مشكلتي مع الدوام والارهاق .. شلون اكون نشيطه?

حبيبتي .. اول شي انتي ما قلتي لنا متى تنامين ؟
انتي في حاجة الى 7 ساعات نوم تقريبا في هذه الفترة العمرية

ظبطي المنبه لصلاة الفجر .. صلي و بعد الصلاة النوم دائما يكون اخف
فلي وقت الدوام اكيد راح تصحين

الافطار وجبة مهمة جدا .. ويا ريت لو تكون في البيت لو حتى تاخذين كوب شاي او حليب
و تاكلين في الدوام

العشاء لازم يكون خفيف و من وقت يعني حاولي على الساعة 7 او 7 ونص تكونين متعشية ومخلصة

هذا كل الي جا في بالي .. والله الموفق

التعب بالشغل لابد منه ولكن حاولي اولها تنام بوقت ابكر وبوقت الاجازة اسهري بمزاجك يعني لو كان دوامك ع السبع او الست فحاولي تنامين 10 او 9 بالليل لحتى تشبعين نوووم ....

ومثل ماقالت الاخت عشق وجبة الافطار مهمة جدا جدا وهي اللي تعطي الانسان الطاقة ,, ع الاقل اشربي لك كاس حليب ساخن وانتي بالسيارة وهي تسخن مثلا ؟ او كوجبة سريعه اخذي لك تصبيرة وكاس شاي حليب او حايب فقط من أحد المقاهي وانتي بالطريق ,, انا كنت حامل وببدايات حملي كنت كل مااروح للدوام شوي واطيح واحس نفسي تنقبض مع ضربات قلب وتعب مو طبيعي ولكن اكتشفت انه كاس حليب او حتى عصير حليب بالفراولة يسووي العجب العجااب يعني وانا بالسيارة اشرب لي واحد وخلص تجي طاقة عجيبة واذا بعد صارلي وقت اسوي لي سندويش يا بالليل واخليه بالثلاجة او الصباح وآكله مع العصير وخلص وانا ماشية شغلي ...

النقطة الثالثة عشان تصحصحين تمام ,, تسبحي بمااي مقارب للبارد شووية لحتى ينتعش جسمك ويشتغل المنبه تمام هههههههه زوجي يسوي هالحركة اذا كلش دايخ وفعلاا يصير له نشااط عجيب ...

جربي هالطرق وان شاء الله تفيدك ...

وآلله حتى آنـآ مثلج خخخخ ..

نـآمي بسسرعه ..
ويوم تقوميين آكلي كـآكـآو ولا آشربي قهوه شوي ... = )

حبيبتى من تجربتى قبل النوم سبحان الله33 والحمدلله 33 والله اكبر 34 وبعد الصلوات ايضا وكثرى منها والله اذا زدت ماراح تحسين بالتعب انا كنت كله تعبانه من الشغل وكسوله بدءت بالطريقه التسبيح والله ماحس بالتعب ولا انام الا قليل والحمد لله

السلام عليكم ورحمة الله وبركاته
من ملاحظاتي عن نفسي الامور التي تسبب نشاط
1.صلاة الفجر على وقتها
2.عدم النوم مباشرة بعد تناول العشاء
3.عدم السماح بحدوث الامساك (عند حدوث امساك تبقى سموم بالجسم تسبب تعكر المزاج وحبوب بالوجه وكسل وخمول ومرارة بالفم)
4.شرب قهوة الصبح
5.القفز كم قفزة ولعب تمرينات بسيطة يسبب النشاط
اماعن الاكلات التي تسبب النشاط والحيوية فعملت لكي بحث بالنت اتمنى ان يفيدك
1.يظاف ملعقة من زيت حبة البركة على كوب من عصير البرتقال غير السكري (ابو سرة )ويشرب على الريق ويكرر اسبوعين يفيد ذلك في تنشيط الجسم وعودة الجسم الى نشاطه المعتاد
2.التمر سريع التأثير في نشاط الجسم ويتم تناوله صباحا مع كوب حليب
3.نخالة القمح (الردة )اظافة 1 جم لكل وجبة طعام
مفيد في اعطاء الجسم الحيوية والنشاط وحفظه من الامراض
4.شراب النعناع يبعث القوة في الجسم
5.عصير الفراولة مقو ويساعد على بناء الانسجة
6.التين تعطى ثمار التين الطازجة والمجففة خاصة للأطفال والرياضيين لتقويتهم وتنشيطهم
7.المشمش فاكهة ذو قيمة غذائية وطبية عظيمة فهو مغذي ومنشط ويزيد من القوة الدفاعية في الجسم
اتمنى ان اكون افدتك
سلامي
اختك لارسا بغداد

يااااااخ حاسستك عم تحكي عني ... بس أنا وضعي أخف شوي
بنام من ال12 أو 1 ومو عد دوامي 9 يعني لازم أصحى 8
وهيك بكون آخدة كفايتي نوم مع هيك بضل أعمل غفوة حتى أصحى 8 ونص وركض متل حكايتك
بس أنا بفطر بالشغل ...

