السلام عليكم و رحمة الله و بركاته ..
بدخل في الموضوع على طووول ..
أنا يا بنات ولدي الله يحفظه عمره 11 شهر يعني الشهر الجاي يكمل سنة بإذن الله .. و من بعد النفاس للحين ما جاتني الدورة أبدا .. رغم اني في الست الأشهر الأولى كنت ارضع ولدي صناعي بالاضافة للطبيعي بحكم اني اشتغل .. و من بعد الستة أشهر صرت أدخل الصناعي بشكل متفرق يعني مو بشكل يومي .. فقط للضرورة إذا كنت طالعة مثلا ..
بعد هالمقدمة الحلوة صار لي اسبوعين تقريبا احس بأعراض الدورة يعني ألم في بطني و ظهري و خاصرتي أنا قلت الدورة بتنزل بعد هالانقطاع عشان جذي الألم قوي شوي و ظليت انتظر و يمر يوم وراء يوم و ما شرفت .. بديت أشك رغم اني مستبعدة موضوع الحمل ..
لكن الأعراض عندي تطورت صارت مشابهة لأعراض حملاتي السابقة بالاضافة لألم بطني و ظهري حسيت بنغزات في جنبي يعني المبايض و نغزات بصدري.. إذا كنت جالسة و قمت فجأة تجيني شكة ألم في الرحم و الافرازات زادت لدرجة كل مرة افكرت جات الدورة اروح الحمام و ما اشوف شي ...
البارحة جبت التحليل المنزلي و اليوم الصباح سويت الاختبار و طلع سلبي .. يعني ما في حمل ..
الحين يا بنات أنا مو مستعجلة ع الحمل .. الحمدلله ولدي صغير بس ابغي أعرف اذا كنت حامل لو لا لأن عندي موعد أسنان بعد كم يوم و أكيد بيسوي لي بنج و هذا اللي مخوفني .. أخاف يضر الجنين لو كنت حامل .. شلون أتأكد و أنا ما جاتني الدورة من ولدت ؟؟و الأعراض اللي ذكرتها جديدة علي بس من اسبوعين يعني الاشهر اللي راحت ما كنت احس فيها .. ع فكرة اول مرة تقطعني الدورة هالكثر .. ولاداتي السابقة كانت تجيني بعد الشهر الخامس او السادس بالكثير رغم أن عيالي كلهم اتبعت نفس نظام الرضاعة ..
ساعدوني يا بنات شلون أعرف .. و لو حللت دم الحين ببين ؟؟ من حملت و هي ترضع و قبل ما تجيها الدورة ؟؟
ردوا علي الله يخليكم موعدي قريب :thumbs_down:
من لديها أو تعرف تجربة مشابهة فالتدلي بدلوها
أ
11-05-2013 | 03:23 PM
ا
11-05-2013 | 03:27 PM
ما عندي فكرة بصراحة بس ما حبيت اطلع من غير ما ارد
اختى احسن شي راجعي دكتورتك حتى تقطعي الشك باليقين
اختى احسن شي راجعي دكتورتك حتى تقطعي الشك باليقين
ع
12-05-2013 | 02:27 AM
حللي دم افضل لكي ترتاحين من التفكير
U
12-05-2013 | 04:42 AM
الافضل والاضمن تحللي دم
والله يقدم اللي فيه الخير
والله يقدم اللي فيه الخير
م
12-05-2013 | 04:49 AM
طيب عزيزتي انتِ بتقولي انه الدورة ما اجتك ولا مرة من بعد ولادة ابنك
طيب لوكان فيه حمل مش لازم يكون فيه مؤشرات مثل الوحم وكبر البطن
هل لاحظتي شي من هذا القبيل ؟
اذا كان الجواب لا معناها انك مش حامل وبترضعي نظيف لكن الدورة راح تجيكِ قريب
والأفضل التحليل في المستشفى للتأكد
طيب لوكان فيه حمل مش لازم يكون فيه مؤشرات مثل الوحم وكبر البطن
هل لاحظتي شي من هذا القبيل ؟
اذا كان الجواب لا معناها انك مش حامل وبترضعي نظيف لكن الدورة راح تجيكِ قريب
والأفضل التحليل في المستشفى للتأكد
أ
12-05-2013 | 10:54 AM
اكليل الورد85;16500964:
ما عندي فكرة بصراحة بس ما حبيت اطلع من غير ما ارد
اختى احسن شي راجعي دكتورتك حتى تقطعي الشك باليقين
مشكورة اختي العزيزة على الرد .. الله يقدم اللي فيه الخير و الصلاح :)
أ
12-05-2013 | 10:59 AM
عيون القطة;16501321:
حللي دم افضل لكي ترتاحين من التفكير
Um fατσσм;16501321:
الافضل والاضمن تحللي دم
والله يقدم اللي فيه الخير
هل تحليل الدم بيعطي نتيجة أكيدة الحين ؟؟ عموما هذا اللي بسويه لو استمرت الأعراض اللي عندي بس أخاف يكون ايجابي و موعد اسناني قريب جدا :|
أ
12-05-2013 | 11:08 AM
ماذا اقول;16501362:طيب عزيزتي انتِ بتقولي انه الدورة ما اجتك ولا مرة من بعد ولادة ابنك
طيب لوكان فيه حمل مش لازم يكون فيه مؤشرات مثل الوحم وكبر البطن
هل لاحظتي شي من هذا القبيل ؟
اذا كان الجواب لا معناها انك مش حامل وبترضعي نظيف لكن الدورة راح تجيكِ قريب
والأفضل التحليل في المستشفى للتأكد
نعم حبيبتي الدورة ما جاتني من وضعت ابني لكن الأعراض اللي ذكرتها ما حسيت فيها الا مؤخرا و هذا اللي استغربته .. يعني حتى لو كان في حمل بدري ع الوحم و كبر البطن .. اللي شككني ان الاعراض اللي عندي مثلها كانت عندي بحملاتي السابقة .. لكن التحليل المنزلي كان سلبي و لا أدري اذا كان تحليل الدم او حتى الأشعة بتعطي نتيجة أكيدة و صحيحة .. خصوصا ان الدورة ما جاتني يعني لو في حمل ما اعرف متى صار :hysterical:
مشكورة اختي على الرد الله يجزيك الخير :)
أ
13-05-2013 | 04:10 AM
الله يريح بالك
i
13-05-2013 | 02:28 PM
تحليل الدم عادةً مضمون ..بس اذا تبين سوي اشعة لازم ببين الكيس مال الحمل اذا كان موجود
ا
19-05-2013 | 03:00 PM
انا ع ما اتوقع انه الدورة قريب تجي فهاذي مقدماتها والالم الشديد المشابه للحمل وكل هالاعراض ممكن بسبب انها قطعتك شهور والحين تجي بالجملة هالالام !! عن نفسي قطعت عني كم شهر وكنت ياحلاوة احسن بألم الدورة لما يحين وقتها بس خفيف وعادي ولكن بمجرد انها بتجيني شكيت بعمري اني فعلا حامل !! وشيكت وسبحان الله ظليت شهر كامل معاناة ألم ونغزات ويازعم احسن نبضات بعد هههههههههه بس بالنهاية كانت الاخت مشرفتني وكانت هاذي مقدماتها لانها تفضلت علي وماجات كم شهر وطبعا بعد ماجات صار الالم الشديد هو المعتمد ! فاتوقع انه حالتك جذي ولكن عشان تتأكدي سوي تحليل دم وتأكدي عشان تتطمنين أكثر ...