعالم الكئيب اللي فيه

بس تدرون الواحد لازم يحقق ذاته


:up::up::up::up:

أنا ما أشتغل وهذا مايعني أني مش محتاجه أو ماعندي شهاده خواتي وتقريبا أغلب بنات العيله يشتغلون ويتأففون من الشغل بس أنا عمري مافكرت أو تحمست للشغل يمكن أذا كنت مش متزوجه بس الحين ولا أفكر وعمري مالحيت على زوجي مع أنه وظيفته بسيطه ويناسبه أذا أنا أشتغلت أحب المشاريع ألبداعيه أكثر مثل ماقالت الأخت AL- KADY وأحمد الله وايد على يلستي في البيت لأني لما أقارن نفسي بغيري أشوف أنه بالعكس اللي تشتغل ياخذها الشغل عن أمور وايد نفسيه وجسميه وعقليه أشوفهم هلكانات ولاعندهم وقت يمشطن شعرهن حتى ........؟؟؟


وفوق هذا كله لما أيلس وياهم أشوف أني أكثر أجتماعيه ومثقفه وواعيه على أمور وايد فاتتهم ...........


يعني فراغي لصالحي مش ضدي فراغي خلاني أكون زوجه مبدعه في الطبخ في الكلام في المعامله في تربيه الأبناء وفي أمور الدين وهي الأهم مثل حفظ بعض سور القرآن قراءة الكتب الدينيه والعلميه والمشاركه في هذا المنتدى الطيب ............

و الله أنا بعد مثلج يا حبوبة :confused:

يالسة في البيت من سنة و شيء و أبي أشتغل

و حتى من كثر الملل و الله فكرت أكمل دراستي..

و الله يوفقج و يوفقنا يا رب و نحصل على شغل

كلنا في الهوا سوا

:down:

انا الحين متخرجه وادور على اي وظيفه

رحت ادور شغل في سكن الطالبات في الشارجه

قالولي الحين مب مطلوب مشرفات

اتريي نحن بنتصل فيج

:D2

بس اظن انهم ما بيتصلون ابد

وقدمت في التنمية علشان يدورون حقي شغل

بعد ما في فايدة وما راح يتصلون فيني

يعني لا حياة لمن تنادي

كله يطلبون خبرة او دورات

انزين من وين الخبرة اذا الوحده توها متخرجه

يعني تتريا 5 سنوات علشان تحصل خبرة

بس الواسطه تلعب دوور كبير في التعيين

وخاصة البنات محد يفضلهم في الشغل
وخاصة المواطنين ما يقبلونهم ووايد في القطاع الخاص لان راتبهم يكون اكثر عن الوافدين

بس عيال البلد هم المظلومين دايما في مجتمعاتنا

والاجانب هم اللي فوق الراس وداخل العين:mad2:

على فكره في الرياض مجموعة بنات كانت عندهم افكار حلوه..

تجتمعوا في مجموعه وسموا نفسهم "مبدعات" وفتحوا شوب لهم..


كانوا يعملون ديكورات بسيطه مثل غرفة الوالده بالمستشفى.. طقم شراشف وجلايل وعلب هدايا وتغليف زبايل............الخ



وجدا ناجحيييييييين.. سمعت انهم تفرقوا وكل وحده اخذت مسار.. بس مايمنع انها بدايه ممتازه..


يعني فكرة الاخت الكادي معقوله حتى لو بلدان مختلفه..



تحياتي :up:

السلام عليكم ورحمة الله وبركاته


مشكورين حبيباتي و الله ايريحكم مثل ماريحتوني انا على بالي


اني الوحيده اللي ادور شغل اثاري مثلي وايد .

مشكوره اخت نووسه وفعلا كلامك الشغل عندنا في دول الخليج صار للاجانب و اللي تبي واسطه اتروح حق موظف اجنبي صار لهم كلمه اكثر من عيال البلد . و شكرا لكل الخوات

وفعلا لما الواحد ما يحصل شغل و يبدأ بعمل حر راس ماله بسيط راح

ايحقق نتايج طيبه و اتمنى من اللي ودها اتشارك معاي بمشروع انها

تبلغني عشان انفكر بشي حلو و مناسب و مفيد .