السلام علبكم ورحمة الله وبركاته
كيف حالك دكتورة إن شاء الله بخير
بغيت أستفسر عن أفضل وقت لعمل تحليل الهرمونات لأن عندي مشكلة حب الشباب
عادي أعمل التحاليل أي يوم والا في أيام معينة من الدورة ؟ أنا أذكر لما زوجة أخوي تتعالج
حق الحمل ويبون يعملون لها تحاليل يطلبون منها تعمل تحليل ثالث يوم من الدورة مثلاً
طيب لو عملت التحليل قبل الدورة أو رابع أو خامس أو آخر الدورة مثلاً مابتعطي نتيجة صحيحة
مثل ثالث يوم ؟ آنه عملت التحاليل من فترة وقالت لي الدكتورة هرموناتج مضبوطة
كان هرمون الحليب مرتفع شوي ثم صار طبيعي .. آنه بصراحة ما اقتنعت بكلامها لسببين
لأني ولا مرة عملت تحليل هرمون الحليب إلا هالمرة شلون عرفت كان مرتفع عقب نزل
بعدين هو هرمون مب تخطيط قلب علشان تجوفه يطلع وينزل .. يا إما يظهر عندها
إنه مرتفع أو نازل أو طبيعي .. مب يظهر كان مرتغع شوي عقب صار طبيعي .. صح ؟
والسبب الثاني إني قاعدة ألاحظ على نفسي أعراض تقول إن شي في جسمي مب طبيعي
بس وش هو هالشي مادري .. الأعراض هي إن من سنة ونص تقريباً لاحظت إن دورتي مب منتظمة لمدة سنة كاملة عقب أهملت الموضوع قلت مادام صار لها سنة مب منتظمة شكلها بتظل
على طول مب منتظمة .. في هذا الرابط بتعرفين شلون اكتشفت إن دورتي مب منتظمة
http://forums.3roos.com/3roos_post15988876-132/
وخلاص أهملت الموضوع تقريباً سنة صرت ماعاد أراقب دورتي قلت هي متخربطة متخربطة
وأحياناً قبل الدورة بأسبوع تقريباً تظهر لي رائحة عرق مع إني ماأطلع برا البيت ولا في الشمس
حتى في البيت ما أتحرك وايد يعني ما أبذل جهد بحيث تطلع لي رائحة .. وتطلع لي رائحة بدون
ما يعرق جسمي ولا في عرق في منطقة الإبط .. تخيلي .. مجرد رائحة وأغسل جسمي
وبعد ساعتين مثلاً تطلع لي رائحة عرق مرة ثانية .. أحياناً تستمر أثناء الدورة لكن الغالب
تختفي أثناء الدورة وأحياناً ترجع بعد ما أطهر من الدورة وأحياناً ماترجع
بالإضافة إلى إن كمية الدم صايرة قليلة عندي مو مثل قبل .. حتى في أول يوم مايكون التدفق غزير
قبل كان الدم غزير اول يوم وخامس يوم يبدأ يقطع الدم .. حالياً ثالث يوم يبدأ يقطع الدم
بالإضافة إن أسناني كلها صايرة تهتز بشكل ملحوظ المسوسة منها والسليمة ولما قلت للدكتور
أسناني صايرة تهتز يمكن في إلتهاب باللثة قال لا مافي إلتهاب يمكن خلل في الهرمونات
يعني لو كان السبب من السوسة أو إلتهاب في اللثة كان اكتشف بروحه بدون ما أقول له
رحت حق دكتورة ثانية أخصائية جلد قالت لي اعملي تحاليل للهرمونات واعملي أشعة فوق صوتية للمبيضين قلت لها عملت تحليل للهرمونات وطلبت من الدكتورة السابقة أشعة فوق صوتية وقالت لي أول نجوف نتيجة الهرمونات ثم نقرر نعمل أشعة فوق صوتية أو لاء ولما طلعت النتيجة
