ابي استقر لوحدي تعبت من المشاركه ساعدوني بارئكم

ماشاء الله تبارك الله زوجك ونعم الزوج
الا مافيه خير لاهله مافى خير للناس
طيب اختى انتى لن تسكنى معهم ستكون لكى شقه لوحدك هذا يعنى انك مستقله فى بيت
اما اخواته والطلعات اعتقد ان زوجك اهو الاخ الاكبر لخواته / او المقرب لاخواته وهو شى طبيعى ممكن تعزميه او تطلبين الذهاب لوحدكم ----تقبلى موضوعى بصدر رحب

حبيبتي ان شاء الله اذا الله انعم ع زوجك بالايام الجاية راح تستقلون ببيت كامل مكمل لك ولزوجك ولاولادك اما الحين فارضي بالقليل حتى يجيك الكثييير ,, كل زوجين ببداية مشوارهم دام انهم ما انولدوا وبفمهم ملعقة ذهب لابد انه تتعسر عليهم شوية لحتى يتعلمون ويتعرفون ويتعودون على بعض زين مازين وبهالظروف تبين معدن الرجل والمرأة تمام فعليك بالصبر وشجعيه ع هالأمر وصدقيني اللي بسويه الحين راح يريحك لباقي العمر ! يعني تخيلي مثلا اخذ هالارض وبناها لك وهم متضايقين بالسكنة وممكن تصير مشاكل بالمكان اللي هم فيه فيضطرون يجون عندك وتنضغطين وحالة ويخترب برنامجك وروتينك كله وبعدها تصير سالفه قسمة البيت فهل بتفرحين او بتتضايقين ؟؟ ...

شجعيه ع هالموضوع لان مهما يكون ذلين اهله ودامه مقتدر وهم بحاجه اذن شالمانع انه يساعد ؟ ودام انه لك شقه تسرح فيها الخيل لك حلال زلال اذن مافي اي مشكلة وان شاء الله بالمستقبل تستقلون ببيت كامل فاصبري وان شاء الله بتنولي ...

بالنسبة لموضوع الطلعات بكل بساطة تقدرين تخبرين زوجك برغبتك بكل هدوء ورومنسية انه خاطررك تطلعون لحالكم وانه في امور خاصه ودك تقوليها له والخ ,,,

بالنسبة لاخواته ممكن لانه المقرب لهم وممكن لانه متزوج اذن يكون مقرب اكثر ويقدرون يطلعون معاه دامه مع زوجته ,,, اللصقة الزايدة مو حلووة بنظري ولكن اعذريهم لان الشاب العازب عادة مايكون متواجد بالبيت بكثرة لحتى يطلبوا منه طلباتهم بعكس الرجل المتزوج يكون أغلب وقته بالبيت ....

هلا والله آختي ...
من جد صعبه وقههر فاهمتك والله بالعكس اهله وفيه الخير والبركه مو على الطلعات لش وقتش وله اهله وقت والنعم بالزوج اللي يطلع اهله ويسئل بس بحدود مو اني اكنسل طلعات زوجتي عشان اهلي بيقولك امي قولي له كنسل كل طلعاتي عشان امك تستاهل بس اشويه خواته لا والله مو كل شي بيشاركوني ... شوفي مالك الا يوم اعزميه على المطعم او كوفي وجلسي وياه فضفضي وصيحي وطلعي كل شي قولي له انا احبه اهلك وطلعهم وكذا بالعكس بس حس فيني عاتبيه بس بطريقه حلوه قولي له ودي تكون طلعات لي ولك ولعيالناهـ خلي الكلمات الرقيقه اكثر =)

والله يوفقش وبنتظارش ...

بالعكس افرحي وانبسطي بكره عيالك بيسون مثل ابوهم وساعتها بتذكرين حللو الواحد يصير قريب لاهله الي مافيه خير لاهله مافيه خير للناس
زوجك واصل باهله وهذا يرضي الرحمن مدام مافيه مشاكل ولا عز اهله عليك خلاص حلللوه اللمه والجمعه

السلام عليكم ورحمة الله وبركاته
اختي الغالية اماان تفكري بطريقة ايجابية او سلبية
التفكير الايجابي:
ستكون لكي ولزوجك شقتكم الخاصة فوق شقة اهله
زوجك متمكن ماديا
زوجك انسان حنون ويشعر بالمسؤلية
التفكير السلبي:
ستكون شقة اهله تحت شقتي وسيكون اهله معي وحولي
ياغالية اخواته عازفات عن الزواج عندي سؤال هل يعني انهن لايقبلن ان يتزوجن؟
هل عمرهن فوق ال 45؟
ان كان لا فتأملي ان تتغير الاحوال وان يرزق الله كل واحدة من اخواته زوجا صالحا فيصرفها عنك ولاتشعرين بان زوجك يشاركه بك الجميع
بالنسبة لأخوانه الشباب .بأي لحظة يتزوج كل واحد منهم وينشغل بزوجته واطفاله
لذاالتصاقهم بحياتكم انتي وزوجك هو مؤقت
لو اخبرك زوجك انه سيبني بيتا كبيرا واحدا يجمعك بكل اخوانه واخواته اقول ربي يكن بعونك
لأن خصوصيتك ستنعدم ولن تكوني مرتاحة داخل بيتك اذ ستظطرين للأحتشام وارتداء الحجاب 24 ساعة
لكن بماان شقتكم مستقلة عن شقق اهله حتى لو متقاربة فأن خصوصيتك ستكون مصانة
تمنياتي لكي بالسعادة والهناء
سلامي
اختك لارسا بغداد

اشكركم ع مروركم اختي لارسا خواته رافضات الزواج اعمارهم في الاربعين والثلاثين ،،، طيب حلو يكون فيه خير لاهله طيب ليه يفكر في سعادتهم اكثر مني كل شي حلو يجيببه لهم وانا مافكر حتى يهديني يشريلهم هدايا وانا امشي معه بالسوق ولا فكر يشري لي كل صيفيه ياخد اجازه يقول بطلع خواتي طيب ليه مافكر يطلعني قبلهم

انا ماقلت شي خله يحبهم ويهتم فيهم بعدين شايل ديون عاشانهم وانا الي ابيه انه يهتم في اكثثر احسني ولا شي

شي حلو في زوجج انه مهتم في اهله وبار فيهم ....
بس اكيد هالشي المفروض ما يكون على حسابج انتي

بس يعني السؤال.. ليش يبي يحط اهله في بيته واهم وين ساكنين الحين ؟؟



لو انه مكانج باشترط عليه .... البيت اللي راح يبنيه الطابق الارضي يكون حقي ... يعني قولي له انا ابي الطابق الارضي .... هالشي على الاقل بيحسسج ان لج بيت اكثر من لو بنى لج شقة فوق البيت ....



واذا قال ان امه كبيرة وماتقدر تركب الدرج ... يقدر يحط لها اسانسير ( لفت )

واذا قال ان هذا مكلف وكفاية عليه تكاليف البناء وغيره ... راح اقول له ان انا بفلوسي بركب اللفت .... . الواحد يشتري راحته اذا يقدر
.. وفي لفتات صغيرة تكفي شخصين ولا 3 مو غاااااااااااااااااااااااالية وايد .. يعني مقدور عليها وتتدبر

يا اختي اللي مافيه خير لاهله مافيه خير لاحد

اذكري الله وبعدين ليش تدعي عليهم

تخيلي انه اخوكي اي نعم نحنا ما نسوي لاخوي كذا بس ياريت كل الاخوان مثل زوجك

انظري للموضوع بناحيه ايجابيه