مشكلتي مع اهل زوجي وولدي

الاطفال قدرات
وكل طفل تختلف قدراته عن الثاني
دلكي رجوله بزيت زيتون وسوي مساج قبل النوم
وبيمشي وبيركض ان شا الله
وما عليكي من كلام الناس صح يجرح بس لا تحطين بالك
صعب بس مالك الا الصبر

السلام عليكم ورحمة الله وبركاته
غاليتي بعد التأكد انه لايعاني من نقص كالسيوم ولاتوجد اي مشكلة صحية الحل سهل لكن يحتاج وقت
ساعدي ابنك على السير هذه الطريقة جربتها مع ابن وحدة اعرفها
علقي لعبته المفضلة على عربته على ذراع العربة
بحيث تكون اللعبة امام طفلك وعلى مسافة
فتكون اللعبة حافز ليصل ابنك اليها وساعديه على السير وكلمايخطو خطوة ابتسمي بوجهه وشجعيه وصفقي له بحيث يعرف انه تصرف تصرف صحيح
وساعديه ان يتكأ على الكنبات اي يسير ويتكأ بيديه على الكنبات الى ان يسير
والمدة التي ذكرتيها عادية يعني لم يتأخر ولدك كثيرا بالمشي
وحاولي تمرينه يوميا ولايهمك كلام اهل زوجك
اهتمي بأن تكون صحته جيدة هذا هو المهم وتفريقهم بالمعاملة ليس لكونه لايسير للأن بل لأنهم يفرقون (التفرقة مصيبة)
ان شاء الله تبشرينا بأن ابنك صار يسير
وان شاء الله يأتي يوم ويركض ركض
سلامي
اختك لارسا بغداد

اختي لارسا ماقصرت

الله يسسعدها

في اطفال يمشون في الشهر 17 وعادي وفي الي بيمشون بالسنتين وعادي والله بس الحق عليكي شوي لازم تدربيه انه يوقف بدون دعم ويمشي نحوك ولا تخديه عند اهلكم لين ما يصير يمشي لانه الاطفال بيحسو حتى لو ما بيفهمو الكلام وكلام الاهل ممكن يزيد تاخره صدقيني ابنك طبيعي بس لانه بيحبي مستانس بالارض انتي دربيه عالوقوف ورح تشوفي انا بنتي لما صار عندها 11 شهر وهي لسة بتحبي ومو ناوية تمشي كنت ادربها ع المشي بدون مساعدة كل يوم ومشت في الشهر 12 الحمد لله

اختي العزيزة ,, انا اقولك طنشي الكلام ! ابنك طبيعي وأطباع الاطفال تختلف ! فيه اللي يخاف وفيه اللي بطبيعته جريء وفيه وفيه وفيه ,, ومثل ماقالوا الاخوات المشي المبكر ابدا مو دليل تفوق او شي عظيم وانما مجرد قدرات .. فمثلا بنت اختي مشت ع السنة ماشاء الله عليها واما اخوها ع السنة ونص وبعد يخاااف ويالله ع السنتين بدأ شووية يتعود ...

الطريقة اللي اشوفها نفعت مع بنتي هي التشجيع المستمر وحتى لو طاحت اخليها بروحها ترد تشيل نفسها عشان تتعلم وعشان ماتخاف وطبعا الصبر وما تستعجلين عليه يعني عطيه وقته بالاخير بيمشي ان شاء الله وبتنسين هالايام ...

حبيبتي الله يحفظ لك ابنك ويقر عينك به
وبالنسبة لموضوع المشي خذيه لطبيب ضروري
هو طبعا في أطفال بتتأخر لسن سنة ونصف لكن الحرص أفضل
خلي طبيب يشوفه يمكن محتاج كالسيوم أو فيتامين د
وطبعا كل طفل بيختلف عن الآخر وموضوع نموه الجسدي مش بيدك دي حاجة بيد ربنا سبحانه المهم تطمئني عليه عند طبيب أطفال
وبالنسبة لأهل زوجك الله يعينك عليهم .. طفلك مشي او لا مش من شأنهم ولا حاجة تخجلي منها وتداريها عليهم
ربنا يفرحك به قريبا بإذن الله

مشكورات حبيباتي

والله ردودكم أسعدتني وهونت علي وايد

ولدي يوقف بووحه ويمشي خطواتبعد يعني يقدر بس يخاف يمشي مسافات بعني يوقف يمي ويمشياربع خمس خطوات ويجي يحضني

بس صار له ثلاث اشهر ع هالحال مب متشجع يمشي عدل شسوي تعبنا نشجعه هو يصفق لروحه ويجي يحضني هههههه بس مب متقبل يمشي صج

ماباخذه بيت زوجي ابدا عشان ما يحس انه اقل من غيره فب شي بس ام زوجي نوعما زعلانة لان تبي تجوفه :(

دام انه يمشي خطوات بسيطه الحمدلله مع الايام بيتحسن ولاتصييرن حساسه مع اهل زوجك بالعكس مع لمة الاطفال وبيشوفهم يتمشون بيحاول يقلدهم وهذا بحد ذاته يشجعه اكثر عالمشي

الموضوع كلللش عادي

الاطفال قدرات

تحرمين جده ان تشوف ضناها على انه مامشي

لا تفكرين في هذ الموضوع

نصيحة لاتخلي كلام الناس ياثر علىنفسيتك وأهم شي انتي وزوجك تحبو ولدكم

مشكورات حبيباتي

ولدي الحين الحمدلله ماشاء الله صار يمشي مسافات لحاله :)


ووديناه حق يدته بعد :)

الحمدلله وقرة عينها ماما عودة ,,, خليه ع راحته وبتشوفينه يراكض مو بعد يمشي الله يخليه ويحفظه يااارب ...

ربنا يحفظه لك ويبارك فيه ويقر عين أهله به

تسلمون حبيباتي الله يحفظكم

التفاحة الجناوية تسلمين حبيبتي بوجه نبيج

اختي الوضع طبيعي والاطفال مو كلهم سوا وانتي المفروض ماتقولين لهم انه بيمشي
صراحه الموضوع مايستاهل اني اكذب واقلل زيارتي لاهل زوجي