ما رأيكن اتزين لزوجي كل يوم ام كل اسبوع.......؟؟؟؟

السلام

انا اقول كل اسبوع احسن علشان يحس بالتغيير ومايصيير روتيني وبعديين يمكن يمل لان الانسان بطبعه ملول بس حاولي دايما اتغيررين لاتعودينه علا شكل معين وبعديين حطي في بالج لو انتي بتعدلينله لازم بيي يوم ويشوفج منغيير مكياج وراح ينصدم فلاتخليين هاليوم ايي بل عكس خل هالشي يكون عادي

بصراحة أنا من الناس اللي أحب زوجتي على طبيعتها وتتزين كل يومين ثلاثة..

اختي pink cat
شكراا على مرورج .. وهو فعلا الواحد يغير شكله بين فتره والثانيه ..
واكيد مافيها شي اذا طلعتله وشعري منكوش لان صارت كثير خصوصا اوقات المرض والتعب والارهاق .. الواحد ماله خلق بشكله
بس عذره معاه ..

اخوي محرر- صحفي
شكرا على مرورك ..

الحلوه حلوه بمكياج وبدون مكياج والزوج يحب التغير
وثاني شي وخيرلو شافهامو مسرحه شعرهاوغيره اللي يحب زوجته في أي وضع يشوفها عنده قمر:shy:

::هلا اختي غاية لازم الوحدة تتعدل حق ريلها كل يوم انا مش متزوجة بس اللي اشوف واسمع عنة اكثر الريايل عندهم حجة ان الحريم مايتعدل تتدخل عليها البيت حتا الخدامة احسن عنها
لازم الوحدة تتعدل مب بس يوم تنعزم على عرس ولا غير

من حقا الزوج ايشوف زوجتة بكامل عدولها واناقتها

وساعات اذا الوحدة اهملت نفسها ومرة وحدة اتعدلت تتعرض لموقف محرج مثلا
يقولها ووين اليوم سايرة :down::down:مسكينة

انا مرة سمعت عن وحدة اتعدلت لزوجها لمر كان راجع من السفر

ولما دخل وشافها يلست يضحك:D2:D2 ويقولها شوووو هذا يلا سري اغسلي ويهج مسكينة:confused::confused::confused::confused:

لازم الوحدة من البداية اتعود ريلها

مش يوم ايفكر يتزوج تتلحق عمرها:up::up:

الشيء المهم انه شعرك دايما يكون مرتب
حطي كحل وبلشر كل يوم
ريحتك ديما حلوه
وابد ابد لايشم فيك ريحه مو حلوه او ريحه مو نظافه
وملابسك مرتبه وانيقه

هذا حق كل يوم ولازم كل زوجه تسويه

شطارتك بالتغير .. يعني مره شعرك مربوط مره فكوك طبيعي مره مستشور مره مجعد مره مسويته جدايل ورافعه بشباصات

اللعب الوان الاي شدو والكحل
التجديد بالملابس ونوعها

كل يوم فاجئيه بشيء جديد .. وممكن تحطين يوم بالاسبوع هذي للمفاجئه السوبر الي تتعبين على نفسك وانتي تتزينين

وعلى فكره الرجال عموما مايحبون المكياج الكثير يعني خففي المكياج وعودي يدك على المكياج الناعم الي يعطيك شكل حلو وبنفس الوقت هو بسيط

وعن الشعر المنكوش ماعتقد راح تطلعين على الناس اذا جوك وشعرك منكوش حتى لو هم اعز صديقاتك
مو مهم تكونين طول اليوم وكل يوم يااااي سوبر مودل المهم تصيرين مرتبه انيقه ريحتك حلوه تكونين انثى ماتطيح عينه عليك الا ويشوفك مرتبه

تحياتي
لك روحي

لازم كل يوم :shy: بس مو كانج عروس
يعني عودي نفسي اول ماتصحين انج تغيرين ملابس النوم للبس خفيف وسبور وتحطين ماسكارا وكحل وروج وهذولا كفيلات يطلعنج قمر ....واذا بغيتي تسوين مكياج صارخ وحركات خليها كل اسبوع مره ...بس اهمممممممممممممممممممممممممممممممممم شئ وهذي نصحية وحده خبره :up: لا تخليه يشوفج مبهدله ابدااااا دايم شعرج مرتب بطريقه حلوه وناعمه وريحنج خنه وحلوه واهتمي بكحال العين ...
والله يسعدج
تحياتي

أهلا أختي غايـــة...