انه احس هالشي سببه نوعية شغلج !!

انا ايام الجامعة يبتدي دوامي من الصبح ( الساعه 8 ) وكنت اقوم الساعة 6 ..عشان اطلع الساعه 7 واوصل الجامعة الساعه 8 ...

بس كنت اروح نشيطة وارجع نشيطة ومو تعبانه واتم قاعدة مع بيتنا وكلشي عادي ماحس بتعب شديد .... وكنت انام تقريبا الساعة 11 ولا 12 ...



بعدين تخرجت واشتغلت في مكان بعد يبتدي دوامي الساعه 8 ... بس المكان كان اقرب من الجامعة.. فكنت انام الى الساعة 6 ونص واحيانا 7 .. واطلع الساعه 7 ونص تقريبا ...
بس وانه في الشغل احس بارهاق شديد جدا جدا .. وارجع البيت تعباااااااااااااااااااااااااااااااااااااانه ماقدر اسوي اي شي

اكتشفت ان السبب ان المكان اللي كنت اشتغل فيه عبارة عن قعدة عالكرسي الى انت ينتهي الدوام وارجع البيت ... عدد ساعات الشغل اللي كنت اشتغله فعليا ساعة ولا ساعتين بالكثييييييييييييييييييييييييييير ... كلش ماكان في شغل و المكتب كان هدوء محد معاي في المكتب وايااااااااااااام مرت اتم بروحي لين الموظفين يشرفون المكتب .. .كان ( الملل + القعدة الطويلة من غير شغل + مافي احد اتكلم معاه ) يعني وظعي كان كريه كريه كريه كريه جداااااااااااااااااااااااااا ... ترة القعدة الطويلة من غير شغل تعب نفسي جدا جدا ... وزيادة على هالشي المدير البايخ اللي كان عندي يعني مافي شي كان يشفع للشغلة اللي انه كنت اشتغلها ...

تعب في الدوام و تعب في البيت .. كنت احس ماعندي وقت حق اي شي .. ماعندي وقت حق اهلي حق ربعي ولا حتى على الاقل حق نفسي ...



حتى فترة التجربة ( 3 شهور ) ماكملتها معاهم وطلعت ..قعدت في البيت .. صج اهو ملل خصوصا ان انا متعودة اكون مشغولة في حياتي ... بس نفسيا ارتحت وجسديا وايد ارتحت


فانتي اذا شغلتج قاعدة تشتغلينها بس جذي تطقطقين فيها لين تحصلين شغله عدلة في مكان عدل ... انصحج لا اتعبين نفسج معاهم

لكن اذا المكان زين ومقررة تخلين هالشغلة للمدى الطويل في حياتج .. فلازم لازم من الصبح شربي مثلا حليب فراولة عشان يمدج بالطاقة .. ولا جوكلت مع كوفي ... يعطيج طاقة كبيرة


ولا اتمين قاعدة في مكانج طول الوقت ... كل ساعتين قومي تحركي .. .. اذا مافي مكان تروحين روحي الحمام !!! عدلي شيلتج مثلا .. عدلي ثيابج ... خلي هدفج من القومة ان تطلقين ريولج وتتحركين شوية .. لأن القعدة الطويلة تكسر العافية :confused:



تقبلي تحياتي
:biggrin:

ههههههههههههههههه

ايام الجامعة كنت كذا

تعب مو طبيعي
وكله بس ابغى انام


لكن لما اهتم اني انام بدري
حاولي ماتنامين العصرية او بعد الظهر
عودي نفسك انك تنامي مره وحده بالليل بعد العشاء مباشرة
واخفف العشاء
واشرب حليب قبل النوم او مرات اخذ دش دافيء يروقني ويهدي اعصابي حتى انام نظيفة ومرتاحة
واقعد اجهز كل شي لبكرة من عبايتي وشيلة وغيره وغيره
علشان ما اقعد احوس وانا توني من النوم صاحية ومافي وقت

وخليت المنبة بدري قبل وقت قومتي وقبل الصلاة بربع ساعة
اكل ككاو احطه جنب سريري
اتوضى واجهز كل شي واصلي
واخذ لي نص ساعة اتمدد عالسرير بدون نوم
علشان اقنع نفسي ان خلاص شبعت نوم

ويبدا مفعول الشكوليت يمدني بالنشاط
لان الككاو ينشط ويخلي شعور النوم يروح منك

ولما يخلص الوقت
اشرب كوفي مع كريما مثل كابتشينو وغيره
وانا قاعدة اتجهز والبس

مايصير وقت الروحة
الا وانتي مخلصة ونشيطة ومصحصحة

ولا ورم بوجهك ولا بعيونك

ومروقة ومرتاحة باذن الله
مثلك مثل بقية الزملاء

موفقة اختي