حبايبي وين تشوفونه أحسن تأجير الفستان أو تفصيله

:up:تاجير وفكي روحج منه ماراح تلبسينه بعدين :shy:هذا رايي

يسلمو حبيبتي دايما عروس على مشاركتج


وردج

ودايما عروس بإذن الله:up:

احلام الغالية انا انصحج اتسوين بس بسعر معقول

اما التاجير بعد غالي مش ووايد رخيص:up:

تاجييييييييييييييييرو بسسسسسسسسسسسس


والله اوفر واحسن:up:

لانه مع الايام ما راح تلقييين له مكان بخزانتك

ويضيق عليييك وما تلقيين من ياخذه:::up

بالنسبة لفستان الخطوبة والملجة أفضل إنه يكون تفصيل ترا ممكن يتلبس في أكثر من مناسبة..وأما فستان العرس أفضل تأجير لانه صعب تردين تلبسينه مرة ثانية!! :sad:
ولو دورتي بتلقين اللي يناسبج وبأسعار زينة إن شا ءالله..


تحياااتي..

قطرة_مطر:shy:

أنا مع الأخت قطرة مطر في رايها ،، حق الملجة التفصيل أفضل
بس حق العرس أجري لج فستان و فكي روحج.

التمساحة

كلام مضبوط صح التفصيل للتفصيل بسعر معقول لفستان الملجة

تسلمين



نورا2000

التأجير أوفر مثل ما قلتي عزيزتي

لكن هذي أول مناسبة لي وللأهل يعني خزانتي فاضية من فساتين:cool2:


قطرة_مطر

صح كلام لا غبار عليه خلاص أنا بفصّل إن شاء الله

بس لازم من الحين أدور على قطعة غير عن مركز البستان ما أبيه

لأني ماخذة حق عرس اخوي


الحين أريد قطعة من وين؟ برجمان واللا الغرير؟ (اما المنال فما عجبوني

وبعدين وين أسوي الموديل؟

أفكّر أسوي في سرابيل سعرهم معقول لكن لأني مسوية عنده لعرس أخوي
فأخافه ما يغيّر الحركات حقه

شو رايكم ؟



حاملة القرنفل

يسلمو على الرد الطيب

هلا حبيبتي

الغاليه انا احس لو الوحده تحصل للايجار لها شي حلو وفخم للملجه احسن من التفصيل.... وبما انج قررتي تفصلين حبيت اقولج انه احسن القطع بتلقيها في الغرير وشارع الرقه احلى القطع.. وعلى فكره الحي نازل قطع الدانتيل المشغوله سمعت انها وايد حلوه بس للحين ما شفتها..

وقل لا تشترين القطعه سيري للمصمم وخليه يراويج الموديل ويقولج كم وار بتحتاجين..

والله تبين نصيحتي الحينه فساتين الأعراس إذا بتخيطينهن أقل فستان مب أقل عن 25 أو 35 ألف و الأحسن أنج اتأجرين مب اتفصلين......لانج بتلبسينه مره وحده بس.......والله حرام الخساير و انتي داخله حياة يديده ويا ريلج.......في مصاريف أهم..........


و إذا تبين اتأجرين انا اربيعتي عرسها بعد العيد إن شاء الله و امسويه فستان وايد حلو عند مصمم............إذا القياس مناسب لج أجري من عندها و تراه يديد...........

وعليكم السلام

اختي أحلام .. انا اشجعك تفصلين فساتينك ولا تأجرين
خاصه فستان الزواج .. كلها ليله وحده بالعمر وفرحه وحده
فلا تبخلين على نفسك .. والفستان خليه ذكرى عندك يشوفونه أولادك:smile:

وعلى البركه

صح إنتي لازم تختارين الموديل قبل عقب على أساسه إشتري القطعه..وبعد لو سرتي بوظبي بتلقين قطع عجيييييبة والله بتحصلين في أبوظبي مول ماذكر إسم المحل بالضبط بس أظنه العيسائي مكانه مقابل الجعيدي تقريبا..وعندج بعد في السوق الجديد بتلقين هناك محلات راقية بس في محل مكانه في الزاوية بالصدفة إكتشفته لكن للأسف ماذكر والله إسمه بس عنده قطع مسكته والله نفس إللي إيبونها في عروض الازياء..خذيت من عنده يوم عرس أختي..وإنتي شوفي


تحياااتي..

قطرة_مطر:shy:

كاتب الرسالة الأصلية : aldrqa
هلا حبيبتي

الغاليه انا احس لو الوحده تحصل للايجار لها شي حلو وفخم للملجه احسن من التفصيل.... وبما انج قررتي تفصلين حبيت اقولج انه احسن القطع بتلقيها في الغرير وشارع الرقه احلى القطع.. وعلى فكره الحي نازل قطع الدانتيل المشغوله سمعت انها وايد حلوه بس للحين ما شفتها..

وقل لا تشترين القطعه سيري للمصمم وخليه يراويج الموديل ويقولج كم وار بتحتاجين..

أي مصمّم أسير له ويراويني الموديل عقب يخيّط

بعضهم بالقطعة يقدرون يظهرون موديل

شو رايج ؟

بالنسبة لفستان الملجة .. الأحسن أنج تفصلينه لانه بيكون ذكرى حلوة وممكن تلبسينه بعدين :up:


أما فستان العرس فأنصحج نصيحة أخوووية أنج تأجرينه بدل ماتفصلينه .. وايد أحسن وأوفر .. لأنه ماينلبس حق كم ساعة وبعدين ماترجعين تلبسينه مرة ثانية

مادري إذا عندكم نفس عندنا .. أحنا عندنا محلات تفصل الفستان على حسب ذوقج والتصميم اللي تبغينه وبعدين تأجره عليج .. يعني تضربين عصفورين بحجر واحد (( فستان على ذوقج وتصميم مالبسته عروس من قبل .. وفنفس الوقت أوفر )) :up:


أنا بنت عمي وايد تلعوزت مع فستانها يوم سوته لأنها شرته وماأجرته .. وتعبت وهي تدور بنات يأجرونه منها .. وأخر شيء رمته فالزبالة !! :confused:


و بالتووووووفيق لج انشالله ياعزيزتي احلام .. وألف مبروووك مقدما :smile:

نصيحتي لج أنج أتفصلييين وهذي ليله وحده في العمر يعني لازم تكونيين لابسه شي مخنلف وحلو ومن ذوقج وتكونيين تاعبه فييه ... يعني ماتلبسين شي ملبووس ... وهذا رايي ...:smile:

انا رايي من راي البنات .. حق الخطوبة او الملجة تفصيل بسعر معقول .. بس العرس أجري و ريحي نفسج لا تسوين نفسي .. انا كنت بأجر و لأخر لحظة مصرة على رايي .. بس الوالدة الله يهداها اصرت اني اشتريه و حاولت معاها و زعلت علي لانها فاكرة اني قاعدة اوفر على المعرس .. مع اني والله كان كل غرضي اني ما اتلعوز فيه .. و من شريناه و لي الحين و هي متحسفة .. لانه ماله مكان وماله استخدام مره ثانية .. هذا غير اني عقب ما راح البسه بالعرس ان شاء الله لازم كل فترة اوديه مصبغه عشان لا يتغير لونه و يصير اصفر و طبعا لو بتدورين احد ياخذه ما راح تحصلين .. يعني باختصار متعب و ما منه فايدة عقب العرس .. فتوكلي على الله و اجري و ريحي نفسج ...