أهم شيء تكوني مرتبة و نظيفة و ريحتك حلوة علطول...يعني ما يشوفك مبهدلة أو مش حلوة....


و ممكن يوم في الأسبوع تعملي تغيير شامل و تلبسي لبس جديد و تحطي مكياج واضح و يكون شكلك مختلف...يعني تقضي وقت أكبر في التزين...


بس علشان ما يكون في حجة للرجل إنه زوجتي مش مرتبة نفسها...الحين إنت مرتبة و حلوة كل يوم و تعمليله تغيير كل أسبوع....في أحسن من ذلك ؟؟؟؟



الله يوفقك يا رب و يسعدك علطول إن شاء الله...


تحياتي...

[SIZE=3]مرحبا جميعا..........


كلامك وايد حلو (لك روحي):up:

وصادقه بكل كلمه المهم الوحده ماتهمل نفسهاوتكون نظيفه واظن اهم شي الريحه تكون مبخره ومعطره لانه بنظري اهم شي يحبه الرجال الريحه الزينه والميك اب الخفيف.:shy::shy::shy[/SIZE]:

:D2:D2:D2:up::D2:D2

اخواتي مشكوووورين على النصايح ... انا فعلا محتاجه حد ينبهني .. انا ما كتبت هالموضوع الا واني حاسه اني مقصره مع زوجي خصوصا اني في وقت وحام .. لكن لما صديقاتي عزموني .. تعدلت وسشورت شعري اللي من شهر ما سشورته كله لامته .. وهو اصلا منتف يعني قصير الفروض العب فيه كل يوم .. وطلعت يومها وايد حلوه .. وحسيت اني وحده ثانيه .. ولاحظت على زوجي كلحين يناظرني .. (معجب) :D2

المهم حسيت بتأنيب الضمير .. واني دايما اقوله ضايقه ... اوف احس بالغثيان .. وفعلا صارلي فتره ما تعدلتله ..(مسكين) يكسر الخاطر

المهم بحاول ابدا من اول ويديد .. لأني يوم تعدلت حسيت بالنشاط .. (ما ادري ليش ..) مع اني كل يوم كسلانه ..


(المشكله ...زوجي دايما يقولي اني حلوه بدون شي)

الله يعيني ويا هالحمال ..

انا الحين في امريكا وبعد اسبوع بالضبط برجع الامارات بدون زوجي .. يعني بستغل الاسبوع في التعديل ..:up:

وشكرا لكل من ساهم في هالموضوع

مرحبا بنات ...
والله وفيتوا و كفيتوا ... بس شو تسوي الي شعرها مجعد (مثلي:down:) تدرون ما اقدر اسشوره دوم خاصه انه متقصف و يطيح ؟؟؟ وها الشي الوحيد الي يخرب علي زينتي لزوجي

أختي زهرة الليلك .. انا هنيه في امريكا .. بصراحه شفت العجب .. اي وحده شعرها مجعد .. تخليه حرير .. كيف الله أعلم .. وتحسيبها كليوم حرير .. شكله تمليس من نوع خاص .. او ان التطور في امريكا سابق كل حد .. والله ودي اعرف شو يحطون لراسهم .. انا صديقتي وصتني .. لكن والله مب عارفه كيف اسأل او كيف اعرف السر ...

بدور في الانترنت .. يمكن اعرف ..:s2

:shy: مشكوووره اختي على المرووور

السلام عليكم ورحمة الله وبركاته

انا اتعدل عادي لزوجي بس في اسبوع مره اغير مكياجي مثلا ازيده شويه واغير اللون الروج مع مكياج عيون .....


صراحه يتفاجئ مرات ويفرح واااااايد ...