قالت لي هرموناتج طبيعية ماتحتاجين أشعة فوق صوتية وقلت هالكلام لإخصائية الجلد
قالت لي ارجعي لها وخليها تعمل لج تحليل هرمونات وأشعة فوق صوتية
آسف طولت عليج لكن حبيت أوضح حالتي بالضبط علشان تنصحيني النصيحة الصحيحة بالضبط
وش مشكلتي بالضبط و وش العلاج ؟ ومتى أفضل وقت لعمل التحاليل وإذا عملت التحاليل
في غير هالوقت هل ممكن يظهر عند الدكتورة غن هرموناتي طبيعية ومافي أي مشكلة ؟
وشكراً لج جزيل الشكر وبارك الله فيج ولا حرمج الأجر
د.غي عينيك عنواني .. أرجو أفادتي عن أفضل وقت لتحليل الهرمونات
أ
26-04-2013 | 05:54 PM
أ
26-04-2013 | 10:42 PM
السلام عليكم ورحمة الله وبركاته
تذكرت شي ثاني مادري له علاقة بالحبوب
اللي في وجهي وخربطة الهرمونات أو لاء
ألا وهو من سنتين أو سنتين ونص اكتشفت
ان الغدة اللمفاوية على ما أعتقد لأنها صايرة
تحت الفك وأعلى الحلق مادري الرقبة
مادري شلون أوصف مكانها بالضبط أتمنى فهمتي قصدي
المهم إن هالغدة منتفخة شوي تقريباً بكبر حبة الحمص
أو أكبر شوي وما تألمني .. رحت للدكتورة و فحصت فمي
من داخل والحلق والحمد لله مافي مشكلة ولا إلتهاب
و وصفت لي مضاد حيوي أربع مرات باليوم قبل الأكل بساعة ولمدة
أسبوعين على ما أظن وقالت لي إذا ما صغر حجمها ارجعي لي
وفعلاً ما صغر حجمها ولما رجعت لها قالت لي يمكن من حب الشباب
و وصفت لي أدوية صابونة ومطهر و مضاد حيوي وقالت لي إذا
ما اختفت الحبوب ولا خف الإنتفاخ ارجعي لي بعد ما اختفت ولا صغر حجمها
آنه ماكنت مقتنعة بعلاج حب الشباب لأني أعرف إنه لو اختفى بيرجع
مرة ثانية لكن قلت خلني أسمع كلام الدكتورة وآخذ كل العلاج علشان
لايكون التقصير مني وتعرف الدكتورة تعالجني صح .. خفت الحبوب شوي
لكن ترجع تظهر مرة ثانية وحجم هالغدة ماصغر ولا شي
عقب صارت عندنا الأحداث في البحرين وانشغلو كل دكاترة المستشفى
بحالة الطوارئ ومن بعدها ماضيت أروح للدكتورة مرة ثانية
فهل هذي الغدة اللمفاوية ؟ وهل ممكن تؤثر على الهرمونات وتكون
هي السبب في خربطة الهرمونات وظهور حب الشباب
تذكرت شي ثاني مادري له علاقة بالحبوب
اللي في وجهي وخربطة الهرمونات أو لاء
ألا وهو من سنتين أو سنتين ونص اكتشفت
ان الغدة اللمفاوية على ما أعتقد لأنها صايرة
تحت الفك وأعلى الحلق مادري الرقبة
مادري شلون أوصف مكانها بالضبط أتمنى فهمتي قصدي
المهم إن هالغدة منتفخة شوي تقريباً بكبر حبة الحمص
أو أكبر شوي وما تألمني .. رحت للدكتورة و فحصت فمي
من داخل والحلق والحمد لله مافي مشكلة ولا إلتهاب
و وصفت لي مضاد حيوي أربع مرات باليوم قبل الأكل بساعة ولمدة
أسبوعين على ما أظن وقالت لي إذا ما صغر حجمها ارجعي لي
وفعلاً ما صغر حجمها ولما رجعت لها قالت لي يمكن من حب الشباب
