السلام عليكم ورحمة الله وبركاته
شحالكم يا اعضاء وزوار منتدى عروس
بتكلم عن موضوع مهم للجميع وهو الطريقه السريعه في تنظيف فرش المكياج للاستخدام المباشر ( لي موضوع قديم عن طريقه تنظيف فرش المكياج لاكن بستخدام الغسول واكتشفت سر ل تنظيف فرش
بنسبه للطريقه ال2 هي شراء المنتجات ابدا ما جربت من ماك مع اني سمعت مدح عليها وبعض من المنتجات المختلفه وهذي افضل منتجات لتنظيف السريع بنسبه للمنتجات
لاكن عندي الحل السريع اذا ما كان متوفر عندج هذي المنتجات واللي متوفر في جميع الصيدليات و الجمعيات
ندخل بالموضوع
انا دايما اغسل الفرش ب شامبو الاطفال ولانه ناعم وينطف الفرش المكياج واذا ما كان عندي غسول او اي شامبو متوفر عندي لاكن يأخذ وقت الى ان يجف اكيد الانه نعتمد على الماء [أبدأ ما فكرت اجرب من ماك او نوع خاص ب تنظيف الفرش دايما اعتمد على الشامبو /COLOR]
لاكن صدفه سبحان الله كنت ابي استخدم فرش المكياج الاني كنت بزور الاقارب و نسيت انظفهم
من اسبوع اكتشفت طريقه هذي الطريقه سريعه الاني قبل كنت استخدم التونر في ازاله المكياج للاستخدام في نفس الوقت لاكني كنت انتظر انه ينشف وما حبيت طريقه التونر الانه ايضا يكون ما نظف زوائد المكياج )
لاكن هذي الطريقه اذا كنتي مستعجله وما كان عندج وقت لتنظيف العميق للفرش عشان تتأكدين انه ما له زوائد
اللي بنستخدمه هنا هو الكحول السائل ( المعقم الجروح )
معلومات عن الكحول وفائده
هو منظف ومطهر ومنقي للجروح ويستخدم اكثر شئ في المستشفيات ويقتل الجراثيم والبكتيريا وفطريات وانواع كثيره من المسببات الحبوب البشره ويستخدم ايضا لتنظيف المنزل بنفس الوقت
اللي محتاجينه هو
كحول سائل
وعاء
فوطه أو كلينيكس المطبخ الانه قوي وما يذوب
فرش اللي محتاجين تتظفها
الفرش اللي بستخدمها
زوم لاحطو بقع المكياج لاكن هذا ل يوم واحد فقط ( ما بالج للي تخلي مكياجها ايام ) :woo:
انا كنت ابي علبه اسبري فاضيه عشان اضع الكحول ف ما كان عندي ( ان شاء الله اخذه من دايسو الاني ابي علبه كبيره وبتوفر على كميه الاستخدام بدل العلبه ) انصح استخدام علبه الرش
الطريقه :
استخدمت فرشاتين هم كريم اساس و فرشاه
نضع كميه في الوعاء
ثم نضع الفرشاه ونحركه في الوعاء ونعصر الفرشاه من خلال وضع الفرشاه بطرف الوعاء ونرجع نحركه في الوعاء (بنلاحظ تغير لون الكحول الى بني او على حسب كثافة المكياج في الفرشاه ) ونمسحه في الفوطه ونكرر الى ان ينظف بشكل معقول
BOOM >> شوفو النظافه وجفت ب اقل من دقيقتين :hysterical: احلى توقيت
ونبدأ نكرر الطريقه ب فرشاه كريم الاساس
مسحت ب الفوطه
BOOM
بنسبه للاسفنج نتستخدم كلينيكس المطبخ الانه قوي ( ما انصح استخدام الفوطه لانه بيسبب في تقطيع الاسفنج) ونزيد من كمية الكخول الانه يشرب كميه من اللي موجود في العلبه
بنسبه للاسفنج اخذت شوي من الوقت تقريبا 5 دقايق:clock: الى نشفت طبعا الانه النوعية اللي عندي سميكه شوي و على حسب نوعية الاستفجه اذا كانت من النوع الخفيف او السميك
نتيجه في الفوطه ^o) وساخه وارتحنا منها :-o
ونتيجه النهائيه
نظافه الفرش بشكل سريع وبتوفرين على عمرج الوقت للاستخدام
اتمنى الموضوع عجبكم وجربو الطريقه وبتعجبكم مثل ما عجبتني ^^ وريحتني لاكن هذا ما يمنع انه على الاقل نغسل الفرشاه مره في الاسبوع بشكل عميق
[COLOR="Blue"][B][COLOR="Red"]الكحول لا يسبب ب جفاف فرش المكياج الا في حاله نوعية فرشاه ما تتحمل قوه درجة الحكول واذا لاحظتو انه جف بعد ما استخدمتي الحكول ب شكل كبيره يعني احساس التقصف نضع قليل من زيت الاطفال الانه يتشربه بسرعه وما تحسين ب حشونه الفرش الحمد الله بنسبه لي ما حسيت ابدا ب جفاف شعيرات فرش المكياج وكل الفرش من ماركة سقما يعني Good quality
جميع الحقوق محفوظه لدي منتدى @ عروس #عند النقل ارجوا ذكر المصدر F:[/COLOR][/B]