:D2

يا أخت غايه نصيحتي لج أنج دوم أتكونبن أنيقه و متجدده ..مثلا مره ألبسيله سبورت Mini skirts, Trousers with t-shirt Long skirt
و مره ألبسيله جلابيه حلوه بألوان حلوه (الجلابيات الهنديه المعروفه) و الميكب خليه حلو و بسيط (بودره, بلاشر, روج لونه خفيف أو لب جلوس أو حتى ولا شيء, ماسكرا أو جحال) خليه ما أيحس أنج حاطه شيء (يعني الميكب إلي يشل العيوب بس ما أيغير) و شعرج دايما لازم يكون مرتب و ريحته حلوه..كل يوم لازم تدخنين و أدخنين لبسج و شعرج و بيتج و تتعطريله (لا أيشم منج ريحه مب زينه) و الذهب البسيط مال البيت(طقم بسيط إلي يتكون من قلب و حلقات و خاتم و يوم في الأسبوع و يفضل نهاية الأسبوع أكشخيله (فل ميكب , شعر مسشور أو غيري قصت شعرج إذا مرت مده على القصه, و لبس حلو و أنيق , تنوره و قميص أو حتى جلابيه بس مالت الطلعه أتكون أرقى شوي) و الذهب الحلو و يفضل شيء هو اشترالج و فاجئيه بورده حلوه..بكيكه يديده أو طبخه من إيدج الحلوه و زيدي جرعت الحلاوه في لسانج ..حسسيه بأنوثتج و أذكري إنه في بنات برع البيت خطافين رجاله ...و هذا كل إلي عندي..أتمنى لج حياه زوجيه سعيده و لا تنسين أنتي بعد أتمنيلي لأني أنا مالجه و هذا الشيء أنشاء الله بطبقه في عش الزوجيه و أتمنى ينجح معاي يا رب......:smile::smile::smile::smile:

اخواتي غاية و زهرة الليك هناك طريقة جديدة للتمليس و تسمى التمليس
المائى .....هذي طريقة نسيت هي صينية أو يابانية (ملاعين بالرغم من شعورهم الناعمة برضة هم اللي اخترعوا هذي الطريقة) المهم هي موجودة بالسعودية ولبنان مدري وين كمان بس ترى رائعة تمليس ناعم غريب و مايحتاج سشوار ابدا بس إنها مكلفة لأنها تعتمد على طول الشعر و كثافته و بالتالي مدة الشغل( تترواح من ساعة إلى 4 ساعات)....اتمنى اكون افدتكم....وشكرا
لك روحي كتبتي نفس اللي بغيت اكتبه:clap::clap:

:smile:

خطافين رجاله :D2
مشالله البنات ماقصرن نصايحكم حلوه وايد
الله يسعدنا بازواجنا وبيوتنا ويزوج البنات كلهن

حبيبتي اتينيله كل يم لكن لازم كل يوم يفرق عن سابقه. يعني نتظهريش كل الأفكار اللي عندك مرة واحدة. تفنني في إنك دائما تبدين أنيقة و جميلة أمامه و ده مش معناه إنك تضعي كل الماكياج اللي عندك. التزين ممكن يكون عن طريق تغيير تسريحة شعر أو لبس زي جديد أو وضع بعض اللمسات الجديدة في ماكياجك. يعني حتى اليوم اللي مش واضعة فيه ماكياج مش لازم تكوني شيتا و تطلعيله منكوشة!!!!:shy: أقصد إنك ممكن تكوني جميلة كل يوم من خلال عنايتك بنفسك مش بس بالماكياج أو كثافته. فهمتيني؟ و إن شاء الله تكوني جميلة على طول في عنيه:up:

DUBAI 2

الله يدووم عليكم السعاده ان شالله ..

دبي ليدي

والله كلامج صح 100% بس المشكله الكسل الله يبعده عنا .. انا بحاول قد ما اقدر اكون احسن واحسن خصوصا ان زوجي معيد في الجامعه يعني بيرجع دكتور يدرس البنات .. :confused: لا لا ما اقدر اتخيل .. وانتو تعرفون عدل سوالف البنات هالزمان ما منهم امان
مشكوووره وايد على النصايح :up:

La-lona

تسلمين اختي على مرورج .. ترى فعلا صديقتي صارلها زمان وتبغي شغله حق شعرها .. انشالله بخبرها بالتمليس المائي .. ودام انه في منه في السعوديه .. اكيد بيكون منه في الامارات :smile:

tayma

مشكوور اختي على مروورج


دائما عروس

هي نعم خطافين رجاله .. وانا اشهد على كلامها .. والا انتي مب عايشه في الدنيا ..على العموم مشكووره على مرورج .. والله يخليج دايما عروس:up:

amaladel

كلامج عدل اختي .. والله يخليج جميله على طول مثل ما تمنيتي لغيرج ..ويوفقك في حياتك