و وصفت لي أدوية صابونة ومطهر و مضاد حيوي وقالت لي إذا
ما اختفت الحبوب ولا خف الإنتفاخ ارجعي لي بعد ما اختفت ولا صغر حجمها
آنه ماكنت مقتنعة بعلاج حب الشباب لأني أعرف إنه لو اختفى بيرجع
مرة ثانية لكن قلت خلني أسمع كلام الدكتورة وآخذ كل العلاج علشان
لايكون التقصير مني وتعرف الدكتورة تعالجني صح .. خفت الحبوب شوي
لكن ترجع تظهر مرة ثانية وحجم هالغدة ماصغر ولا شي
عقب صارت عندنا الأحداث في البحرين وانشغلو كل دكاترة المستشفى
بحالة الطوارئ ومن بعدها ماضيت أروح للدكتورة مرة ثانية
فهل هذي الغدة اللمفاوية ؟ وهل ممكن تؤثر على الهرمونات وتكون
هي السبب في خربطة الهرمونات وظهور حب الشباب
د
05-05-2013 | 07:44 PM
اعتذر عن تأخير الرد ..سوف ارد في وقت لاحق لاني داخلة على السريع
أ
05-05-2013 | 08:49 PM
السلام عليكم ورحمة الله وبركاته
ولا يهمك دكتورة اخذس راحتك
جزاك الله خير ولاحرمك الأجر
ولا يهمك دكتورة اخذس راحتك
جزاك الله خير ولاحرمك الأجر
أ
11-05-2013 | 09:13 PM
السلام عليكم ورحمة الله وبركاته
دكتورة خطر في بالي كم سؤال
سامحيني كثرت عليكي الأسئلة
السؤال الأول هل في علاج نهائي للهرمونات وحبوب الشباب
أظن مافيه صح لأن الهرمونات شي داخل الجسم مانقدر نتحكم فيه
ممكن ترجع طبيعية لفترة ثم ترجع تتخربط صح ؟
السؤال الثاني مش كل الناس تطلع لهم حبوب في سن المراهقة صح ؟
في ناس ممكن يتأثر جسمهم وهرموناتهم وتطلع لهم حبوب وناس لأ صح ؟
يعني هم يكون جسمهم له قابلية لخربطة الهرمونات صح ؟ أشوف صديقاتي
وزوجات أخواني ماتطلع لهم حبوب مع إننا متقاربين في العمر
آخر سؤال هل في أنواع من الحبوب تؤدي إلى خربطة الهرمونات
وظهور الحبوب ؟ اذا في وش اسم هذي الأدوية ؟
اخذي راحتك دكتورة متى ماتردين مش مشكلة أبداً
وآسفة طولت عليكي بالكلام وكثرت الأسئلة
وشكراً جزيلاً جزيلاً على صبرك علي هههههه
دكتورة خطر في بالي كم سؤال
سامحيني كثرت عليكي الأسئلة
السؤال الأول هل في علاج نهائي للهرمونات وحبوب الشباب
أظن مافيه صح لأن الهرمونات شي داخل الجسم مانقدر نتحكم فيه
ممكن ترجع طبيعية لفترة ثم ترجع تتخربط صح ؟
السؤال الثاني مش كل الناس تطلع لهم حبوب في سن المراهقة صح ؟
في ناس ممكن يتأثر جسمهم وهرموناتهم وتطلع لهم حبوب وناس لأ صح ؟
يعني هم يكون جسمهم له قابلية لخربطة الهرمونات صح ؟ أشوف صديقاتي
وزوجات أخواني ماتطلع لهم حبوب مع إننا متقاربين في العمر
آخر سؤال هل في أنواع من الحبوب تؤدي إلى خربطة الهرمونات
وظهور الحبوب ؟ اذا في وش اسم هذي الأدوية ؟
اخذي راحتك دكتورة متى ماتردين مش مشكلة أبداً
وآسفة طولت عليكي بالكلام وكثرت الأسئلة
وشكراً جزيلاً جزيلاً على صبرك علي هههههه