نظمي بيتك معي خطوة بحطوة

السلام عليكم يا احلى عراااااااااايس F:F:
اشتقت للمنتدى كتير كتير, سبحان الله صدق يلي قال الحياة تلاهي.:p

اكيد كل وحدة فينا سواء كانت متزوجة او لسا بنوته بتحب البيت المرتب و النظيف. و طبعا الجو الهادي و النظيف بيخلي اعصابك هاااااااااادية و بيبعد التوتر عن البيت ان شاء الله :)
و لانه بنات عروس حبايب قلبي حبيت اشارك معكم شوية افكار بسيطة ممكن تساعدك تنظمي بيتك و حياتك ان شاء الله. و اذا التفاعل حلو ان شاء الله بكمل معكم بأفكار زيادة. و لا تنسونا من صالح الدعاء F:

طيب نبدأ بمقدمة بسيطة و بعديها فكرة اليوم
حبيبت قلبي ممكن تكوني كل يوم ما بتهدي زي النحلة تنضيف و مسح و تلميع بس النتيجة مو مبينه... كتير بسمع ستات بتشكي انه طول اليوم شغل و على الفاااااااااااااااااااضي .... طيب اتفرجي حواليكي بالله عليكي لو بتحضري لنهايه العالم ما بيكون عندك هالكم الهائل من الاشياء... كل مكان اغراض و العاب و مليون تحفة و ميه بلوزة و اغراض اغراض اغراض...:-#
كل الكراكيب هاي بالاضافة للفلوس يلي دفعتيها عليها. اولا كل ما زادت الكركبة كل ما ارتفعت نسبه التوتر عندك و انتي و لا حاسة على حالك. و اكيد مع كتر الاغراض حتى انت بتبطلي تتزكري شو عندك. كم مرة اشتريتي بلوزة و نسييييييتي انها عندك ؟؟؟ حتى ممكن تروحي تشتري نفسها و انت مو عارفة ( هذا فقط مثال بسيط)
طيب غير النفسية يلي بتتعب اولادك رح يتعودوا على الفوضى. لا تحكي راح صوتي و انا احكيلهم رتبوا.. لا يا ماما القاعدة و اضحة الطفل ما اله بالكلام الطفل بيطبق افعالك و بيتأثر بالبيئة المحيطة و اذا انت بدأت تتغيري ان شاء الله كمان اطفالك و زوجك بيتغيروا. و زي ما بيقول المثل ابنك على ما ربيتيه و زوجك على ما عودتيه.
كمان سبب مهم و هو انه قد ما تنظفي و تمسحي وتلمعي البيت الخالي من التنظيم صدقيييني ما رح يبين فيه التعب..
بعد المقدمة الطوووويله ( بحكي كتير الله يعينكم ) .:p
طيب من وين نبلش؟؟؟؟ نبلش يا عمري بخطوات بسيطة يعني بيبي ستيبس. كل يوم رح نلعب لعبة حلوة اسمها لعبه ال 27 غرض.
اول اشي بتجيبي كيسين واحد للزباله- الله يكرمكم- و واحد للاغراض يلي رح تتبرعي فيها. يللا يا حلوة خديلك لفه و لااااااااااااااااااااااازم تلمي على الاقل 27 غرض ( ما بين للكب و للتبرع) و ممكن تعطي اولادك اكياس و يشاركوك بغرفهم و هاي العملية بتعمليها كل يوم.... انا بلشت كل يوم و بعد فترة صرت كل اسبوع اول بأول و هلأ صراحة بستصعب الاقي 27 غرض لانه برتب اول بأول. طيب الكيس الاول بنكبة و التاني علللللللللللللللى السريع اتبرعي فيه. المهم مش نحطه بالزاويه و ننسى

بحب اضيف ملاحظه و هي انه كتير منا بيصيبها احباط لانه بنتمنى نتائج سرررررررررريعة... يا قلبي اي عادة حتى يكتسبها الانسان يحتاج ان يمارسها على الاقل شهر و حتى بعضهم بيقول ثلاث اشهر... ممكن نلم 27 غرض بس الدنيا لسا قايمه و البيت مكركب ... بس انت شوي شوي و العمليه كلها ما بتاخد منك ربع ساعة...بس 27 على 27 بتلاقي البيت زي الفلة ان شاء الله.. توكلي على الله و انوي التغيير للأفضل و خليك ايجابية

طبعا هاي مجرد وحده من الافكار يلي بطبقها و ان شاء برجع بالمزيد من الافكار عن التنظيف و الترتيب
ما تنسوني من الدعاء F:F: